رمضان الفراشات ، يزهو بألوان الطاعات و البركات ,,,

[القناعة كنز]

في رمضان (ربي يوصلنا ليه سالمين و يقدرنا عليه) كاين حوايج ثابتين كل يوم مثل الجاري (الفريك) السلاطة و الكسرة ،هاذو ندير تاع يومين و عندك خلاف البوراك ندير يومين و الثالث ندير بيتزا و لاسوفلي و لا شوسون المهم يومين بوراك و الثالث نبدل و هكذا و في مايخص الطبق الثاني تم المشكل كل يوم و احنا في حيرة ، ان شاء الله العام هذا مانحيرش مع الوصفات اللي المنتدى هنا ، مي فالنهار الاول تعودنا نديرو الكفتة

[وفاء الياسمين]

المشاركة الأصلية كتبت بواسطة القناعة كنز

في رمضان (ربي يوصلنا ليه سالمين و يقدرنا عليه) كاين حوايج ثابتين كل يوم مثل الجاري (الفريك) السلاطة و الكسرة ،هاذو ندير تاع يومين و عندك خلاف البوراك ندير يومين و الثالث ندير بيتزا و لاسوفلي و لا شوسون المهم يومين بوراك و الثالث نبدل و هكذا و في مايخص الطبق الثاني تم المشكل كل يوم و احنا في حيرة ، ان شاء الله العام هذا مانحيرش مع الوصفات اللي المنتدى هنا ، مي فالنهار الاول تعودنا نديرو الكفتة

السلام عليكم اعتذر على الغياب
بالنسبة للشطر الاول من كلامك أغلب الجزائري عندهم نفس الثوابت
شربة جاري و الكسرة و الشلاظة

لكن انا حاولت و راني نحاول في ابتكار افكار للهذه الثوابت و نشوفو واش يوالم مع كل موجوداتنا و اطباقنا الرئيسية
حتى الشلاظة فيها انواع كثيرة و حتى البوراك و البيتزا ممكن تنوعي و تزيدي
حتى الكسرة راني حطيت موضوع ام اماني وصفة روعة يعني يغيري شوي
الا اذا عائلتك متحبش التغيير فذلك به مرحب

أما بالنسبة للشطر الثاني
الطبق الرئيسي انت قدمي اقتراحاتك و لما تكتبيها كامل و نكونو كتبنا كامل واش في راسنا
هنا اجيك المهمة ساهلة يعني علا حساب واش عندك خضرة تلقاي عندنا بإذن الله الطبق الرئيسي

أنا درت خمس قوائم تقليدية و مازال البقية بإذن الله الله المستعان

اللهم بلغنا رمضان