حنيني الى الماضي

[ايمان نور الجزائر]

اصغر نقطة 0.25 في مادة الرياضيات الله غالب
نكرها وهي تكرهني ههه دارت فيا رايها
وكان ذلك في الليسي كاين يقرينا استاذ شرير وكان يحب يبين روحو
وديما يمدلنا تمارين صعبة جدا ويمدلنا وقت معين ويقولنا لي لقاها عندو 5 نقاط في الامتحان
انا طبعا احم ما نحبش نعيي مخي لانو لو نبات نعصر ما نقدرش مرة الاستاذ مدلنا واحد تمرين صعيب فات علينا لقاني
نرسم قالي جربي تحلي ممكن يكون من نصيبك 5 نقاط
قتلو لا يكلف الله نفسا الاه ويسعها وطرطق بالضحك كانت اول مرة نشوفوه يضحك هكاك هههه
المهم بعدها دارلنا فرض صعب جدا وراح لمكتبو وقعد يتفرج في التاقة وقالنا معليهش تقدرو تخدمو جماعات نورمال والغش مسموح
المشكل انو الاغلبية من متوسطي الحال المعرفي ههه كيما حالتي
ما علينا جينا للتصحيح ووزعنا الاوراق وكي شفتها جاتني فوبيا الضحك اغلبية القسم تحصلو على 0.25 قلنالو شكرا استاذ قالنا حشمت نمدلكم 0
ايا مديتلكم 0.25 حق الستيلو هذاك النهار جامي ننساه
بالنسبة لاعلى علامة كانت 20 وكنت ديما نديها في اللغة الانجليزية مهما يكون السي جي صعب الا انو كنت نحب المادة موووووت واحيانا كنت نتحصل على 20 في الفرنسية ايضا
وكان حلمي ندرس انجليزية لكن كل شيء مكتوب واخترت تخصصا اخر مغايرا تمامااااااا لكن تفوقت فيه واعمل فيه
والحمد لله على كل حال