الى ام اسيد1 وكل وحدة حاصلة واش الطيب

[ام الخير 05]

اختي ام الحبايب انا عندي مشكل في المعدة وعلى ما اذكر ام سهيل قاتلي اذا عندك مشكل في المعدة ما ديريهش راني درت ريجيم وحدي نقصت السكر والخبز ونقص الميزان تاعي الحمد لله وربي يشافيك ويدوم عليك الصحة

[sabrina206]

المشاركة الأصلية كتبت بواسطة بيلسان91

يا ام الحبايب اغيتيننننني من فضلك راني درت رفيس تاع الغرس محبش يتلملي بش نقصو كعب قوليلي وش ندير بش يتلملي

مساء الخير عليكم أخواتي
بارك الله فيكم على كلامكم الرزين و طيابكم الزين ما شاء الله عليكم
أختي بيلسان بالنسبة للرفيس زيديلو شوية عسل ثقيل باش يجيك متماسك و بعدها شكليه كما تحبي بصحتك مسبقا

أحلى سلام

[lolodoka]

بارك الله فيكم أخواتي

[ام حمزة22]

المشاركة الأصلية كتبت بواسطة ام الخير 05

اختي ام الحبايب انا عندي مشكل في المعدة وعلى ما اذكر ام سهيل قاتلي اذا عندك مشكل في المعدة ما ديريهش راني درت ريجيم وحدي نقصت السكر والخبز ونقص الميزان تاعي الحمد لله وربي يشافيك ويدوم عليك الصحة

ربي يخليلك صحتك ام الخير ان شاء الله ما تشوفي شر

المشاركة الأصلية كتبت بواسطة sabrina206

مساء الخير عليكم أخواتي
بارك الله فيكم على كلامكم الرزين و طيابكم الزين ما شاء الله عليكم
أختي بيلسان بالنسبة للرفيس زيديلو شوية عسل ثقيل باش يجيك متماسك و بعدها شكليه كما تحبي بصحتك مسبقا

أحلى سلام

اهلا بيك صبرينة يعطيك الصحة على اامساعدة شرفتينا بمرورك العطر

المشاركة الأصلية كتبت بواسطة lolodoka

بارك الله فيكم أخواتي

وفيك بركة الله شكرا على المرو ر الطيب شرفتينا بوجودك تسلمي

[غزالة الصّحراء]

المشاركة الأصلية كتبت بواسطة روح مراد

مساء النور غزالة أنت اللي خرجتي الصفحة من الإنعاش باسلوبك المميز
ضحكتيني على موراد ربي يدومها صح يحبني بالصح و الله غير هبلني هو عاش في عالم و أنا في عالم

مساء الأنوار أختي روح مراد. راني وليت للموضوع كيما وعدتك. شوفي حنونتي انا ثاني راجلي فرنسي التّفكير وأنا جزائرّية دمًا وتفكيرا. لكن هذا لم يكن مانعا بأن نتّفق في كثير من الأمور. ومع الوقت حقّقنا الكثير من الأمور التّي تجعلنا نعيش في هناء وسعادة. وخصوصا مع تواجد الأبناء. ولهذا دائما كنت أوصي الأخوات بأن يهتمن كثيرا بأبنائهنّ فهم الكنز الغالي الّذي من أجله يكون كفاحنا في الحياة يحمل لذّة خاصّة. ولهذا سأقول لك شعرا ملحونا على أمل أن يحمل لقلبك راحة تجعلك تفكرين مليا من أجل أن تبعدي عن ذهنك فكرة أنّ زوجك فرنسيّ التّفكيروأنت جزائريّة.
على بركة اللّه استمتعن كلّكنّ.
يَالَقْمَرْ يَاعَالِي يَلِي اِيْضَوِي اللّيَالِي ... وَاشْ منْ الخَبَرْ أَلِي جِبْتُو عَنِ الغَالِي
قَالْ لِي تَفْكِيرُ فِرَنْسِي ، وكُلْ بْلاَصَة فِي العَالَمْ تَقْرِيبًا مَاخَلاَهَا... بَصَّحْ قَلْبُ مَاسَكْنُ حَدَا مِنْ غِيرَكْ يَا لغْزَالَة
مَرَتْ لَيَّامْ بفْرَاحْهَا وحْزَانْهَا مَالْقَى بْجَنْبُ غِيْرَكْ يَالَغْزَالَة
مْحَبْتَكْ فِي قَلْبُ معَ الأَيَامْ زَادَتْ وْشَعْلَتْ فِي قَلْبْ الحُسَّادْ الغِيرَة مَاتْطَفِيهَا مِيَاهْ الدُّنْيَا السَّيَّالَة.

[غزالة الصّحراء]

ياصباح الورد والياسمين على أعزّ البنات. ياربّ الكلّ ايكون في أتمّ الصحّة والعافيّة. رانا في فصل الرّبيع . ياله الطّبيعة راهي أبدات تتزيّن. زينوا أنتوما ثاني الصّفحة باعمالكم أو تدابيركم التّي ستساعدنا أكيد في تسير أمور حياتنا على أحسن وجه.
راني أنسلّم على كلّ وحدة بدون استثناء.

[روح مراد]

صباح الخير يا شاعرة
و الله يا غزالة راكي كي درياسة و الشعر الملحون
شكرا لكن على النصح
المشكل نتاعنا الأول هو عدم الاستقرار مرات يقول ريح هنا مرات يقول نرجع لإيطاليا و رانا شهر يجيب شهر ممكن في أي شهر يروح
هاذي أولا
ثانيا ماقدرش يتأقلم مع المجتمع الجزائري
نكونوا كامل ملاح لاباس بينا ولك أبسط عائق يتعاود السيناريو من دارة وجديد
العلاقة بيناتنا هايلة حب و تفاهم و احترام و كل شيء الحمد لله

[ام سوهيل]

صباح الخير

[غزالة الصّحراء]

المشاركة الأصلية كتبت بواسطة روح مراد

صباح الخير يا شاعرة
و الله يا غزالة راكي كي درياسة و الشعر الملحون
شكرا لكن على النصح
المشكل نتاعنا الأول هو عدم الاستقرار مرات يقول ريح هنا مرات يقول نرجع لإيطاليا و رانا شهر يجيب شهر ممكن في أي شهر يروح
هاذي أولا
ثانيا ماقدرش يتأقلم مع المجتمع الجزائري
نكونوا كامل ملاح لاباس بينا ولك أبسط عائق يتعاود السيناريو من دارة وجديد
العلاقة بيناتنا هايلة حب و تفاهم و احترام و كل شيء الحمد لله

ياصباح السّعد والهنا على أختي روح مراد. ومشكورة على المدح. كتبت الشّعر لإنعاش الصّفحة. أمّا عن النّصح حبيبتي رانا كامل أخوات . كلّ وحدة تنصح الأخرى فيما ينفعها. الدّنيا تجارب. ومنها نأخذ الدّروس ونتعلّم. وكلّ من تعلّمت من الحياة دراس تلقّنه للأخرى.
مادام الحبّ والتفاهم موجود بيناتكم غير ماتتخافيش. برك أنت شوفي كيفاش أتواجهي هذه العوائق ألي اتخليه ايثور . ثمّ أنت ثاني لازم اتأكديلو على انّك حابة تستقري في مكان واحد يكون أحسن. لأنّ عدم الاستقرار في مكان واحد بالضّرورة رايح ايخلي حتّى الأفكار غير مستقرّة. أمّا عن تأقلمه رايح يتأقلم إذا مديتيلو يد المساعدة وفهمتيه. أنا راجلي ماكانش لبلاصة ألي ماراحلهاش لما كان شاب. ولما اتزوجنا اتغيرت الأمور. اليوم بنفسو ايقول : بلاد الغير هي دائما بلاد الغير. وماكانش كيما بلادك. بلاد الغير امليحة برك للتحواس. حنونتي راجلك كيما أيّ كتب . حاولي تقرايه بتأنّي وافهميه امليح. باش تقدري اتخلي تفكيرو جزائري. فهميه أنّ الإنسان مهما كان تفكيره يختلف عن الغير يبقى إنسانا يحمل مشاعرا . فهذه المشاعر يجبّ أن تحمل بينها الإخلاص لمن يحبّه. والمكان لايهمّ فأينما تواجدنا وكنا مخلصين لبعضنا فأكيد سنحقّق مبتغانا في الحياة.
ياله حبيبتي لاتستسلمي. وأشرعي في قراءة الكتاب بتأنّي وفهمي سطوره.

[غزالة الصّحراء]

المشاركة الأصلية كتبت بواسطة ام سوهيل

صباح الخير

صباح الأنوار أختي أم سوهيل كيفك حبيبتي؟ ياربّ أتكوني بألف خير. واش راه سوهيل. هاذي مدّة ماخبرتيناش بأخبارو. إنشا اللّه هو ثاني في اتمّ الصحّة والعافيّة.

[ام الخير 05]

صباح النور والخير والفرح والنشاط على احلى صحبة

[روح مراد]

صباح الخير أم الخير و أم سوعهيل
غزالة شكرا مرة ثانية و الله يا أختي حاولت و حاولت حتى نقول نجحت بالصح نعاودو من جديد
راجلي عاش أكثر من 22 سنةفي إيطاليا في هاذ 22 سنة جا فقط مرتين للجزائر
22 سنة و أكثر في إيطاليا منها فقط شهر في الجزائر هنا في الجزائر ما عندو حتى شيء يشدو في البداية جا باش يريح شوية و يرجع و والديه حكموه بالسيف و طلبو منوز يتزوج من بعد راهو حر المهم تزوجنا و قرر يريح هنا بالصح هذا القرار ضرك ندم عليه و راهو مقرر يرجع كبداية لازم يروحو وحدو و يعاود يخدم و يخدم الوثائق ليا في هذه المدة كامل أنا نبقى هذه ماشي مشكلة المشكلة ما قدرش يدي قرار نهائي إذا الروحو حقا أو هو فقط يروح أو ما يروحش رانا ماقدرنا ندير حتى خطوة في مستقبلنا كل شيء يستنى

[غزالة الصّحراء]

المشاركة الأصلية كتبت بواسطة روح مراد

صباح الخير أم الخير و أم سوعهيل
غزالة شكرا مرة ثانية و الله يا أختي حاولت و حاولت حتى نقول نجحت بالصح نعاودو من جديد
راجلي عاش أكثر من 22 سنةفي إيطاليا في هاذ 22 سنة جا فقط مرتين للجزائر
22 سنة و أكثر في إيطاليا منها فقط شهر في الجزائر هنا في الجزائر ما عندو حتى شيء يشدو في البداية جا باش يريح شوية و يرجع و والديه حكموه بالسيف و طلبو منوز يتزوج من بعد راهو حر المهم تزوجنا و قرر يريح هنا بالصح هذا القرار ضرك ندم عليه و راهو مقرر يرجع كبداية لازم يروحو وحدو و يعاود يخدم و يخدم الوثائق ليا في هذه المدة كامل أنا نبقى هذه ماشي مشكلة المشكلة ما قدرش يدي قرار نهائي إذا الروحو حقا أو هو فقط يروح أو ما يروحش رانا ماقدرنا ندير حتى خطوة في مستقبلنا كل شيء يستنى

العفو منك أختي روح مراد. واش أنقولك. 22 سنة في إيطاليا راهي سنوات أطويلة وعمر اطويل. ومادام أنت درتي ألي عليك. خلي الأمور للقدر. هو من يقرّر. إذا بقي في الجزائر اللّهم بارك في الأمر. وإلإذا حبّ ايغادر وياخذك معاه. هذا زوجك. واينما تواجد يجب ان تتواجدي معه. جارتنا عندها ثلاث بنات. وحدة في أمريكا وأخرى في كندا وأخرى في فرنسا. لازم أتبعي راجلك. ومع الوقت تتعودي . صح الغربة أصعيبة . لكن هذه هي الحياة الزّوجيّة. وربّي ايربحكم وينجحكم مع بعض. مادام المحبّة والتفاهم كاينين بيناتكم فالأمور الأخرى تأتي مع الوقت. وياربّ كاليوم أتخبرينا بجديد يفرحك ونشاركك ساعتها فرحتك.
سلامي على كلّ واحدة تنتمي إلى الصّفحة وحتّى الزائرات.

[ام سوهيل]

مساء الخير للجميع غزالة ربي يحفضك ركي امنا التانيا في المنتدى ربي يقدرك

[غزالة الصّحراء]

المشاركة الأصلية كتبت بواسطة ام الخير 05

صباح النور والخير والفرح والنشاط على احلى صحبة

أهلين بيك أختي أم الخير. ياربّ اتكوني بألف خير.
أختي ام الخير. راكي ذكرتيني في الغنية أنتاع وليد توفيق: يَالِيلْ طَوَّل شِوَيَّ عَصُحْبَةالحِلْوَنِيَّة. والغالِي عَلِينَا غَالِيِ وْعُمْرُ مَيِتْنَسا . بصّح مع كلّ هذا راني نطلب من الفنان يسمحلي . وقيل راني كاين وين غيّرت الكلمات. و لي راهي حافظة الغنيّة أتصحح لي.الخطأ
رانا أقلبناها للأغالني في خاطر لبنات الغاليات. ياله حبيباتي راني أنسلّم عليكم كامل كامل سلام حار أحرّ من الجمر