الجزء 123 من واش طيبتي الييوم * اتحفونا بابداعاتكم * - الصفحة 40

ام خالد اسلام · 2015-03-25, 15:21

كنت طلبت منكم اخواتي من قبل مساعدة كانت عندي عرضة ل22 امراة ووحدة مابخلت عليا نشكركم بزاف بزااااااااااااف حبيباتي وذرك نحطلكم واش حطيت لضيافي
اولا قدمت ميني بيتزا وكوكا طوماط وكوكا فرماج مع العصير للاسف ماصورتش
ثم القهوة والحليب مع القاطو
ثم الشاي والقريوش والمكسرات واخيرا درت تحليات نسيت نصورهم

[IMG][/IMG]

]
وهذي غريبية ماما ربي يحفظها ويطول في عمرها]

والمقروظ نسيت ماصورتوش لانو هاذو وجدتم ليلة من قبل والمقروظ ماشحرتوش حتى قريب يجيو ضيافي
[I

طالبة الجامعة · 2015-03-25, 15:21

اقتباس:

المشاركة الأصلية كتبت بواسطة اسمهان79

ليزا حبيبتي شفت التحلية وعلقت راهي جات روعة بكل معنى الكلمة تسلم ايدك حبيبتي
قهوة دائمة الحمد ولا بطل
كوكا لاه تمرقي بينا يتم رانا في العطلة خلي نرقدو شوية ههههههههخخخخخخخخخ
زهرة الحلو يجيب الحلو رااااائع حبيبتي
ام ياسين تعطيلي مئة ناقة عرفتها جمل في الفور خخخخخخخخ
اسماء الخبز انا الي سرقت طرف ما تقولي لحتى حد ههههههه
سندوسة بصحتك السردين ممكن وصفة لحريرة والله نديرها بصح عمرها ويلا خرجتلي كي نتاع الغرب كليتها مرة في وهران وعمري ويلا نسيتها راااااائعة
سجا حمد بصحتك الوبيا الضاهر أسبوع اللوبيا ههههههه
كوكا البكبوكة هي كبدة مشرملة او قلاية كل واحد وكيفاه يسميها وكاين اللي يقولها على الكرشة
نهال نورتي حبيبتي راجعي وناقشي لا نجي ليك نقطشك هههههههه
طالبة وصباحك اسعد حبيبتي كاش نهار نشقاو لبومرداس ونجيبوك مكتفة بركاي ما طلي وتهربي ههههههههه
بشرى واش تخطبو وتزوجو ما فهمتش وحابة نفهم خخخخخخخ
دائمة الشكر قلتلكم أسبوع اللوبيا وما آمنتونيش
وسام لقاطو الي بطبقات روعة حللي وناقشي
الهام يا عمري على ذوك السنينات تقول لولي الله يبارك
دائمة الحمد غداك عسل وهاذاك البوبون وشكون
ام اسلام رخسيس ويخص شوية لبن يااااااه نعمة وغداك ما شاء الله
ام ماجد ابعثي شوية مطلوع ياخي جارتك ولا لا لا
ام ساجد نورتي وربي يخليلك اختك ويطول في عمرها
ام خالد اسلام نورتي حبيبتي

ان شاء الله ارواحوا برك خبروني اندير احتياطاتي هههههههههههههههههههههههههههههههههههههه

طالبة الجامعة · 2015-03-25, 15:24

حبيت اسقسيكم شكون اللي جربت حلوى الكبريس تاع ام ثازيري تقولي كيفاش اندير للكابيس باش كايجينيش يابس لانوا صراحة راني حابة انجربو بصح خايفاتو

ام خالد اسلام · 2015-03-25, 15:30

وهاذا القريوش و بعض الكواليس

وهذا قاطو كانت عملتهولي زوجة اخي ربي يحفظها

ام خالد اسلام · 2015-03-25, 15:33

اقتباس:

المشاركة الأصلية كتبت بواسطة طالبة الجامعة

حبيت اسقسيكم شكون اللي جربت حلوى الكبريس تاع ام ثازيري تقولي كيفاش اندير للكابيس باش كايجينيش يابس لانوا صراحة راني حابة انجربو بصح خايفاتو

مساء الخير طالبة جامعية انا جربتو وطبقت الوصفة كيما راهي جاني طري من الداخل وبنييييييييييييييييييييين يهبل

طالبة الجامعة · 2015-03-25, 15:35

اقتباس:

المشاركة الأصلية كتبت بواسطة ام خالد اسلام

مساء الخير طالبة جامعية انا جربتو وطبقت الوصفة كيما راهي جاني طري من الداخل وبنييييييييييييييييييييين يهبل

شكراشكرا ربي يخليك

طالبة الجامعة · 2015-03-25, 15:40

اقتباس:

المشاركة الأصلية كتبت بواسطة ام خالد اسلام

كنت طلبت منكم اخواتي من قبل مساعدة كانت عندي عرضة ل22 امراة ووحدة مابخلت عليا نشكركم بزاف بزااااااااااااف حبيباتي وذرك نحطلكم واش حطيت لضيافي
اولا قدمت ميني بيتزا وكوكا طوماط وكوكا فرماج مع العصير للاسف ماصورتش
ثم القهوة والحليب مع القاطو
ثم الشاي والقريوش والمكسرات واخيرا درت تحليات نسيت نصورهم

[img]

[/img]

]
وهذي غريبية ماما ربي يحفظها ويطول في عمرها]

والمقروظ نسيت ماصورتوش لانو هاذو وجدتم ليلة من قبل والمقروظ ماشحرتوش حتى قريب يجيو ضيافي
[i

ماشاء االه تبارك الرحمن

طالبة الجامعة · 2015-03-25, 15:42

انا نخليكم نلتقي فيم بعد ان شاء الله

ام اسماعيل2009 · 2015-03-25, 15:47

مساء الخير أخواتي اختي ام خالد اسلام والله قطواتك روعة و العرضة ما شاء الله كليتي ر وفيتي و مانيش جديدة على ناس الكرم و الجود ناس باتنة اختي طالبة الجامعة انا راني درتو جا رائع بالكبر يس و خطرة كانت عندي نيسلي كارميل زتلو كوكاو و حشيتو جا ذوق رائع

Simassim · 2015-03-25, 15:49

السلام عليكم واش رأكم البنات.

توحشتوني ولا لا ماكانش لي سقسات عليا صح نبعتلكم فراكس تاوعي يعضوكم

راني نشوف اليوم سردينة دور حنا تاني فطورنا سردينا بصح شويتها ماكانش عندي صوالح باش نقليها ومعاها بطاطا جات امممم.

التصاور تخيلوا برك. ماصورتش ومانقدرش نحط راجلي قالي من نهار بطلتي تصاور ماراكيش تزوقينا الطبسي لول. وانا يوسف يد بيد معايا فالكوزينة نكون ناوية على حاجة نبطل عععع

ام محمد اسلام الله · 2015-03-25, 15:49

مساء الخير كل شيء يشهي يعطيكم الصحة هدا اليامات والله ماراني نقعد غراتان الكرنب فطوري وكانت عندي طمطيش بزاف دارتها سلاطة وتآرت الفتاح للقهوة

[/IMG]

اقتباس:

chahrazed g · 2015-03-25, 16:20

غدايا اليوم مرقاز بالصوص حمرا بالبيض على شكل شكشوكة المقادير مرقاز حسب الكمية لي عندك طماطم حب ملعقة طماطم مصبرة الرند راس ثوم عكري حلو و حار 5 بيضات ملح زيت التحضيرفي مقلاة ضعي الزيت و قلي فيها الثوم المرحي و الطماطم مرحية و تبلي بالملح و الفلفل الابيض ثم العكري بنوعيه و الرند ثم ضعي الطماطم المصبرة و اطهي المرقازفي مقلاة اخرى ثم اضيفيه الى صلصة الطماطم ثم كسري البيض في المقلاه فوق الصلصة عشوائيابدون خلط البيض و اتركي المقلاه على النار حتى يستوي البيض

ايمان25 · 2015-03-25, 16:29

غدايا بطاطا مقلية و سمك السلمون مشوي وتفاح وبنان وتينة و الحمد لله

ايمان25 · 2015-03-25, 16:31

اقتباس:

المشاركة الأصلية كتبت بواسطة ام محمد اسلام الله

مساء الخير كل شيء يشهي يعطيكم الصحة هدا اليامات والله ماراني نقعد غراتان الكرنب فطوري وكانت عندي طمطيش بزاف دارتها سلاطة وتآرت الفتاح للقهوة

[/img]

يشهي اعطيك الصحة

kaouka · 2015-03-25, 16:32

السلام عليكم ورحمة الله وبركاته سماسم والله صباح ونتي في بالي كي نشوف فنجان القهوة تاع دائمة الحمد نتفكرك كنتي تصبحي عليه وعلش مكيش تدخلي بزاف والله توحشناك توحش نشوف طبصي ولدك خخخخخخخخخخخ