غدا اول يوم لابني في الروضة

[Simassim]

المشاركة الأصلية كتبت بواسطة ام محمد امير

السلام عليكم محمد امير عندو اليوم ثلاث ايام وهو يروح للروضة اليوم الاول عجبوا الحال اليوم الثاني والثالث مالي يروح وهو غير يبكي والله حتى نروح نجيبوا مبغاش يسكتلهم غاضني مسكين بالصح الله غالب لازم يتعلم وخالط الاولاد ،قررت غدوا باذن الله نديه عند ارطوفنيست هي تشخصلي حالتو ،كشما جديد راني نوافيكم بيه شكرا مرة اخرى

اختي باين ولدك متعود عليك بزاااف

حاولي تتكلمي مع معلمة تبقا كل يوم حطيه نص ساعة ومع الوقت زيدلو شوي
ولدي هكذا درتلو
نهار الاول راح نص ساعة وكل يوم يزيدولو ربع ساعة ونجيبوه حتى فات اسبوعين وقعد اربع ساعات متواصلة الأيام الاولى كان تعجبو منبعد غي باباه يروح يبدأ يبكي ومنبعد كي يلحق للباب ويعرف روحو ماشي روضة تاني حتى لي بدا يوالف يروح يبدأ يبكي كي يشوف اللعب يسكت بصح دايما مين يشوف باباه جا يبدأ يبكي تحسب يكون محقور

اليوم راه كي يشوف باباه يهرب باش مايجيش للدار
ولدي كان عندو قلق الابتعاد عن الأهل كان والفني انا وباباه برك لازم نكونو معاه حتى فالليل ينوض يحوس علي.
الروضة عاوناتو بزاف وزيد فالدار بديت نلعب معاه الغميضة ونخبي عليه لعبة فالخزانة او علبة وهو يجيدها باش يفهم بلي ادا ماشفناش قدامو ماتقلقش وراح يعاود يشوفنا
انت تاني بداي بهاد الطريقة والروضة خليه بالتدريج راح يوالف
وان شاء الله الطبيبة تزيد تطمنك