دورة فراشات تزهو بالألوان بيوتهن قمة في النظافة و التنظيم و التدبير و الاتقان

[زهرة الريف*]

دخولي متذبذب لظروف لكني اتابع الشيء الذي أستطيع عليه
أردت وضع صور تطبيقاتي لكن وجدت مشكلة في تعديل الصور من تتفضل وتشرح لي الطريقة وكيف نكتب الاسم على الصورة
ربي يبارك فيكم أن شاء الله

[أمة الله 84]

مساء الأنوار على كل الفرشات الحبيبات على قلبي.
كيف حالكن أرجو أن تكونو بخير وعافية.

[زهرة الريف*]

مساء الأنوار اختي أمة الله

[omkamel]

سلام يا فرشاتى الغاليات كتبت بعض تطبيقاتى ولكنها راحت انا من قبل كان روتينى اليومى شاق وكنت كل موسم او فصل جديد نقوم دائما بميناج كامل للبيت وللمطخ الصغيرون واى شى يصلح يتغسل كنت نغسله حتى ولو نضيف نقول زيادة الخير خيرين وحتى فى فترة حملى كنت قبل الولادة الاشهر اللخرين كنت نقتل روحى بالخدمة وندير ميناج لكل شى بدون رحمة نفتل البربوشة وحتى بعد الولادة تهزنى امى وخيتى الله يفتح عليها ويخليهم توصينى امى نحافظ على روحى كى ندير شهرعندها ونروح لدارى نبدى العمل نتاعى بدون مراعات لان عزوجتى كانت ديما تستقبلنى بالمعانى مثال احنا نولدو منا نوضو منا ونديرو كلش المهم تمعنى باش ما نطمعش فيها كنت اصلا ما نحطش قلبى حتى الصغار تقمطهم خترة فقط او ماكانش غير بغيت البركة نتاعها بصح تكثر المعانى حتى كنت احيانا نتاذا لذلك كنت نوض وندير القلب ونخدم وما نراعيش لصحتى حتى تهردت وطحت طول وكان يقابلنى البرد يزيد يهردنى اما الان بعد ما طفرت باش فقت عدت نساعد روحى ونخدم بالعقل و وعلى حسب جهدى الى مابقاش وبعد ماوسع عليا ربى ببيت ثانية لقيت روحى ماعدتش قادرة خاصة الظروف الى مريت بيهم
المهم ضرك بديت التراتمو نتاعى ورانى نتبع عند الطبيبة وانشاء الله ما نزيدش نفرط فى روحى ابدا لانى خليتها حتى تفرط بزاف
انا بديت معاكم التطبيقات من الاول ولكن بالعقل يعنى الاماكن الساخنة رانى عقابها راهى كاثرة وكارثية خاصة غرفة بناتى اما غرفتى فالحمدلله مابقاليش فيها الكثير والمطبخ رانى غسلت الثلاجة ضرك مرتين وكل عشرة ايام نديرلها غسلة لانها تتجمد بسرعة ويساعدنى الحال كى عندى كونجيلاتور الى وجدت فيه غير هذى الايام بعض التحضيرات لشهر رمضان المبارك اما افراشات فهذو اليام فقط بردت قلبى فيهم غسلت الفراشات رغم الالم المبرح في يديا طولت ماغسلتهمش من الصيف كنت نغسلهم خترتين اوثلات قبل الصيف اما الزور وليكوات مازال نستعملو فيهم احنا مبرادين بزاف غسلت للصغار فقط والحوض رانى مدايرة القلب عليه بصح احيانا نعيى بزاف ونفرط فيه بصح الصباح نحاول نعوضو
كان اليوم مميز رحت عند ميمتى الصباح بعدما اديت بنتى تضرب براها تغديت عندها مع الاولاد الى توحشوها بزاف وعملت عندها كروكى اللاطفال نفرحهم بيه وعلجالت بنتى ادت العهد البارح الجمعة فى حفلةرائعة للكشافة الاسلامية طور زهرات اماالعشية روحنا عالخمسة لان بناتى يديرو الكاراتى كانو غلبانين لانهم سيقو لناناهم وقفضولها شوى وزدنا مشينا كى حبهم ربى ما داروش الكاراتى وروحو للمراجعة والحفظ الحمدلله قدرت نخرجهم ونحى على بالهم شوى رغم المشقة ومع وليدى حركى بزاف يتعبنى كى نخرجو كتبت وكثت عليكم سامحونى تصبحون على خير للغد انشاء الله سلامى خياتى

[chez biba]

[وفاء الياسمين]

السلام عليكم صباح الخير جميعا كيف أصبحتم . يا رب اجعل لنا في كل صباح فرجا .


حنونتي ام منال متتحيريش انا من النوع الي كي تتزاقا عليا نضحك و عندي مشكل نضحك بزاف .
ولي أمري راجلي بصح معليش نجيب عجوزتي في بلاصتو.....

حبيبتي حبيبة ما تشغلي بالك راني بديت نحسن نفسيتي شويا .
خخاصة ملي روحت ال دارناو تعاملت معاه كل مانقوول حاجه متعجبهمش خاصت خويا كلحاجه
يعيط علياو يبهدلني قدام الضياف .. تما خممت مليح هذا نجي نعيش عندو يديرني خدامه عندو
جيت لراجلي وحكيت معاه والحق سمعني و سمعته وقلتلو رانا في وقت الي طلق مرتو ظلمها لانه كثرت الفتن و المفاسد. وزوجي يتأثر بزاف كي نحكيو بمنطلق اهل السنة و الجماعه و كي نحب نغلبوا نحكي بطريقة رسمية خاصتة انه متأثر بالمشارقه في عقيدتهم
المهم طولت عليكم يا لحباب

[وفاء الياسمين]

المهم بعد اخذ و رد قالي المرأه الفحلة الي تطيع راجلها و ما تخالفوش يحبها و ماتخسروش.
ايا قتلو مين ولات هكذا راني تحت امرك و ما نزيدش نخالفك الا في السياسة و الرياضة هنا انا نخالفك مات بالضحك و جوزنا ليلة ادعولي تكون بداية خير
وتفكرت بداية الكتاب الي راه في الدورة ان المرأة خلقت من ضلع قريب من القلب لتكون قريبة من القلب وليس من الرجل باش يعفس عليها
تناقشنا و الحمد لله كاين امل...

[وفاء الياسمين]

المشاركة الأصلية كتبت بواسطة yasmine sila

ام نسيبة ماتتخليش شحااال فرحت مين ذكرتي بلي راكي في نقاش و تحاور مع زوجك
هاكذا نزيدو نكثفو الدعاء باش ربي يهديه و يصلح الاحوال فيما بيناتكم يااااااااااااااارب

متتخيليش شحال نفرح كي نشوف تضامنكم وو قفتكم مع كل وحده عند مشكل كثرت دعدعاربي يحف جميع الفراشاتو يخلينا دايما مجمولين فيبس زانالخ ير لبعضكم والله فيهاخير و منفعه كبيرة
ربي يجمعنا دايما في بستان الخير
ربي يهدي كل ضال و يفرج على كل مهموم

[وفاء الياسمين]

المشاركة الأصلية كتبت بواسطة الريفية

كيف حال أخواتي أن شاء الله بخير

و الله يا حبيبتي كلامكم يشفي كل مريض و نحسو ببعضانا هذا شرف لينا هكذا ولينا جسد واحد كل الاعضاء تحس ببعضها.
ربي يهنيك حبيبتي شكرا

[وفاء الياسمين]

المشاركة الأصلية كتبت بواسطة أم ريتاج زهرة

واه يا لحبيبة راني فرحانة كي راكي في نقاش هادى مع زوجك ربي يهديه و يخليهلك و ماراحش يلقى خير منك الله يخليك متقلقينيش عليك راني نستنى في أخبارك نشاء الله تحمل الخير لك و لإبنتك يا رب

ربي يهنيك حبيبتي ان شاء الله نسمعو عليك كل خير و تسمعي علينا كل خير يا وجه الخير

[YASMINE SILA]

صبااااااااااااااااح الفل و الياسمين على كل الفراشات
صباح السعادة بيبوشة
ام نسيبة صباحك عسل راكي نشيطة ماشاء الله بداية موفقة ليك و لزوجك ياااارب

[وفاء الياسمين]

تحياتي لكل وحده ما رديتش عليها و الله احبكن كثيرا
لكن يدي عيات من الهاتف ما نجي نكتب كلمه يهبلني و الله يدي راهي توجع
أحبكم في الله

[زهرة الريف*]

السلام عليكن يااحلى فراشات أصبحناوأصبح الملك لله والصلاة والسلام على سيدنا محمد رسول الله صلى الله عليه وسلم
اختي الكريمة أم كمال ربي يشفيك ويبارك في صحتك
أم نسيبة كلامك فرحني والأمل لي رجعلك حاولي ماتفقديهش وان شاءالله تكون بداية خير وفرح لك آمين يارب العالميين
سلامي لكل الاخوات الحاضرات و الملتحقات وحتى الغاءبات نهاركم زين وكله نشاط
توكلنا على الله ولا حول ولا قوة الا بالله العلي العظيم

[زهرة الريف*]

صباح الخير والورد والياسمين أخواتي ياسمين وشي بيبا ربي يوفق الجميع
عندي شغل كثير ربي المعين ويبارك لنا يارب

[omkamel]

صباحكم خير وبركة واشرقت انوار الرحمان عليكم حباباتى الفرشات وخياتى اليرقات
اختى نسيبة الحمدلله على السلامة والله دعيتلك رب يفرج همك ويسخر زوجك ويهديه ويحبب فيك وفى الرحمة الى بيناتكم نسيبة الله يحفضهالكم ديرى العقل وربى حنين كريم يشوف ليك وللملائكة وما يضيعكمش
نقولك الحمدلله كى عرفت منين تفوتيلو وتقنعيه ربى يهدى سركم وكل وحدة راهى تعانى فى صمت وربى يهدى هذو العباد الى يدخلو بين الراجل والمرة ولا ربى يبعدهم عليهم خلاص لان ضرهم اكثر من نفعهم ورب يصبر كل مبتلى