|
|
|
|||||||
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
حمزة المجتهد مستعد للاجابة على استفساراتكم ~ الى التميز ~ متجدّد ~
 |
|
|
أدوات الموضوع | انواع عرض الموضوع |
|
|
2015-04-29, 13:00
|
رقم المشاركة : 1 | |||||
|
اقتباس:
لا وفاء اني عاذراتك مع ظروفك واكيد مع شوقك للبداية الجديدة وراكي عارفتني مع الباك ومع نصايحك
وتقول الحمد الله جا مجاش الي فيها الخير اصلا بلا بيه عندي مخططات بعدو واولها نريح زين من اثار الحرب المدمرة الي نسموها حنا الباك وفاء منطولش عليك احتمال نغيب شوي اليوم بركا نخدم حاجة هنا وبعدها نروح استعيد عافيتي الدراسية راني نهارين محليتش كراس من غير الانجليزية بالنسبة لحكاية ندعيلك هذا ما طلبتي غالي والطلب رخيص من العين ذي للعين ندعيلك حنونة ربي يوفقك ان شاء الله دنيا واخرة ويجازيك بالحسنى ويعطيك ما تتمناي ختي وصديقتي الاولى في المنتدى اخر كلمة استودعك الله الذي لا تضيع ودائعه . سلام
|
|||||
|
|
2015-04-29, 17:31
|
رقم المشاركة : 2 | ||||
|
اقتباس:
مرحبا حبوبتي هاجر ..كيف حالك حبيبتي؟؟
شكرا جزيلا غاليتي لتفهمك ...  ...انت رائعة ..ههههههههه مالا ولا الباك حرب مدمرة ههه والله مليح ...وراكي مدايرة مخططات واسراتيجيات ...والله غير وحدك الزينة ...  مادام بعدتي على القراية مدة ضرك ترجعي ليها بكامل النشاط والحيوية المهم ربي معاك حبيبتي ... الشكر ليك ديما حبوبتي ...وانا راني ندعليك بالنجاح واتلوفيق وتحقيق طموحاتك ..وكيما قتلك كاش ما احتجتي راني هنا ..واذا مثلا جاك تمرين صعيب حطيه هنا ونعاونك باذن الله في الاجابة عليه ... هيا اذا في امان الله خييتي الغالية ....اتلاي في روحك ياسر ياااااسر ...ونخليك مع القراية لي ماتخلصش هههه بالتوفيق حبيبتي ... في حفظ الرحمان ...  |
||||
|
|
|
2015-05-02, 19:25
|
رقم المشاركة : 3 | ||||
|
اقتباس:
من كل قلبي اشكرك على كل كلماتك يا وفاء فانت نعم الصديقة بويسك راكي صحبتي الاولى في المنتدى وعادة انا انعزالية كي شغل طحت في الحبة الزينة ربي يحفظك ياسر واني ندعيلك بصاح متنسايش تدعيلي ثاني يخي عارفتني طماعه
 جيت نطل عليكي ونعود عليك اخباري اليوم والبارحه مدلت والو لكني اتفقت مع صديقتي للعودة الى فكرة التنافس نتاعنا لانو هي بالذات كي تنافسني نقرى وموضوع التنافس نتاع الشريعة خرجت خراجة طريق دخلت خطرة ومزدتش دخلت من بعدها ومازال عندي بعض الامور العالقة في المنتدى ان شاء الله نخلصها كامل غدوة وقررت نديل برنامج بصاح عارفه روحي منمشيش عليه لكن غدوة اكيد نوض على 04 بربي ان شاء الله ونحفظ وربي يحفظك على كلش وعلى استعدادك الدائم مش بركا باش تعاونيني انا لالا كامل الي يجو يسقسوا فيك وربي يجزيكي الحسنى ويعطيك ما تتمناي ان شاء الله . في خاطري حاجة اذا معندكش مشكل اشتقت لنصائحك وهي نعييك شويا لاني حبيبت نصايحك بشكل عام الي تجي في بالك قوليها من ناحية كلش الباك القراية الخوف الدروس الوقت الي حبيتيها . لانو نصايحك نفعتني ياسر في الوقت لي فات وعمبالي عييتك محددتلكش بصاح هاك جا في بالي تمديلي نصايحك على حسب هواك وشوفي الي تريحك . تحبي ثاني تزليني عادي  اسمعي لالا مش تزليني بصاح بركا ردي السلام نتاع راني هنا والنصايح الحقيقة مش مستعجلة شويا مستعجلة بصاح مش ياسر خذي راحتك في الاجابة عنها ,. راني مرة على مرة نطل عليكي ومرة وخداخره ربي يوفقك .واستناي منكمل الباك مازالني متفكره وعدي زين وبربي ان شاء الله قد كلمتي . سلام |
||||
|
|
|
2015-05-02, 21:08
|
رقم المشاركة : 4 | |||
|
السلام عليكم ورحمة الله تعالى وبركاته .... سلام للجميع ولصديقاتي الغاليات ...حبيبتي Creative chaos ...و sozii و اسيل منة الله وrorororoوsali bsb pop..... نتمنى تكونوا بالف خيير ....صديقاتي والله تعرفو راني البارح كنت شوي مريضة ماقدرتش نطل على اسئلتكم وليوم ماكنتش في الدار وهذا وين جييت ميتة بالتعب ..المهم انا جيت نضرب عليكم طلة ونشوف احوالكم ...وباذن الله في الغد نجاوب على اسئلتكم ..انا المهم نقلك ضرك كلمتين ...عليكم بالثقة .....ثم الثقة ...اولا الثقة بالله عز وجل وقدرته التي ليس حدود ...وثانيا الثقة بالنفس ...وبالتالي تفاؤلوا خيرا وستصلون الى مبتغاكم عاجلا ام اجلا ولا تدعوا أي حاجز يثنيكم ويعيقكم عن تحقيق اهدافكم ... بالتوفيق لكم وجميعا وسادعو لكم دائما بالنجاح والتوفيق ... في حفظ الرحمان صديقاتي الغاليات .... |
|||
|
|
|
2015-05-02, 21:11
|
رقم المشاركة : 5 | ||||
|
اقتباس:
مرحبا حبوبتي الغالية
هاجر كيف حالك؟؟ .....لي عودة باذن الله وسأرد على رسالتك الرائعة ......ربي يخليك حبوبتي ...وانا نطمئنك على حالي راني الحمد لله بخير ...ومع السلامة حبيبتي ..الى اللقاء ان شاء الله.. ... |
||||
|
|
|
2015-05-03, 14:45
|
رقم المشاركة : 6 | ||||
|
اقتباس:
السلام عليكم ورحمة الله تعالى وبركاته .. مرحبا بصديقتي الغالية والرائعة هجورة ..كيف حالك حبيبتي ؟؟ باذن الله تكوني بالف الف خيير .... وشكرا لك حبوبتي وثاني نتي والله يا عمري مكانتك وحدها في قلبي ...وانا فرحانة صح لانني اول صديقة لييكي ..افتخر بهذا حقا حبيبتي  ...وشكرا جزيلا على الدعاء ..وماتخفيش راني ديما ديما ندعليك حبوبتي والعكس نتي مش طماعة بصح تستاهلي كل الخيير يا قلبووو... .... حبيبتي بالنسبة لفكرة التنافس فهي افضل واروع فكرة ...لذلك انصحك دائما بها .... الحقيقة انا كنت العام لفات من النوع لما نديرش برنامج لخطراه كل يوم يخرجلي ظرف يبدلي كل قراراتي ..على هذيك كل يوم والبرنامج نتاعو ...المهم برك حاولي ماتضيعيش وقتك ..وحاولي تحسي روحك في اليوم الواحد قريتي ياسر مواد ..ومختلفة يعني علمية وادبية ..حفظ ولغات ...ولازم تسقسي روحك كل يوم وش استفدتي وش هي اخطائك باه ماتعاودهاش .. ..ههههه ربي يخليك حبوبتي ....والله كيما دائما نقول راني كي نكون معاكم نحس بفرحة ..ونحب دائما نشوف معنوياتكم مرتفعة ..ونحب دائما نسمع عليكم الاخبار المفرحة والسعيدة ...وبالتوفيق ليكم كامل ...ومش عارفة علاه حاسة باذن الله هاذي الشلة مش راح تخيب وباذن الله كامل راح تجيبوا الباك وتحقو احلامكم ....اامين يا رب هذا ما نتمناو ... .... بالنسبة لنصائحي ....انا نقلك اول حاجة وقبل كل شئ لازمتلك تثيقي في ربي سبحانه وتتاكدي انه مش راح يخيبك ظنك مهما كان .. وثانيا تثيقي بروحك وبقدراتك التي ستمكنك باذن الله من النجاح وتحقيق كل احلامك واهدافك .. ونقولك خلي ديما الخوف جانبا لخطراه ما فيه حتى فائدة .وعلى العكس الخوف راح يخليك دائما في الوراء لانه سيرسم لك حاجزا ليمنعك من التقدم ..فلا تتركي الخوف يفعل هذا بك وحاولي التغلب عليه بثقتك الكبيرة وارادتك الصلبة وبشعلة الامل التي لا تنطفئ وبالتفاؤل وعدم التشاؤم مهما كان ... وهذا الوقت بالنسبة للمراجعة كيما ننصح دائما لازم الملخصات ...وخليك من الدروس تع الكراس لخطراه تضيع الوقت ..الا اذا قررتي مثلا تفهمي درس معين ..بصح بالنسبة للمراجعة النهائية ماذابيك غير الملخصات وحل البكالوريات السابقة .. وماتنسايش الراحة يعني مابين مادة ومادة لازم تكون كاينة راحة ولا كي تقراي 2 سوليع بدون راحة راكي تتعبي على الاقل ارتاحي 5 او 10 دقائق كل ماشعرتي بالتعب .. وانصحك بالنهوض على 5 صباحا ..اما في الليل ..ماذابيك تسهري حتان 10 وكاقصى حد على12... وننصحك كي تكوني ماتقرايش في الليسي تضربيها برقدة من 1 حتان 2 ولا 3 ..لخطراه هاذيك الراحة راها وحدها وراح ترجعلك طاقة كبيرة ونشاط فائق.. هذا ما استطيع قوله حاليا ... واذا جاتني نصائح .... اخرى راح نحطهالك باذن الله واذا كان عندك استفسار في اي شئ تفضلي ..لانو انا الكلام راحلي هههه..... المهم حبيبتي نتمنالك النجاح من كل قلبي ...وتوكلي على ربي سبحانه .واقراي على حساب مجهودك لي تقدري عليك ... وباذن الله راح تكوني من الناجحين ...وتتهناي من هذا العام ...بالسلامة حبيبتي . والى اللقاء القريب ... في حفظ الرحمان ... |
||||
|
|
|
| الكلمات الدلالية (Tags) |
| 2015, مجموعة, لطلاب, التسائلات, اجابة, بكالوريا, نصائح |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
حمزة المجتهد مستعد للاجابة على استفساراتكم ~ الى التميز ~ متجدّد ~
العرض المتطور
