الجزء 123 من واش طيبتي الييوم * اتحفونا بابداعاتكم *

[قمر 77]

[QUOTE=zahra30;3993022650]صباح الخيييير عليكم كاااااااااااااااااااااااااامل وبالوحدة وبالقدم وبالجدد توحشتكم بزااااااااااااااااااااااف ان شاء الله تكونو كاااااااااااااااااااامل بخيييييير ياااااااارب
مبرووك العتبة الجديدة اختي نوكيا ربي يجعلها ديما عتبة خيييير وبركة على الجميييع وطيابك وحلوياتك ووو يشهيييييييييييو الله يبارك يعطيك الصحة يالفحلة
مانيش نصور ومانيش نطبخ بزااااف غير كعبر وحط ههههههههه ماكان لاه نكمل المثل
الاخوات اللي حطو طياباتهم كاامل واللي ماحطوش الله يبارك يعطيكم الصحة وبصحتكم
هذي شوية من طياباتي كانو في البورتابل







زهورتي وينك غاطسة وش اخبارك كلش من يديك حلو

المشاركة الأصلية كتبت بواسطة زينب 83

صح غداكم كامل ، هذا غدايا و الحمد لله









و هذا مادلين للقهوة

المشاركة الأصلية كتبت بواسطة oum islem

بصحتكم الغدا و المادلين يشهي صورك الله ايبارك راح يخرجو مالميكرو

المشاركة الأصلية كتبت بواسطة SAMAH SAMAH

السلام عليكم
لي سؤال لو سمحتن اخواتي
كم من حبة تعملو من القاطو لكل نوع في الاعراس
حبيت نعاون قريبتي في عرسها
شكرا

سماح شوفي شحال راهم عارضين حنا نديرو غير النسا بين 250و 300

المشاركة الأصلية كتبت بواسطة oum islem

بصحتكم حبيبتي

المشاركة الأصلية كتبت بواسطة um alaa

سلام ياغاليات
حبيبتي نوكيا الف مبروك الكوزينة ربييجعلها مربوحة و عامرة بالخيرات و اهلين بعودتك تقبلي باروكي
يوم الجمعة كان عيد ميلاد خال زوجي و بنتو درتلهم هادو les tartes

يالهوي يا ام الاء روعة ربي يتقبل صلة الرحم وش راها الاء

المشاركة الأصلية كتبت بواسطة natacabell

مساءكم سعيد و مبروك الكوزينة الجديدة ان شاء الله نكونو ضياف خفاف عليك و منسيناكش اصلا عندك اسم مابيتنسا ههه مرحبا بيك في كل وقت و يعطيك الصحة على واش حطيتي وحلويات خالتك ماشاء الله مبدعة الله يبارك كاش نهار اسرقي كاش غوسات وجيبيها هههه تفكرت الهام هههه كانت سراقة محترفة في خاطرنا هههه الله يذكرها بالخير
عزيزاتي يعطيكم الصحة شفت كلشي الله يبارك
تفضلوا جبتلكم بريوش منو باروك و منو اشربو قهيوتكم بيه و الحمد لله
سلامي للغايبات الغاليات

نتاشا وش راكي و البريوش هايل بصحتكم

[قمر 77]

نوكيا شكرا على الاجابة نروح عند نتاع الحلوى نصيب هذ الاوراق حبيت طريقة تزيين بلا لابات داموند

[oum islem]

البنات ياك قالتلكم. زينب66 تراسلوها على الخاص بخصوص المسابقة انا ما نقدرش على الخاص ما تنساوهاش راهي وصاتكم

[oumadoumawayouta]

السلام اليكم نشالله تكونوا كامل بخير
أنا كي ندخل هنا نجي نسقسكم
راني نشوف لبنات ماشالله يحتو كل خير حبيت بارك نعرف وشنو هديك كريمة بنية فوق جنواز
نقدر نخدمها فالدار ولا للا
وثاني شفت كريمة سفرة قتلي أخت بل فوندان كيفاش تنخدم
لموالفين يخدموا ملفوي يفهمونا كيفاش نخدمو بالفوندن راني شريتو وشفت فيديو
حبة تفهموني ندير بين ماري ولا نسخن في كسرونة ولا كيفاش


يا ريت كش وحدة تدرلنة موضوع وتشرح كولش
شكراً

[قمر 77]

نشالله يفيدوك الاخوات كيما ارزاق كي تدخل هي اللي خدمت الفوندون هايل اصفر نتاع الميل فوي واقيلا راه في وصفات الحراير

[oum islem]

مساؤك فل وقرنفل قمر77 علاه انت تاني تحبي الطماطم بالملح والكسرة انا نموت عليها تفكرني بالصغر بصح اولادي وﻻ مرة شفتهم كلاوها

[قمر 77]

ام اسلا م ايمسيك ربي بكل خير اكيد نحبها كانت اكلتي المفضلة بصحتمن اولادنا علمناهم التقلاش و حصلنا فيهم

[أم هبوبة]

نوكيا مبروك عتبة الكوزينة الجديدة ان شاء الله تكون فال خير عليك و علينا

هايا واش حطيتو يعطيكم الصحة
هدا بريوش باللبن هدا وين خرجتو من الفرن تفضلوا باش تتقهوا

[قمر 77]

شوفي اختي تارت الليمون لام سهام 02
الجينواز 5بيض +150غ سكر +200غ فرينة ناقص 2مك نعوضوهم 2مك ميزينة فانيلا ورشة ملح و1خميرة حلوة
كريمة الليمون
100غ سكر+عصير 2ليمونات +50غ زبدة و2بيض قشور اليمون الكل في كسرونة على نار هادئة مع بدون انقطاع حتى تثقل ضفيها وخاليها وتبر د

وطلعي 100غ شونيي مع كاس حليب مثلج

الطريقة طلعي البيض مع السكر حتي يبياض ويتضاعف الحجم ضفي الفرينة وباقي المكونات بالصفاية على مرتين وخلطي مالفوق للتحت باه ما تحبطش وكطيب الجينوازوتبرد

مليح اقسميها على في الوسط وشربها بالسيرو وضفي كمية من كريمة الشونتيي وزيدي فوقها حوالي 1مك كريمة الليمون وغطيها بالنصف الثاني وشربيها ثاني بالسيرو وغلفيها

بكريمة الشونيي وزيني بالبوش ادوي وزيدي نقصي 1مك من كريمة الليمون وضيفي لها الكاكاو خلطي مليح ودريها في كورني من ورق الزبدة بعد ما تكملي من التزيين فرغي

كريمة الليمون فوق التارت وشكلي خط حلزوني بالكريمة البنية مباشرة بالكوردو ديري خطوط ذهاب واياب


إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.


تي هنا كريمة الليمون لام سهام روعة و ايلا صبتلك الفوندون نتاع ارزاق نحطهولك

[قمر 77]

اسلمك ختى رانا في حاجة بعضانا

[قمر 77]

و هاهي وصفة ارزاق ختي للملفاي الميلفاي وصفة ارزاق
وصفة الملفاي درت العجينة المورقة لام انس هايلة لكن في الطريقة درت طريقة فلة حليت 3قطع تاع عجينة قد بعض طيبتها علي ظهر الصينية حطيت قبل ورق الخبز ثقبتها بالشوكة علي كامل الوجه دخلتها علي درجة 200د نسيت حطيت بلاطو اخر عليها باش متتنفخش وتطلع طيبيها مايح بصح متحرقيهاش هههههه حضرت كريم باتسيار بطريقة ام رامي هاااايلة وطلعت شويا شونتي بصح درتها شويا ثقيلة بعد ما بردت الكريم باتسيار مليييييح ضفتلها الشوني وخلطتها بالباتور حتي تتجانس مايح تحبي تحشي غير بالكريم باتسيار لكن كي تخلطيلها الشونتي احسن هدي فكرة ام رامي ربي يسترها بعد ما طيب القطع3 وتبرد حطي 1 وفوقها الكريمة و2 وفوقها الكريمة والقطعة 3 قلبيها وحطيها دري الفوندون او اخدمي وحدك انا درت تاع ام انس سكر ناعم +قطرات ليمون وقرصة ملون ابيض باش ميجيكش باهت ودري الحليب بالشويا لازم الخليط يكون شويا ثقيل حتي يتغطا الملفاي مليح نقصي منو شويا ضفيلو كاكاو وديري خطوط وزيني بالسكين لما ينشف مليح نحي الزوائد وقصي الحبات واستمتعي بالذ ملفاي والاهم انو صنع منزلي ونظيف

[قمر 77]

ام هبوبة اشرقت الانوار يعطيك الصحة الريحة راها وصلت وش راها سمية و هبوبة و انتي اكيد

[أم هبوبة]

نوكيا رائع واش حطيتي و خصوصا الحلويات الله يبارك روعة تقولي غير نقعد نشوف فيهم
ام محمد اسلام ماشاء اللهروائع واش حطيتي و لا البقلاوة يا عيني
زينتب دائما متالقة و القريوش بكل انواعه هبال
ام ساجد ماشاء الله على طيابك
قمر روعة واش حطيتي و بصحتك التحويسة
زهرة مرحبا ليك وحشة
يسرى طيابك روعة و ما شاء الله عليه
ام الاء التارتات يهبلو ا

كلكم رائعين هادو الي تفكرتهم و الي نسيتها تسمحلي بدون قصد

[anaris]

السلام عليكم مبروك نوكيا الكوزينة انشاء الله تكون فال خير عليكم انا رانيعضوة قديمة شوي رحت وراني وليت نتمى كل العضوات القدم يشرفونا كانت ايام هايلة

[أم هبوبة]

المشاركة الأصلية كتبت بواسطة قمر 77

ام هبوبة اشرقت الانوار يعطيك الصحة الريحة راها وصلت وش راها سمية و هبوبة و انتي اكيد

قمر يسال عليك الخير سمية تعرفيها مسكينة حاكمة بلاصة و ساكتة اما هبة بسلامتها رايحة تخرجني من عقلي ولت وحد القبيحة ما نقولش التربية تعيي الاولاد يكبروا و التعب يكبر معاهم