~~بعض النصائح لعلها تفيدكم ~~

[~~نهال~~]

المشاركة الأصلية كتبت بواسطة chamchouma

السلام عليكم ورحمة الله تعالى وبركاته .. صحاا رمضانكم ~~ وجمعه مباركة الله ينور عليكم بنورها ..
كنت متابعه بصمت ^^ ..

اخيتي نهال والله يعجز لساني عن شكرك .. جـزآك الله كل خــير .. واتمنى لك النجاح والتفوق في شهادة البكالوريا ..

هههه اظن لم تتبقى لي اسئلة لطرحها .. افقد كفيتي و وفيتي ..

فقط ما يثير خوفي .. بكوني اعتبر لم ادرس رياضيات طيلة العامين الفارطين :/ .. ولكنني كنت اتحصل على نقاط مميزة .. غريب صح !!
امم .. من درسني .. كان يقوم بعمل مراجعه لنا .. ونفسها هي تمرينات الاختبار .. يعني حفظ لا فهم :/ ..

والفيزياء .. الحمد لله .. الفضل يعود للدروس الخصوصية .. ^^ .. امم ولكن لا استطيع القول انني افهمها فهما كاملا .. بكوني اقوم بحل اكبر عدد من التمرينات .. ودائما ما ارى انه لو جائني تمرين غير الذي حللته سابقا .. لعجزت .. هل من حل ..؟؟

العلوم هههه من المتوسط .. وهي عائقي الوحيد .. اتذكر انه ناااادرااا ماتحصلت فيها على العلامة الممتازة .. للاسف :/ ..
لا اعلم ما السبب .. اظن عدم معرفه المنهجية :/ .. كما انني اعتمدت على كل الطرق .. حفظ .. فهم .. حل التمرينات في الدروس الخصوصية ..

امم بالنسبة لمواد الحفظ .. الحمد لله .. فقط الكثير من الوقت ..
اللغات كذلك انا جيدة فيها ^^ .. (تمنيت لوكان راني شعبة لغات ..)

وبارك الله فيك ~~
صحا فطوركم ..

اهلا اختي
كل عام و انتي بخير
لكي ا اطيل عليك ( لاني نشتي نقص بزاف )
الرياضيات انصحك بدراستها مام انا مريت بنفس المشكل و عام اللي فات يعني ثانية ثانوي ماكنتش مهتمة صراحة و كنت نقرا تع طريقة الحفظ كيما تقولي و عام هذا باش اكتشفت انو نقاط اللي كنت نديههم ماكانش عندهم معنى اني طلعت شبه فارغة
مادام راكي مليحة في اللغات
رمضان استغليه للمططالعة و الراحة
يفوت رمضان انصحك باستخلاص اهم الدروس اللي عندك عائق فيها و ابدائي رويدا رويدا ماتضغطيش على روحك ابدا
3 ساعات يوميا تلقاي روحك تحسنتي و كما سبق و قلت ( خاطيني الفصحة ) اذا بقينا من الاحياء لهذاك الوقت سنفتح موضوع مخصص لكل من اراد استدراك النقص و نساعدكم
لانو يعني مممم عانيت من الرياضيات هذا العام ( اساتذة يتبدلو و بدلت ليكور و دروس تراكمت في فص ثاني هههه لا ادري كيفاه قدرت نكمل و مانهبلش
لذا اتمنى تستدركي النقص في هذا الصيف ( دون ضغط ، لانو كلش يتعاود في موسم دراسي لكن اساسيات لازم تتعلميهم )
هاذيك تمر بينا كامل تع انك تحلي تمارين معاودين و توصلي للجديد تعجزي
عندي تمارين ليكور تع المات صعاب و جبتهم
كي حليتهم في يوم قبل باك حسيت بعجز ( انهيار ) لذا انصحكم في ايام قبل بكالوريا اكتفوا بالحوليات فقط فقط فقط
و اثناء التلخيص لمجمل الدروس
انصحك و انصح الجميع
اللي يحب يلخص الدروس
ماتتركوهاش لاخر العام لانو مايكونش عندكم الوقت
كل مادة خصصوا لها كراس صغير 96 ص او اقل حسب المادة
و كل نهاية مجل تلخصوا
باش اخر العام تلقاوها واجدة
نعود لمشكلتك ( قلتلك نشتي نحكي بزاف )
الفيزيا كان كابوسي
و غلطتي اني ماتغلبتش علىى خوفي منها
ماتقلقيش كي ماتعرفيش تحليه و نحي الفكرة من بالك انو كل تمرين جديد ماتعرفيش تحليه
لانك قلتي فيه فكرة جديدة و انتي مش رح تعقبي الباك باش توري روحك او تختاري الصعيب و الجديد
تمرين جديد معناه فكرة جديدة عليك و انتي تحلي باش تغلطي ( لانو كل غلطة تتعلمي منها حاجا ) مش تحلي باش تجيبي الصحيح
لذا لا تقلقي بهذا الشان
العلوم لكي لا اكذب ( كون تكثري من الحل بزاف للتمارين اللي حاملة نفس الفكرة تصماطلك و تولي مادة حفظ = هذا رايي الشخصي )
نوعي دوما التمارين و كتاب احمد امين خليفة و اكرر ماتحلوهش كامل خاصة المناعة لانو تتكرر الافكار حتى تملي منهم صراحة
لا تضيعي وقتك في البحث كثيرا على التمارين
و كي توصلي لح انو كملتي التمارين و تحوسي على افكار جديدة
روحي للباك تع المغرب
ساحاول ان اضعهم في ايام مقبلة اذا لقيتهم المهم
المنهجية تقتضي مرجع مليح و استاذ جيد
كل درس تقرايه طبقي عليه
كيعاد لو تتركيها تتراكم تولي تكرهي حياتك ( راي شخصي ههههه )
كي تحكمي مرجع مليح
حلي تمارين و و تخطئي و الي عجبوك ديري بالماركور عليهم و في ايام مقبلة
ارجعي عاوديهم
و ركزي في منهجية
الا داعي ترجعي لدروس فصل ثاني
تقريبا بعيدة عليها ماعدا اتصال عصبي لكن سهل كلش يتكرر
لذا دعيها لموسمها الدراسي
ركظي في رياضيات اتمنى اني افدتك