ادخل تفهم معدلات القبول وكل ما ينتظرك بعد ايام وكل ما يخصك لتختار تخصصك وتوقعات النتائج

[le docteur]

مشكورين على المرور
اخي سارق الاحزان اشكرك جزيل الشكر لأنك اعتنيت بالاعضاء في غيابي
ربي يجازيك الخير

اريد توضيح ان التلاعب بالنتائج يكون بالزيادة وجامي يكون بالنقصان
معناه لا يمكن بأي حق من الاحوال ان تقوم الوزارة بإنتزاع حق الطلبة
كما الذي يقول الشخص لي اخذ 10 يصبح 9 ما يصلحش كامل
محاربة الغش ومباعد يقومون بأكل حقوق المترشحين ؟
لا يمكن وغير منطقي اخاوتي راكم جامعيين وتهدرو كيما هاكا والله غير ما يصلحش
افهمو ملييح الوزارة تدرس عدد المترشحين وتخدملك بكالوريا تتناسب مع نسبة النجاح التي تريدها الوزارة
في مواضيع الرياضيات مثلا هناك اسئلة يجيب عليها كل الناس بمعنى الاغلبية قادرة تجيب 7 و8 و 9 و10 و 11 كي والو وبالمقابل كاينة اسئلة لا يجيب عليها كل الاشخاص
راكم فاهمين ؟
الوزارة تعرف كيف تحد النسبة مع ما يتوافق مع مقاعد الدراسة في الجامعة
مشي لي يجي ويقولك الوزارة تنقص المعدلات ؟ غير ممكن
معناه الاساتذة في مراكز التصحيح اقصد اللجان تقوم بالعبث بنقاط المترشيحين في الامانة ؟
كونو منطقيين شوي
هذه السنة تتميز بالعدد والكثرة وبالمقابل قامو بفتح كليات جديدة ومدارس جديدة ولذلك لاحظنا البكالوريا جات في المتناول اكيد مهوش زهر ولكن كلشي مدروس
في 2011 شهد اكبر طلوع للمعدلات في جميع التخصصات هذا ليس لانهم كثيرون ؟ لانه فقط ترشح 380 ألف فقط
ولكن تميزت بالنوعية كيما في 2014 الوزارة قالت نسبة 2014 تميزت بالنوعية وكذلك هذه السنة لقد قمنا بدمج جيلين كاملين بممتازيهم ومتوسطيهم ووو
مثلا معدلات قبول الطب في السنوات الاخيرة
15.09 :2014
14.70 :2013
15.49 :2012
15.64 :2011
15.35 :2010
12.66 :2009
14.15 :2008


لاحظو في 2009 معدل هابط جدا لان البرومو تع 2009 ضعفاء جداا والدليل على كلامي اغلبهم دخلو راتراباجات ودوبلاو في الجامعات روحو سقسو وشوفو
حالة خاصة 2009 بعد النظام الجديد وتخلطت...
أما ان تحلم بمعدل الطب 12 حاليا هذا مستحيل طبعا انت تتكلم بعواطفك لا اكثر ولا اقل
اكبر معدل كان في 2011 ووصل الى 15.64 ما تنساوش مكانش كليات جديدة هذاك الوقت مقاعد قليلة
هذه السنة مقاعد جديدة وكليات جديدة وكلش ونوعية التلاميذ
معناه معدل هذه السنة يقاس بمعدل سنة 2011
انا نقولكم يكون في حدود 15.65 إما فوق ولا يتجاوز 15.9 وإما تحت ولا ينزل تحت 15.4
والعلم لله

ونزيد نقولكم اغلبكم يتكلم بعواطفه ويقول ستنزل المعدلات..
اخدم بالمنطق ولا تدخل عواطفك لكي لا تصدم لاحقا-تتشوكا-

[سامي 123]

المشاركة الأصلية كتبت بواسطة le docteur

كما الذي يقول الشخص لي اخذ 10 يصبح 9 ما يصلحش كامل
محاربة الغش ومباعد يقومون بأكل حقوق المترشحين ؟
لا يمكن وغير منطقي اخاوتي راكم جامعيين وتهدرو كيما هاكا والله غير ما يصلحش

الوزارة تعرف كيف تحد النسبة مع ما يتوافق مع مقاعد الدراسة في الجامعة



[/b]

السلام عليكم .. أنا لدي إسم .. إسمي سامي وليس الذي

يا أخي راك تتكلم على أنا راح نديولك بلاستك في الطب

ما تخافش أنا والله ماندير طب

و أنت لي راك دكتور الله يبارك .. نورمالمو ما تحطش مواضيع كيما هذا .. خاطرش ما تقدرش تحكم على معدلات القبول

قبل ما يخرجواا النتائج .. أنت لا تعلم الغيب

وراك رجعت لكلامي كي قلت " الوزارة تعرف كيف تحد النسبة مع ما يتوافق مع مقاعد الدراسة في الجامعة "

صحا فطورك خويا .

[le docteur]

السلام عليكم .. أنا لدي إسم .. إسمي سامي وليس الذي

راني نتكلم باسلوب ولست انت الوحيد المخاطب من يتبنى هذه الفكرة فكلامي كان بشكل عام يخص العامة ولست وحدك
معناه -الذي- اقصد بها -غاشي- وليس سامي فقط

يا أخي راك تتكلم على أنا راح نديولك بلاستك في الطب

ما تخافش أنا والله ماندير طب

انا نتكلم على الطلبة لي مافاهمينش الحالة كيف راهي تدور
ونشرحلهم فقط وما نحسدش انا حاشا
هذا اتهام خطير ليا بصح نعذرك لأنك دايخ
ربي يوفق جميع الطلبة لتحقيق احلامهم
بصح انت تدير طب ولا ما تديرش معندي ما راحلي فيك
ديجا هذا سوء ظن منك راح نتجاوزو والسماح ليك
حاجة كيما يحبهالي ربي حاجة ما توقفها

و أنت لي راك دكتور الله يبارك .. نورمالمو ما تحطش مواضيع كيما هذا .. خاطرش ما تقدرش تحكم على معدلات القبول

قبل ما يخرجواا النتائج .. أنت لا تعلم الغيب

وانت تقولي راك خايف يدولك بلاصتك في الطب ومباعد تقولي دكتور ؟ معليش نعذرك راك صايم اليوم ودايخ
انا راني ندير في احصائيات جد منطقية
هذه السنة 800 ألف مترشح والسنوات الماضية لا تتجاوز ال400 ألف مترشح إلا في 2014 كاين 500 الف مترشح
الإستنتاجات واضحة
الرايب مهوش كيما اللبن ومهوش كيما الحليب
والزبدة مهيش كيما الفرماج
كاين فرق اكيد
معليش نعذرك مرة اخرى لأنك لم تطلّع على الموضوع جيدا والشرح الخاص بكيفية انتقاء المقاعد وحساب معدل القبول

وسبحانه وتعالى هو فقط من يعلم الغيب هل قلت هذا في الموضوع اني اعلم الغيب ؟ ؟ اعوذ بالله من هذا
هذا اتهام خطير ليا
نعذرك مرة اخرى ثاني

وراك رجعت لكلامي كي قلت " الوزارة تعرف كيف تحد النسبة مع ما يتوافق مع مقاعد الدراسة في الجامعة "

ا .

شتان بين كلامك وكلامي اخي العزيز
انت قلت الوزارة تخصم النقاط من المترشحين وبذلك تحد النسبة
انا قلت الوزارة تحد النسبة بواسطة صنع مواضيع البكالوريا تكون تخدم النسبة التي تريدها الوزارة يعني عمل الوزارة في حد النسبة انتهى وبدايته كانت نهار الاحد 7 جوان والبداية بموضوع الادب...
وليس ما تقوم به اكل حقوق الناس بالباطل..
فرق كبير ياسيدي الشيخ
نزيد نعذرك مرة اخرى يبدو انك دايخ ياسر يا الشيخ راك دخت
ربي يعينك تكمل النهار بإريحية تامة
شكرا لمشاركتنا حبيبنا لولا الاتهامات والفهم الناقص فقط بصح معليش
بالتوفيق ليك

صحا فطورك خويا

الله يسلمك خو