دورة فراشات تزهو بالألوان بيوتهن قمة في النظافة و التنظيم و التدبير و الاتقان

[بعيدة المنال]

السلام عليكم ورحمة الله وبركاته
أم مؤمن وأم صبرين راه غلبني زوجي بنيته كي قلت نتفاهموا على روسهم الرابط محبش يتحل ( جدودو قادرييييييين هههههههههههههههههه)
حبيبتي رضاك يا الله ( قولينا اسم ناديوك بيه) العفو أنا في الخدمة
حبيبتي أم وسيم حتى أنا ما حبش يتفتح لي الرابط للأسف لكن وصيتي ليك حبيبتي : الصبر ثم الصبر ثم الصبر لوحي أحمالك على الله مادام زوجك معدنه طيب رايح رايح يرجع كيما كان الوضع الأسري ما رايحش يدوم مهما طول المهم أنت ما تتصرفيش التصرف لي لا قدر الله تندمي عليه سواء في معاملة زوجك أو أهلو أغلبيهم بالملاحة صدقيني لوكان نحكيلك معاناتي ما يكفيهاش كتاب لكن الحمد لله عدت نشوف الخير في ولادي ننسى هم الدنيا بالكل وتبانلي راني سلطانة في وسطهم وما يهمنيش أي حاجة وحدة أخرى
حبيبتي شي بيبا بارك الله فيك على الأجندة هايلة وعملية
غزالة المنتدى بارك الله فيك كلامك ميزان وحكمة لكن وينو ولي أمرك ؟؟؟؟؟؟؟
حسناء المنتدى : لا فظ فوك والله نفس الفكرة لي رايحة نقولها ما تسمعيش حتى واحد بلي بينك وبين زوجك المليحة ولا الحايرة
سمونتي يا سمونتي وين رحتي توحشتك هاتي كاش ما نعاونك كروشيه ولا طرز ولا وش تحتاجي جقا وين عاد ريجيمك للتسمين ؟؟
خاتمة المسك حبوبة خواتاتها: الله يحفظك ويخليك المفاجأة مقبولة مهما كانت لي تجي من عندك عسل ونسيت نقولك بلي فكرة الفيديوهات رائعة وأنت لهل أهل وأكثر

[YASMINE SILA]

اهلا ام منال حبوبتي توحشتك
يا ام منال وجدت تقرير اشهر افريل كااامل بصح الصور مفيروسيين محبوش يطلعو غاضوني
ريجيمي راني ناكل في عسل التمر هاااايل يفتح الشهية و مقوي و منشط انا بديت ناكلو علا جال فقر الدم لقيت روحي في كل وقت ناكل هههه
تشفاي على الشورة البيضاء الي بديت تزيينها بالوردي راني كملتها كنت حابة نوريهالكم لكن الله غالب
ها\ا الشهر الي فات درت عدة اطباق كيكة دانيت سابلي و الهلال الفلسطيني و عصير لهلومة درتو عدة مرات و الاطباق المالحة تعلمت ندير شريبة الله الله و درت قراتان دجاج بالجين و المعدنوسية و ارز الهام الخليجي و طاجين الزيتون و درت عشا لخويا كي جا و لوكان تشوفي السلاطة الي درتها تموتي بالضحك هههههه مالقيتش زيتون اسود درت الاخضر بدون نواة شبعو عليا ضحك خخخخخ

[YASMINE SILA]

البنات البارح استقبلنا اول ايام شهر ماي و انا احب البدايات كثييييرا على قول حبوبة

يادرى كاش تخطيطات كاش برامج كاش اهداف
شاركونا اهدافكم
هاذا الشهر الثالث لي في الدورة
الشهر الاول كان هدفي روحاني و الحمد لله تمكنت من المحافظة على صلاتي و برنامج الذكر المسطر مع الورد اليومي
الشهر الثاني كان هدفي المطبخ و التجارب و الحمد لله راني نتحسن شوية شوية
و هاذ الشهر هدفي باذن الله الاعتناء بنفسي كيما يلزم الحال و قراءة كتاب النساء من الزهرة و الرجال من المريخ في اطار فهم عقلية هاذ الكائن الغريب كخكخكخكخخخخ -اقصد الرجل-
الاهداف الي ذكرتها هي الاهداف الرئيسية لكل شهر اضافة للاهداف الثانوية طبعا
هايا شاركوني اهدافكم وين راكم

[وفاء الياسمين]

المشاركة الأصلية كتبت بواسطة غزالة1

الى ام نسيبة
حبيبتي فعلا صدمت بالخبر و انعقد لساني فلا اجد ما اقول سوى ما قالته كل الاخوات العزيزات و على راسهم الحبيبة حبيبة
ساقول لك شيئا لكن كل ما اقوله كله باسلوب اللين و المسايسة و اللباقة لا بالصراخ و لا المشاكل
....اشدد عليك(في حال اصر على موقفه) ان تكوني حازمة في عدم التخلي عن حقك في سكن فردي(سكنك الدي تسكنين فيه الان فلو لم يكن متزوجا بك ما اعطوه اياه) و يجب ان تسالي واحد من ذوي الاختصاص و اضمني حقك بالأوراق لا بالكلام لا ادري كيف لكن اكيد ان تكون هناك طريقة و على ما اظن لا يمكنه اجراء الزواج دون توقيعك فهذه مقابل تلك و لا تقولي حقه التعدد نعم فعلا لكن بشروط و مع من يعرف حدود الله فالآن لا يريد اعطائك حق العلاج فماذا سيفعل اذا كان عنده اخرى
لا اريد تحريم ما احل الله لكن من يفعل عملا و يقول حقي هل يستوفي شروط هذا العمل يعني هل له القدرة المالية لفتح بيتين و اعطاء كل واحدة ما يكفيها و هل له القدرة النفسية لادارة بيتين و الانصاف فلا يميل لواحدة و يترك اخرى و شروط لا تعد و لا تحصى لا ادري كيف يفكر زوجك هداه الله الا يكفيه ان يحاسب على رعيته( انت و نسيبة) يريد ان يضيف للقائمة اناسا اخرين ويلي منا نحن البشر نطالب بحقوقنا و لا نرى ما يجب تقديمه اولا قبل اخذه (و تحت اي ظرف لا تصدقي وعدا كاذبا ليضمن فقط موافقتك)
لا اقول لك هذا الكلام الا لتنبيهك و حتى تغلقي عليك اعصارا من المشاكل قد يدخل بيتك و كدا من اجل نسيبة حتى تكبر بعيدا عن الاضطرابات التى لا دخل لها فيها فهذا ان وقع يكون اخف الضررين على الاقل لك بيت مستقل تعيشين فيه لربك و لنفسك و لابنتك (و لزوجك بما امر الهف )
اشهد الله على اني ما قلت اي كلمة لتحريضك او لدعوتك الى التمرد بل اؤكد ان كل هذا لتجنب ما لا يحمد عقباه فان اصبت فمن الله و ان اخطات فمن نفسي
دعائي لك بان يهدي زوجك لك و يرى كل ما هو فيك جميل و ان يحس بفداحة ما سيقدم عليه
حبيبتي كان الله معك فمعه لا خوف عليك مهما كان الحال
ارجو أن تقرئي ما كتبت
سلام

السلام عليكم
اهلا حبيبتي شكرا على كلامك الي كله واقعي و حق . و الحق لا يعلىعليه باطل
وصل كلامك حفظك الله من كل سوء.
ونصيحتك معمول بها بإذن الله.. الله المستعان .
منذ امس و نحن في نقاش هادئ اسال الله ان يكون فيه خير و منفعة.
و سأوافيكم بالنتائج عن قريب باذن الله
أحبك في الله

[وفاء الياسمين]

المشاركة الأصلية كتبت بواسطة أم ريتاج زهرة

أأأأأأأأأأأأأه يا حبيبتي أم نسيبة ليك وحشة كبيرة نتي و نسيبة ربي يخليهالك كبري قليك و وسعي خاطرك كلشي يفوت غير الصحة إذا راحت ما توليش و أنا ما فهمتش هذا الزوج هو سلفي و يمنعك تزوري أهلك علاش ديننا وصاه باش يكون هكا حسبيا الله و نعم الوكيل ماعليش حبيبتي كلشي يهون على خاطر بنتك و الله يا أختي الكريمة كنت مقلقة عليك بزاف و الحمد لله رجعتينا و مبروك ما زاد عندكم لعقوبة ليك يجيك ولد باش زوجك ما يلقاش اليبة سلام حبيبتي سلميلي على نسيبة

السمانه

ابييييه يا حبببتي متقدريش تعرفي شحال نحبكم و الله ليكم مكان واسع في قلبي ربي بحفظك و يهنيك حنونة

[YASMINE SILA]

ام نسيبة ماتتخليش شحااال فرحت مين ذكرتي بلي راكي في نقاش و تحاور مع زوجك
هاكذا نزيدو نكثفو الدعاء باش ربي يهديه و يصلح الاحوال فيما بيناتكم يااااااااااااااارب

[أم ريتاج زهرة]

المشاركة الأصلية كتبت بواسطة أم نُسيبة العامرية

السمانه

ابييييه يا حبببتي متقدريش تعرفي شحال نحبكم و الله ليكم مكان واسع في قلبي ربي بحفظك و يهنيك حنونة

واه يا لحبيبة راني فرحانة كي راكي في نقاش هادى مع زوجك ربي يهديه و يخليهلك و ماراحش يلقى خير منك الله يخليك متقلقينيش عليك راني نستنى في أخبارك نشاء الله تحمل الخير لك و لإبنتك يا رب

[رقية الناجحة]

المشاركة الأصلية كتبت بواسطة om wassim

بعيدة المنال الكتاب ماحبش يطلعلي للاسف كنت حابة نشوف واش فيه

يا اختي ان فتحته ببرنامج adobe reader وتفتحلي عادي وقريتو واذا حبيتي نلخصهولك لكن منبعد

[ام رقية74]

بعيدة المنال ...شكرا لك عزيزتي ..تقدري تسميني ام عبد الرحمان ....و اظن انك ام منال ..


ام نسيبة ربي يسهل كل امورك ......حبيباتي هي فتنة ما يقع بين الازواج و الشيطان يزيد يشعلها و يكبرها في عقولنا


ربي يهدينا ...و الحل هو الصبر و الحكمة و الدعاء و الاستغفار و التوكل على الله و راح يهون كل شيء باذن الله ....


و الى كنا شايفينو صعب و مستحيل يصبح تافه و ما يستاهل .....بالتوفيق

[رقية الناجحة]

الله الله عليك يا غزالة وين كنت مخبيا كل هذا الكلام حقك تخدمي محامية والا في جمعية رعاية حقوق المرأة والطفل لا فض فوك حبيبتي سلمت وسلم لسانك

[رقية الناجحة]

المشاركة الأصلية كتبت بواسطة chez biba

بما انو فقرة الأحد مخصصة للميزانية قلت نتقاسم معاكم ميزانيتي السنوية ومعتامدتها تساعدني بزاف اخذتها من منتدى اجنبي وترجمتها ًلحبيباتي الفراشات وفي المرة القادمة ان شاء الله نحطلكم أجندة الميزانية الشهرية مفصلة وعدة أفكار تساعد على التنظيم وكسب الوقت خاصة للعاملات كنت حابة نحطها اليوم لكن النت ثقيييييييييلة

شي بيبا يا لحبيبة رانا نستناوا في واش رايحة تعطيلنا جعله الله في ميزان حسناتك

[زينب2000]

المشاركة الأصلية كتبت بواسطة أم نُسيبة العامرية

السلام عليكم
كيف حالكن جميعكن
يا حبيبة ممكن تفتحينا موضوع نفرغوا فيه قلوبنا باش منخرجوش هنا على موضوع النظافه
راني راح نطرطق لوكان متحكيش نهبل

سلامتك .. إذا مقدرتيش تفضفضي أكتبي في ورقة وش حبيتي تخرجي من قلبك، بصح من بعد قطعيها وهكذا يخفاف شوية الضغط عليك ..انا نكتب وش يقلقني كيمنلقاش واحد نحكيلو ونخبي لورقة و مرة على مرة نطل عليها و ساعات نقول وش بي انا كنت زعفانة لهذا الدرجة و نقطعها ونرميها، وبِنَاتْنا نقطعها قطع صغيرة بش واحد ميقدر يجْبَدْ كلمة!!!!
لما يتعمر قلبك روحي توضاي و صلي ركعتين و بين يدي الخالق سبحانه خرجي واش كاين في قلبك ، خيري وقت ميديرُنْجيك حتى واحد
و طبعا متنسايش القرآن و الدعاء
ربي يفرج عليك كل هم اختي نسيبة
نحبو ديما نشوفوك تضحكي و زاهية و منورة كالعادة

[شوشو 11]

اهلا بالفراشات
ام نسيبة حبيبتنا رانا كلنا متعاطفين مغاك وصدقيني مالنهار اللي قريت مشكلتك وانا ندعيلك ربي يفرجها عليك والحمد لله كي بديتي نعاه فالحوار هدا يخليلك فرصة انك تفهمي زوجك ان موقفك من زواجه مبني على قناعة ورجاحة عقل وخوف من ربي لا منه واضربي الحديد وهو سخون وما تتخلاي على حقوقك لان الخطاب رطاب كما يقولو وديري في بالك ان زواجه ليس نهاية العالم بالنسبة لك والحمد لله عندك نسيبة وربي يرزقك باخوتها ينسوك في ابيهم وتعيشي على جالهم ودائما احتسبي صبرك لوجه الله وكثري الاستغفار والدعاء والتضرع لرب العالمين

اختي ام وسيم ربي يفرجها عليك و تاكدي اننا حاسين بيك لان الرجل الجزائري نمودج مكرر في كل بيت ولكن حاولي تدخلي لزوجك من نقاط ضعفه مثلا حبه لاولاده او العلاقة او تحسين العلاقة مع اهله واياااااك ان تلجئي الى ابراز الفارق بينكما ممكن هو الدي اجج ناره واحس بالنقص فحاول الانتقام لنفسه بهده الاساليب وهو طبعا يدل على قلة رجولة منه ...ابدا ماناش نحرضوك ولكن نهدوك باش ما تخسري زواجك واولادك وتدخلي في متاهة...الصصصصصصبر الصبر حبيبتي واعتبريه ابتلاء رانا كامل نعانوا في صمت ولكن لما نتفكرو ان هدا الدنيا قصيرة وماهي الا ابتلاء نصتصغر مشاكلنا ونوكلوا ربي سبحانه وتعالى

ربي يفرجها عليك من اوسع ابوابه ويرزقك الصبر وان شاء الله ماطول الايام ويرجع كما كان

بيبا شككككككككرا على الجدول

وياسمينة توامتي الرشيقة واش راكي حبيبتي وتهلاي في الغرامات زيديهم ويعطيك الصحة على شطارتك
رقية ماشاء اله عليك وهاتي خلاصة ما قرات
ام صابرين يعطيك الصحة عالصور على بالك راكي تحلي الدورة بالصور الرائعة لهمتك وتبعثي فينا هداك النشاط يعني تغيرينا ربي يبارك فيك حبيبتي
راني حطيت جدولي واااااااه ماجيت نرفعو حتى كرهت منو وان شاء الله يعجبكم وتعلقو عليه وان شاء الله نحط روتيناتي الثلاث

وياااااااحبيبة الجماهير حبيبة ربي يعطيك ما تتمناي دنيا واخرة وكلما خدمت حاج نتفكر الدورة وندعيلك من صمصوم قلبي

شفتي قلتهالك هدا الدورة صدقة جارية تنفعك ليوم الدين ان شاء الله تعالى

[omkamel]

مساء الخيرات خياتى ليكم وحشة اهلا بعودتك الغالية حبيبة وبكل الفرشات الحاضرات وحتى الغائبات اهلا بعودتكن جميعا
غاليتى زهرة الوتيس كتبتلك رد الصباح لكن النت عملتها بيا شكرا على اهتمامك الله يحفظ وليداتنا ويفتح عليهم ربى ينجحهم ويوفقهم شكرا ليك اختى

[زهرة الريف*]

كيف حال أخواتي أن شاء الله بخير
أم نسيبة رانا أكل حاسين بيك يالحبيبة ربي يفرج همك ويهدي الأمور ويصلح الأحوال عليك بالصبر وارمي حمولك على الله
وكلها حب واحترام إلى الأخوات الفراشات الشاطرات رقية الناجحة و زينب 2000 وأم عبد الرحمن وبعيدة المنال وشي بيبا وأم ريتاج وياسمين سيلا وأم ريتاج
وغزالة وحسناء القمر وأرزاق وماريا وأم صابرين وأم مؤمن وزهرة اللوتس وشهرزاد وفرح ولكل الفراشات ربي يوفقكم في كل المجالات
وتحية عز وتقدير للأخت حبيبة ربي يفتح عليها أبواب الخير