دورة فراشات تزهو بالألوان بيوتهن قمة في النظافة و التنظيم و التدبير و الاتقان

[نور الرحمان 94]

السلام عليكم اخواتي في الله حابة ننضم ليكم عجبتني فكرة هذه الدورة تقبلوني

[نافلة]

السلام عليكم
راني هدرت مع الاخت سمراء الدنيا و راهي مسلما عليكم وحدة وحدة
و ان شاء الله قريبا تلتحق بينا خاصتا كي خبرتها انها الاخت حبيبة التحقت فرحت فرح لايوصف
ادعولها في ظهر الغيب حبيباتي

[~ حراير ~]

المشاركة الأصلية كتبت بواسطة البتول 27

السلام عليكم اخواتي ، الاخت حبببة جزاكي الله كل خير انا في الحقيقة اعاني مشاكل نفسية كثيرة خاصة هذه الايام كل يوم نقم لبنتي بسيف ومن بعدها نرجع للفراش ما نقدرش نبدا نهاري مع انو عندي الكثير للقيام به فقط نقعد في مكاني سرحانة ف لا شيئ حتى بنتي الثانية نخليها بلا قهوة تاع الصباح وتبقى تبكي وتقولي ماما اعطيني قهوة وانا ما نسمعهاش هذا الامر يؤلمني كثيرا انا مهملة لبناتي وزوجي واكره نفسي
احس ببعض النشاط وياحاول التطبيق معكن ارجو ان تكون هذه بداية تغيير حياتي وارجو مساندتكم

و عليكم السلام و رحمة الله تعالى و بركاته

بتول ربي يفرج عليك ان شاء الله والله غضتيني بزاف لاكن حبيت نقلك حد مايخرجك من الي راكي فيه غير ربي سبحانه و ارادتك لازم تتمسكي برب و خاصة خاصة الدعاء و الذكر و لازم ثان تكون عندك ارادة

كملي معانا و باذن الله نوقفو معاك وين نخرجي من هاد المشكل قوليلي حبيبتي راكي مزيدة جديدة؟؟؟ و بنياتك شحال عمرهم؟؟؟؟

[~ حراير ~]

تطبيقي اليوم

قبل مانقوللكم على تطبيقي حبيت نقلك انه يوميا يلزم نظف الكوزينة و الدوش و المرحاض اعزكم الله
و لكن مش حب لنفسي
مسكينة كنت متعبتها بالتوسويس و نوعدها قدامكم غير نعود نريحها نظف في الليل باش كي تنوض الصباح تلقى كلش ناقي و باش تدي الاجر من عند ربي
للاسف امس ماقريتش المشاركة و الا كنت بديتها من امس

و العادة الثانية اني بعد الصبح نشعل الميكرو نقرا وش كتبو خفافيش المنتدى و نقرا الجرنان و انا نشرب في حليبي
عادة سيئة جدا نوض من حدا الميكرو كارهة الدنيا و مافيها من المشاكل و القتيلة و داعش و اخواتها نوض قلبي واجعني

اليوم الحمدلله اول موضوع قريتو هو موضوع الفراشات نضت مباشرة قمت برويحتي

لكن هادي تاع المكياج الصباح شوية شوية محسوب ندير الشغل و نعرق وووو

هاد هو تطبيقي يخي راي في الطريق الصحيح





..........................
جيادا الشرف لينا عزيزتي الي تعرفنا بيك

دعاء القلوب اهلا و سهلا و مرحبا هادي غيبة وش راكي وش راهم فلاليسك؟؟؟

فطيمة بارك الله فيك الي طمنتينا على صليحة ربي يردها سالمة غانمة و ربي يريحها و يفرح قلبها

[وزة]

شيء جميل أنا مقريتش النصائح أمس ولكن باذن الله سوف ألتزم بالنصائح أختي حبيبة
وخاصة نقوم بروحي للاني مهملة جدا في نفسي وزوجى كل يوم يعيط واش بيك شادة راسك بالمحرمة تقول عجوز
بصح يالحنونة من اليوم ووعد راني نقوم بنفسى ومن جهة المطبخ منيش مقصرة
بوركتي راكي حمستيني

[البتول 27]

السلام عليكم اشكر الاخت جيادا وحراير على المساندة والدعاء
اليوم بعد ما قريت كل مشاركات الدورة كيما قلتلكم بعثت فيا النشاط ونقيت كامل الدار راهي مضوية و دوشت وستيكيت روحي راني نستنا في راجلي غادي يتفاجاء بالتغيير المفاجئ
اما بالنسبة لسؤالك اخت حراير انا عندي بنتيت وحدة 6 سنوات و الاخرى 3 سنوات وراني حامل في الشهر الثالث وانا اكثر حاجة تحسسني بتانيب الضمير هي اهمالي لبناتي

[حبيييبة]

فراشاتي العزيزات
ماشاء الله عليكم راكم ناشطات
رجعتوا الدورة بستان من الورود الجميلة بالوانكن فراشاتي
راني قريت مشاركاتكم بعد الظهر نرد عليها
و نرحب بكل من التحق بنا
و نسلم على اختنا سمراء الدنيا و نقولها ربي يفرح قلبها و يسعدها دنيا و اخرة
و يشفيها و يعافيها ان شاء الله و نحن ننتظر رجوعها الينا
و تزينا بالوانها البهية

بعد الظهر ندخل حبيبااتي نتابع تطبيقاتكم
و نحط مقدمة فقرة اليوم اللي هي
فقرة الورد اليومي للمراة المسلمة يا فراشات

و تاني حاجة
حابة نطلب منكم انكم تجهزوا مفكراتكم او كنانيشكم او كراريسكم
و اقلامكم الزاهية بالوانها
و سجلوا على الثلاث صفحات الأولى هته الجداول التي وضعتها في الملفات المرفقة
الى حين نملؤها سوية يوما بعد يوم
كل جدول في صفحة
اترككم بود
(ملاحظة: التوقيت في الجداول هي مجرد أمثلة، كل فراشة تملؤ الجدول بالتوقيت اللي يساعدها و تاني حسب منطقتها بالنسبة لتوقيت الصلاة الى غير ذلك و حسب ظروفها و واش اذا كانت امرأة عاملة أو تدرس ام ماكثة في البيت... الخ)

[وزة]

راني روحت مشطت شعري وعدلت روحي وبدلت ملابسي وليت نهبل علي قول أولاادي
شكر ا شكرا شكرا

[دعاء القلوب]

-

حبيبة واش مسيتي لاباس و
وزة بصحتك الماكياج ان شاء الله ديما هكا

[~ حراير ~]

المشاركة الأصلية كتبت بواسطة البتول 27

السلام عليكم اشكر الاخت جيادا وحراير على المساندة والدعاء
اليوم بعد ما قريت كل مشاركات الدورة كيما قلتلكم بعثت فيا النشاط ونقيت كامل الدار راهي مضوية و دوشت وستيكيت روحي راني نستنا في راجلي غادي يتفاجاء بالتغيير المفاجئ
اما بالنسبة لسؤالك اخت حراير انا عندي بنتيت وحدة 6 سنوات و الاخرى 3 سنوات وراني حامل في الشهر الثالث وانا اكثر حاجة تحسسني بتانيب الضمير هي اهمالي لبناتي

الحمدلله يا بتول و بصحتك و راحتك

فقط نصيحة منا وجاي الي تعمليها ليك او لمنزلك

لا تنتظري احد يشاركك فيها و لا تنتظري تفاجئه
ديريها لنفسك اولا و ثانيا و اخرا

صح مليح تخدمي دايرك و لكن اذا مالقيتيش وش تستني راح تنظري على هك استمتعي انت بالنظافة و النقا و ياك قاتلك نفسك اولا

ربي يعطيك وقفة ساهلةو بما انه اميراتك مشعلين النار في ضميرك خلاص مانخافوش عليك

[~ حراير ~]

حبيبة يا حبوبة تم وش طلبتيفقفط ارجوك بعد الظهر
اعطيني تعسيلة كون مانرقدش نطيحلكم باربعة هنا و كيما يقول البومباردي يا ناكل يا نرقد يا نشرشيييييييييييي هيهيهيه

و بالنسبة لتحضير وجبة العشاء انا نطيبها الصباح في الحقيقة
راه برنامجي من اسهل البرامج و والفت عليه

[om wassim]

مساء الخير عليكم
اختي حبيبة يعطيك الصحة على النشاط لي راكي رجعتيه لينا
انا عن نفسي البارح سبغت شعري بلونه الاول يعني رجعت كيما كنت قبل الزواج
و اليوم سرحتو بالسشوار والله قعدت قدام المراة لمدة قلت الحمد لله رجعت كيما كنت
و الفضل كله ليك
و التطبيق الثاني انا حوض المطبخ ننظفو مرتين فاليوم و نحطلو الجافيل باش يقعد ابيض يلمع الحمد لله
ربي يباركم فيكم فراشات راكم ناشطين ربي يدومها علينا جميعا و يبارك في اختنا حبيبا لي حيات قلوبنا الميته

[om wassim]

البارح هدرت مع زوجي بخصوص الميزانية و قتلو ماتجبدش الشهرية كامل
خلي نصها و الحمد لله وافق

[ام الخير 05]

مساء الخير يا فراشات على الرغم اني اليوم كي النحلة الكوزينة تبان مادخلها حتى واحد وضركا رايحة ندير فطوري وانا رايحة بالمناسبة معلمتي حبيبة راني هزيت الجداول بارك الله فيك حبيت نقلك فقط انيما نقدرش ندخل للمنتدى في اليل اعذريني

[حبيييبة]

[

b]

"]

فقرة الاثنين

"اياك نعبد و اياك نستعين"[
يظل الانسان يبحث عن السعادة الحقيقية،
فيظنها الفقير في المال، ثم يجد أغنياء أشقياء،
فيفتش عنها في السلطةو النفوذ،
ليكتشف أرباب مناصب اسرهم مفككة لا تمت حياتهم الى السعادة بصلة،
يضنيه البحث،
و ينهك روحه تفتيشا عما بين يديه،
عما هو أقرب اليه من حبل الوريد،
عن الله،
حيث تكمن السعادة الحقة،
في حبنا له،
في صلتنا الوثيقة به،
و ايسر خيوط هذه الصلة ذكر الله،
و التسبيح،


سئل بن تيمية رحمه الله أيهما أنفع للعبد الاستغفار أم التسبيح ؟؟؟
فأجاب :
إذا كان الثوب نقياً فالبخور وماء الورد أنفع ,
وإذا كان دنساً فالصابون والماء أنفع !!

فالتسبيح بخور الأصفياء والاستغفار صابون العصاة .

وقال رحمه الله عن الاستغفار :
والاستغفار من أكبر الحسنات وبابه واسع ,
فمن أحس بتقصير في قوله أو عمله أو حاله أو رزقه أو تقلب
فعليه بالتوحيد والاستغفار ففيهما الشفاء إذا كانا بصدق وإخلاص


« في فَضْلِ التَّسْبِيحِ »

وَعَنْ أَبي ذَرٍّ رَضِيَ اللهُ عَنْهُ قَالَ : قَالَ لي رَسُولُ اللهِ صَلَّى اللهُ عَلَيْهِ وَسَلَّمَ :
« أَلا أُخْبِرُكَ بِأَحَبِّ الْكَلامِ إِلى اللهِ ؟ »
قُلْتُ يَا رَسُولَ اللهِ أَخْبِرْني بِأَحَبِّ الْكَلامِ إِلى اللهِ ،
فَقَالَ : « إِنَّ أَحَبَّ الْكَلامِ إِلى اللهِ سُبْحَانَ اللهِ وَبِحَمْدِهِ » .
أخرجه مسلم والنسائي
وَفي رِوَايَةِ مُسْلم أََنَّ رَسُولَ اللهِ صَلَّى اللهُ عَلَيْهِ وَسَلَّمَ : سُِئلَ : أَيُّ الْكَلامِ أَفْضَلُ ؟
قَالَ : « مَااصْطَفَى اللهُ لِمَلائِكَتِهِ أَو لِعِبَادِهِ : سُبْحَانَ اللهِ وَبِحَمْدِهِ » .
وَعَنْ عَبدِ اللهِ بنِ عَمرو رَضِيَ اللهُ عَنْهُمَا قَالَ :
قَالَ رَسُولُ اللهِ صَلَّى اللهُ عَلَيْهِ وَسَلَّمَ : « مَنْ قَالَ سُبْحَانَ اللهِ وَبِحَمْدِهِ غُرِسَتْ لَهُ نَخْلَةٌ في الْجَنَّةِ » .
أخرجه البزار بإسناد جيد
وَعَنْ أَبي هُرَيْرَةَ رَضِيَ اللهُ عَنْهُ قَالَ :
قَالَ رَسُولُ اللهِ صَلَّى اللهُ عَلَيْهِ وَسَلَّمَ : « كَلِمَتَانِ خَفِيفَتَانِ عَلى اللِّسِانِ ، ثَقِيلَتَانَ في المِيزَانِ ،
حَبِيبَتَانِ إِلى الرَّحْمنِ : سُبْحَانَ اللهِ وَبِحَمْدِهِ ، سُبْحَانَ اللهِ الْعَظِيمِ »

"تسبيح الله بأسمائه الحسنى"

فتسبيح الله تعالى من فضائل الأعمال، ولا حرج في تسبيح الله تعالى بأي اسم من أسمائه الحسنى
وفي ذلك الأجر إن شاء الله، فقد قال تعالى: قُلِ ادْعُواْ اللّهَ أَوِ ادْعُواْ الرَّحْمَنَ أَيًّا مَّا تَدْعُواْ فَلَهُ الأَسْمَاء الْحُسْنَى {الإسراء:110}
وقال تعالى: وَلِلّهِ الأَسْمَاء الْحُسْنَى فَادْعُوهُ بِهَا وَذَرُواْ الَّذِينَ يُلْحِدُونَ فِي أَسْمَآئِهِ سَيُجْزَوْنَ مَا كَانُواْ يَعْمَلُونَ{الأعراف:180}
وقد دلت السنة على مشروعية تسبيح الله بعدد من أسمائه الحسنى،
فكان صلى الله عليه وسلم يقول عقب الوتر: سبحان الملك القدوس. رواه أبو داود وغيره من حديث أبيرضي الله عنه.
وروى أبو داود وغيره من حديث عوف بن مالك الأشجعي رضي الله عنه
أنه صلى الله عليه وسلم كان يقول في ركوعه وسجوده: سبحان ذي الجبروت والملكوت والكبرياء والعظمة.
وفي الركوع يقول المصلي: سبحان ربي العظيم. وفي السجود يقول: سبحان ربي الأعلى.

كما ثبتت بذلك في السنة، فدل هذا وغيره على مشروعية تسبيح الله تعالى بأي اسم من أسمائه الحسنى
وأنه ذكر يؤجر صاحبه وإن كان لزوم الصيغ الواردة عن النبي صلى الله عليه وسلم أكمل أجرا...


خلاصة القول فراشاتي
تطبيقنا لهذه الفقرة أن نسبح الله باسمائه الحسنى
و أطلب أن تتكفل فراشة من الفراشات أن تذكر لنا كل يوم اسم من اسماء الله الحسنى
و معانيه التي تبعث الخشوع في النفس
و نحن نسبح به طيلة اليوم الموالي
و هذا تطبيق اليوم باذن الله[]

[/b]