ما رايكم ؟

[خديجة إحسان]

ربي يكون معاك أختي.أفهم مشكلك جيدا لأنه هناك شخص في عائلتي عانى معاناة كبيرة,فالمشكلة كانت أنو زوج قريبتي كان يجي بزاف مع أهلو وما ينصرش زوجتو المظلومة في أمور واضحة بل هما يغلطوا وهو يلزمها أن تعتذر ويزعف منها ويديها لدارهم.بصح مع الوقت حتى كي سكنت وحدها بدا يتبدل شويا مع الوقت لأنوا بدا يشوف الحقيقة بعينوا وبدا يعرف أنو ممكن أهلوا يغلطوا ويظلموا وبدا الموقف نتاعوا يكون حكيم بين أهلوا وبين مرتوا أذكر مرة أنهم ظلموها وشرطوا عليها ما تدخلش لدارهم وكانوا متوقعينوا يطلقها لكن هو أخذ موقف مغاير صحيح ما زعفش والديه بصح جاء مع مرتوا وما قاطعهاش ودار كل الأمور باه رجعت الأمور لمجاريها.لذلك أنصحك أختي بالدعاء أولا وصلي قضاء الحاجة باه ربي يقوي علاقتك بيه ويهديه.ثانيا أنصحك أنك تحاولي تكسبيه بأي طريقة خليه يحس بالفرق بالهدوء والهنا وهو معاك.ثالثا وهذه مهمة إياكِ أن تهدري عليهم بحاجة مش مليحة لأنو هو يسجل في ذهنو أنك أنتي مليحة وهما إلي يهدروا عليك بالشر حاولي تذركيلوا ديما محاسنهم إذا ما ضروكش وإذا ضروك خلي موقفك بمطالبة حقك معاه.ولا تنسي الدعاء مفتاح الفرج