السلام عليكم ورحمة الله تعالى وبركاته
ان شاء الله تكونوا كاااااامل بالف خير
تلبية لطلب بعض الاخوات الكريمات حبيت نقدملكم مراحل تفصيل سروال شلقة هاد النمودج مصغر
حبيباتي سروال شلقة كاين لي يتخيط بالبانس وكاين بلاستيك مثل النمودج لي راه امامكن
هادي طريقة بسيطة وسهلة لاكن المقاسات انت وطولك المهم تشري القماش قد طولك من لاتاي حتى اسفل الرجل وتزيدي 10 سم لي راح نقسمها 8سم لرفيت لاستيك في اعلى السروال و2سم لوغلي اسفل السروال

فالاول ناخد طرف قماش ونطويه على 2 الوجه للوجه ثم نزيد نطويه المرة الثانية على 2
بعد ما نطويه نشدو بالمساسك باه ما يزلقش وحنا نفصل فيه
ناخد المقص و نفصل فتحتي الارجل والطريقة اضن انها باينة فالصورة
بعد ما نفصل نخيط الجانبين وكدالك اسفل السروال انا راني خيطت بالاسود باه تبانلكم مليح
بعد ما خيطنا ودرنا السرفيلاج نتاعنا نولو لفتحتي الارجل نخيطهم بغرزة متباعدة بحيت ما نخرجش الخيط على وجه القماش باه يبان لوغلي شباب وما فيهش شوائب
بعد دالك نروحو لاعلى السروال ونرفيه قيس ما نقدر ندخل لاستيك اي 8سم ندخل لاستيك ونخيط باه ما يهربش من بعد نخيط فالوسط بالمشينة باه يحكم بلاستو ويجي شباب
ان شاء الله قدرت نوصللكم الفكرة
واي سؤال انا بالخدمة
اخواتي هاد الطريقة تقدرو طبقوها في سروال بنات صغار برك كي نشري الفماش نشري قد الطول من لاتاي حتى الاسفل ودايما نزيد 10 سم
اما عرض السروال نقيس الجهة العريضة سواءا كانت جهت البطن او جهت لي أونش ونزيدلهم 4سم من كل جهة
اليكم الصور بدون اطالة


















طابت اوقاتكم
في امان الله