السلام عليكم
إليك أختي هاد الوصفة و رجعي لي الخبر كي تجربيهىا
اعطاتهالي صحبتي قصيدة من بيرين اللي نتمنى الشفاء العاجل لأختها صورية و نتمنالها عودة ممنونة لدارها
المهم
أول حاجة وجدي الخميرة 2 ملاعق كبيرة خميرة الخبز + 4 ملاعق فرينة + ملعقة صغيرة سكر + نصف كاس حليب دافىء
كي تشوفيها خمرت زيدي 4 حبات بيض+ مبشور الليمون + كاس حليب +كاس سكر+كاس زيت + كاس ماء + 2 خميرة كيميائية ثم تلمي بالفرينة حتى تتلم العجينة ما اديريها يابسة ما اديريها طرية
غطيها بطرشونة و خليها تخمر كي تخمر كسريها بيدك وزيدي غطيها وخليها تزيد تخمر 3 مرات وكسريها
في المرة الأخيرة أعمليها كويرات كيما حبة البيض ضعي في وسطها نصب حبة شكلاطةأو حبيبات الشكلاطة و اغلقيها ضعيهم في صينية مرشوشة بالفرينة ادهنيم بصفار حبة بيض+ قليل من الحليب و دردري فوقهم السكر
اتركيهم يخمرو سخني الكوشة امليح و طيبيهم و رجعيلي لخبر
راح تولي مدمنة عليهم
المهم أختى هدا الكمية اديرلك تقريب 45 حبة أنا انديرهم في أكياس و كل يوم نجبد واحد ماكونجيلاتور .......
( تقرير عن مشاركة سيئة )، و الموجودة أسفل كل مشاركة .
2015-03-02, 18:47
رد على وصفة البريوش
:dj_17:
العرض المتطور
