دورة فراشات تزهو بالألوان بيوتهن قمة في النظافة و التنظيم و التدبير و الاتقان

[أم ضياء عبد الرحيم]

مساء الخير حبيباتي الفراشات
اولا مرحبا بكل الملتحقات سميو باسم الله و ابداو معنا التحليق في سماء السعادة و التفاؤل
اختي حبيبة شكرا ليك على كل المجهودات ربي يجازيك عنا خير الجزاء
بالنسبة للصورتين اول فكرة جاتني في بالي هي اننا كامل فراشات انطلقنا من دورة حبيبة محلقات في سماء النجاح
و تلك قلوبنا الفرحة بعد بداية الخروج من نفق الاكتئاب و الحزن و الفوضى الى سماء الفرح و السعادة و النظام
اليوم قعد نا زوجي و انا و كتبنا الميزانية تاع الشهر
قسمناها الي قسمين مصاريف ثابتة مثل الايجار و فواتير الهاتف و الكهرباء و بنزين السيارة و العمل الخيري لاننا كل شهر نخرج نفس المبلغ للكل
و قسم المصاريف المتغيرة مثل الغذاء الملابس الطبيب الترفيه الطوارئ
و كانت الميزانية كالاتي
الايجار 16%
الكهرباء و الماء و الهاتف 11% *هذه الفواتير ثابة لان اشتراك الهاتف ثابت و الكهرباء و الماء يعملوا فاتورة اولية يسحبوا على اساسها من رصيد زوجي و بعد ستة اشهر اذا الاستهلاك اكثر يسحبو المبلغ الناقص و اذا اقل يضيفو المبلغ الزائد للفواتير القادمة
السيارة بنزين و تامين 10%
العمل الخيري 5% كل شهر نفس المبلغ مهما كانت الظروف
الغذاء 30%
الملابس 10% ليس دائما بالعادة نشريو وقت التخفيضات لكن كاين اوقات نشريو خارج التخفيضات خصوصا كي تكون مناسبة
طبيب 5%
ترفيه 5% داخل فيها اشتراك النادي الرياضي تاع زوجي
طوارئ 5%
تبقى 3% نزيدها مع الطوارئ

الديون الحمد لله ما عندناش
التوفير ما نوفروش خصوصا في هته المرحلة شوية صعيبة

واش رايكم اخواتي و اختي حبيبة في تقسيم الميزانية و في اي بند استطيع التوفير
بالنسبة للتطبيقات الحوض يلمع قبل النوم راه يدعيلك يا حبيبة
الاستيقاض الصلاة الذكر و الورد و التجمل
15 د تاع المكان الساخن اليوم ما درتش لانو خرجنا حوسنا شوية درت غير الغداء و تنظيف سريع