متى نتوقف عن المراجعة ؟

[toulay]

المشاركة الأصلية كتبت بواسطة يسرى وهران

normalement يكون في الورقة تاع الاستدعاء المهم غادي نعطيهلم ..
اليوم الأول من 8 الى 11.30 اللغة العربية
المساء على الساعة 15 الى 17.30 إسلامية

اليوم الثاني من الساعة 8 الى 10.30 رياضيات
المساء من 15 الى 18.30 انجليزية

اليوم الثاث من الساعة 8 الى 11.30 فلسفة
المساء من الساعة 15 الى 18.30 فرنسية

اليوم الرابع من 8 الى 11.30 تاريخ وجغرافيا
المساء ولا شيئ

اليوم الخامس من 8 الى 11.30 إسبانية أو ألمانية

بالتوفيق لكــ :d

بالمناسبة انا نجحت فالباك في سنة 2011 شعبة لغات اجنبية لعقوبة ليك ان شاء الله
الان ركز فالعربية راجعها مليح مليح وابقى معاها حتى تكملها مشي تكره وتقفز لمادة اخرى
مين تكمل العربية ارتاح شويا وعاود اقرا الدروس كاملة تاع التربية الاسلامية
مين تكمل الامتحان تاع 2 مواد هاذو راجع الرياضيات والانجليزية حتى مين تكمل الامتحان تاع الرياضيات راجعها لانو يكفيك الوقت واي استفسار فالانجليزية ان شاء الله نعاونك
مين تكمل الامتحان وتوصل للدار ريح شويا وروح للفلسفة راجع المقالات واقوال الفلاسفة ومين تكمل من الفلسفة تروح للدار تريح وتتغدى وراجع الفرنسية
مين تكمل الامتحان وتوصل للدار ترتاح راجع التاريخ والجغرافيا بلا ماننسى التواريخ والشخصيات على الاقل تكون مراجعة مادة اكثر باش تضمن فيها النقاط
ومين تخرج روح للدار اخبطها رقدة ومين تنوض راجع الاسبانية
مين تحب تراجع نوض بكري هكذا مخك يكون فارغ
بالتوفيق وربي ينجحك ان شاء الله