الا صــلاتــي

[*ام عبد الكريم*]

السلام عليكم اولا بارك الله فيك على الموضوع القيم و جعله الله في ميزان حسناتك
بالنسبة ليا الصلاة عماد الدين و لا يجوز بحال من الاحوال التقصير او عدم ادائها و كاين كما تفظلت ازواج لا يصليو و كل واحد واش يبرر و الي يستفز اكثر انو علابالهم بلي الصلاة فرض لا نقاش فيه لازم بسيف عليك تصلي ...انا في صغري كنت نصلي يوم و نبطل اسبوع و لكن كي وصلت لعمر معين اصبحت الصلاة عندي من الاولويات مستحيل نفرط فيها و كل فرض في وقتو و هذه ماش بمزيتنا لكن فرض من فرائض الاسلام كيما الصوم و الحج ...و صحيح لقد وجدت في الصلاة الراحة و السكينة و لو لبضع دقائق انسى الدنيا و همومها ...انا زوجي يصلي كل فرض بوقتو لكن منذ عقد من الزمن فقط كان يتحجج بعمله و تعبه لكن بقيت نزن عليه حتى هداه ربي ...و من بين اولادي عندي بنت في 15س وهي فقط المواضبة على صلاتها البقية يصليو وقت و يبطلو رغم ذلك راني ورائهم بالنصيحة و ساعات بالتوبيخ و ربي يهديهم ....الواحد ما مدي والو من هاذ الدنيا و زيد ما يصليش و الله الي يذوق حلاوة الصلاة عمرو ما راح يبطلها...انا ما راني نحكم على حتى واحد و ربي يهدينا و يهديهم ..بارك الله فيك على مجهودك و نصائحك