استغلال الخطيبة لخطيبها ماديا

[السي محمد]

المشاركة الأصلية كتبت بواسطة sunshine2013

يعني مالقيتوش موضوع غير هادا؟؟؟
كيما قالت الأخت أم نهولة بارك الله فيها عين الصواب، إذا الراجل راضي، هذا ماهوش استغلال يقدر يقبل كيما يقدر يرفض راهو راجل لا و إذا قبل وين راه المشكل؟؟؟ هذا حسد ولا واش؟؟؟؟ و اللي ما تطلبش بنت فاميليا و اللي تطلب ما تحشمش...؟؟؟
كاين نوع رجال و الله ما يفهم روحو ما يشريش حتى وردة مدبالة و دايرينها النية في الهبال ماقاتليش تهنيا ، لازم تطلبي و كي يفوت الوقت يقول وين كنتي من قبل هادي جديدة ،
نعطيلكم مثال، راجلي ، في فترة الخطوبة، راح للترك وحد المرة و قالي في التيليفون واش نجيبلك، يعني حشامة و بنت فاميليا و الحمد لله ماعندناش و ما يخصناش قلتلو لالا ماتشقيش روحك سلامتك برك، قلت أكيد يفهم روحو و يجيب حاجة، إيمالا ماجابلي والو و جابلي ليماه و ختو جبات دار، و كي زعفت قالي نتي قلتي ما جيبش (شوفو الراجل كيفاش يخمم يا عيني) ، إيمالا كي راه يطبق هدرتي حرفيا من هادا ك النهار نطلب بلا حشمة و لا حيا، و ما يجيبش راحت عليه...

السلام عليكم اختي

لطالما كتبت في هذا القسم ان طريقة تفكير الرجل تختلف عن طريقة تفكير النساء...و تفسير الرجل للكلام يختلف عن تفسير المراة له


ولكن مازلنا لم نطبق بعد و مازالت هذه المشكلة ( عدم فهم الآخر) سبب في المشاكل الزوجية




تصرف خطيبك طبيعي

سألك

جاوبتيه بالرفض

انتهى



و هكذا يفكر 99.99 بالمئة من الرجال




لكن شخص جديد في هذا المجال مستحيل يفكر انه يعطيك شيء لم تطلبيه


مستحيل

[*سندوسة*]

وعليكم السلام ورحمة الله وبركاته
صح رؤية الرجل للامور ليس كما تراها المراة

حنا نسا كي تقولك لا ماعليش يعني "جيب"

عندنا كلش بالعكسوشكرا على ملاحظة الاخيرة

موفق اخي

[*سندوسة*]

العفو اختي

وبارك الله فيك على الكلام الطيب
وربي يكتر من امتالك

شكرا لك نورت الموضوع

[sunshine2013]

المشاركة الأصلية كتبت بواسطة سندوسة يسمين";3993408358][color="red

انا مانقدرش نتخيل روحي نطلب حاجة من خطيبي جاب حاجة بخاطره مرحبا مجابش مرحبتين
[/color]

أنت حرة أختي سندوسة بصح مش نفتحو موضوع و نمدو رأينا و نعمموه، هذا الشيء غير مقبول
بالمختصر المفيد ، رأيك ليس بالضرورة صح

[sunshine2013]

جاوبتو بالرفض من باب الحشمة و الأدب لكن الظاهر هذا لا ينفع مع بعض العباد أو بالأحرى بعض الرجال
و كيما قلت ضيعتها بسبب عدم خبرتك
حتى أنا اكتسبت خبرة في التعامل مع خطيبي الذي هو زوجي الآن و الحمد لله

[*سندوسة*]

المشاركة الأصلية كتبت بواسطة sunshine2013

أنت حرة أختي سندوسة بصح مش نفتحو موضوع و نمدو رأينا و نعمموه، هذا الشيء غير مقبول
بالمختصر المفيد ، رأيك ليس بالضرورة صح

انا تكلمت على حاجة مقتنعة بيها وليس بالضرورة تقتنعي بيها انت كذلك
ظاهرة ماعجبتنيش بغيت نتناقشو فيها وكل واحد والله يسهل عليه
انا تكلمت على وجهت نظري وجعني قلبي من هاد الامر طرحت موضوع

وانا ماقلتش رايي هو صح انما انا مقتنعة بفكرتي
شكرا اختي على مرورك

[baalache]

السلام و عليكم في رايي من تطلب مثل هاته الامور وهي في فترة الخطوبة فهي وقحة لان الامر ليس رسمي و الخطيب في حكم الاجنبي

[*سندوسة*]

المشاركة الأصلية كتبت بواسطة baalache

السلام و عليكم في رايي من تطلب مثل هاته الامور وهي في فترة الخطوبة فهي وقحة لان الامر ليس رسمي و الخطيب في حكم الاجنبي

وعليكم السلام ورحمة الله وبركاته
اهلا اخي
وانا هذا ماقصدته
بارك الله فيك
شكرا

[*سندوسة*]

المشاركة الأصلية كتبت بواسطة نـور الإيمان

انا شفت العكس، رجل يطلب من خطيبته وهي اعلى منه مستوى
كيف نسمي هذا؟؟؟؟؟؟؟؟

هاداك موضوع اخر
انا ليوم بغيت نطرح الموضوع على الخطيبةالمتطلبة

[salim.salim]

الراجل تاع اليوم مسكين مغلوب على امرو في جميع المجالات
الراجل تاع اليوم ولى حشاكم مجرد "حمار حاطين عليه بردعة"

[sunshine2013]

المشاركة الأصلية كتبت بواسطة salim.salim

الراجل تاع اليوم مسكين مغلوب على امرو في جميع المجالات
الراجل تاع اليوم ولى حشاكم مجرد "حمار حاطين عليه بردعة"

إذا هو سامح لنفسو يكون حمار (حشاكم)، مش مشكلة اللي مستغلينو ، المشكل فيه

[*سندوسة*]

المشاركة الأصلية كتبت بواسطة salim.salim

الراجل تاع اليوم مسكين مغلوب على امرو في جميع المجالات
الراجل تاع اليوم ولى حشاكم مجرد "حمار حاطين عليه بردعة"

انا تكلمت على عينة وليس بالضرورة رجال ليوم يكونو ضحية "اقصد دابة "

[*سندوسة*]

المشاركة الأصلية كتبت بواسطة sunshine2013

إذا هو سامح لنفسو يكون حمار (حشاكم)، مش مشكلة اللي مستغلينو ، المشكل فيه

[staifia]

صح ياختي ياسمين كاين بزاف بنات من ها النوع انا تبانلي لبنات لمشرارات لي جامي شافو هوما لي يصر الهم هكدا
لوكان يجيبلها من عندو بلا ماتقولو نورمال لكن تظل تطلب طايحة شوي

[اسماء منار]

السلام عليكم
في الحقيقة هو لايحس بانه مستغل بل انه يجب ان يلبي لها جميع طلباتها المصرح بها والغير مصرح بها مرة ليتخلص من زنها ومرة اخرى ليثبت لها انه جدير بها ولا يعرضها للندم لاختيارها له
اما من يروا هذا استغلال ويعانون منه هن والدته واخوته سواء صارحوه او لم يصارحونه في كلتا الحالتين لا يستعرف
مرة قالت امي لاخي يا ابني سايس روحك شويا مش كل ما تقلك هات دخل ايدك في جيبك . راهو ما زال جايك مصاريف العرس
قال لها ما عليهش يا امي تستاهل لو كان عندي اكثر نمدلها .
هنا تعرفوا بانه ليس استغلال لان الطرفين راضيين