هل من مجرب لبكالوريا الاحرار و كيف كانت النتيجة ؟؟؟

[shy'n]

المشاركة الأصلية كتبت بواسطة asma-forever

شكرا اختي على النصائح حبيت نسقسيك اذا ماكانش مشكل واش راكي دايرة اختصاص

درت طب , و حابة نخرج طبيبة بيولوجية

المشاركة الأصلية كتبت بواسطة soundes95

ربي يبارك اختي و مشكورة على النصائح
حبيت برك نعرف نقاطك في المواد تعيشي و ربي يهنيك كيما هنيتيني

ممممم نقاطي كانت كالآتي

نبدالك مل لول

الرياضة 18 : كي رحت عقبت باك سبور ,,,تم بديت نحس بالتوتر و بقروب الباك ’, لكن اغتنمت الفرصة باش نسقسي البنات وين راهم حابسين لعلني اجد بنات ماكملوش الحفيظة ,,,لي نسقسيها ماتمدليش اجابة واضحة ,,,,عرفت روحي الوحيدة لي مانيش جابتها ,,, ولا سيما كانوا بنات و رائي نسمع فيهم يهدروا : قاتلها انا ماعندي ماندير ب17 في السبور انا نحوس على 19 ,,,,ههه زاد هبطلي المورال قلت هاذوا البنات في الرياضة و ماسمحوش فيها باينة راهم قاريين و فاهمين و حافظين ,,,,, و ليكن في علمكم انا مانيش قاااااع تع رياضة -رغم حبي للرياضة- اتذكر رميت الجلة واقيل 3 امتار او 4 و الجري الجماعي لحقت مع الأواخر تع الأواخر يعني ماتخافوش ان شاء الله يمدولكم علامة مليحة فيها

الأدب 11 يعني أول اختبار أول فشل ,,,كنت عارفة بلي ماخدمتش فيها لاخاطر ما راجعتهاش و راحولي 3 نقاط مجانا تع لون النص لي كان بلزمني نجاوب عليه " مقالة اجتماعية" و راحتلي تع خصائص المقالة ,,,,, يعني اضعف الايمان الشخص يراجع الأسئلة المتكررة في الباك و الاعراب

الشريعة 18,5 حاولوا اكتبوا بتنظيم باش تجذبوا نظر المصحح و حاولوا قبل ماتجاوبوا على سؤال ديرولهم مقدمة عندها علاقة به ,,,تلقاوهم في الكتاب المدرسي مثلا ,,,باش ماتمدولهمش الفرصة يحقروكم في مادة سهلة مثل هذه ,,,, أنا الباك تاعي الاول مدولي 13 رغم جايبة صحيح ,,,بقالي choque لحد الآن

الرياضيات 18 غلطت في الحسابات و رغم وجود آلة حاسبة ,,,تبهديل و سؤال ماجاوبتش عليه لاني تكاسلت و آخر جاوبت بالنص

الانجلزية 18,5 ماتنساوش تراجعوا هادوك تع /iz/ et /z/ هاذوك تع النطق ,,,اظعف الايمان

العلوم 14,5

الفرنسية 19,5

اجتماعيات 14,5 أظعف الايمان تحفظوا الشخصيات و المواقع و المصطلحات الصعبة

الفيزياء 18

الفلسفة 7 ليس هناك اظعف الايمان فيها نتوما و زهركم اذا مقالة سامعين بيها ولا لا

voilaaaa

ان شاء الله ربي يهنينا كامل

المشاركة الأصلية كتبت بواسطة ali1994k

هذاك لي كمل المراجعة باين انا هههههههه
نتي نت خايفة بزاف وزدتي خوفتيني معاك

نعم هذا هو لي كنت نسقسيه نقولو راك حافظ كلش؟ يقولي ايه ,,,نقولوا راكم فاهم كلش؟ يقولي ايه

تع صح يهبط المورال

لكن هو على الاقل مادارش كلش في آخر دقيقة

____________________________________________

اذا عندكم اي سؤال راني هنا