حمزة المجتهد مستعد للاجابة على استفساراتكم ~ الى التميز ~ متجدّد ~

[اسيل منة الله]

المشاركة الأصلية كتبت بواسطة ورود العلم

هههه ربي يخليك حبوبتي مالا راني وليت كابتن ..مليح ...ههههه

عزيزتي كيما قتلك هذا الجدول مجرد اقتراح ...مش متأكدة انو راح يعاونك 100/100 ... لازم تشوفي نتي وظروفك وثاني وش يناسبك ..عندك الحق في التاخير والتقديم ....والزيادة او النقصان ...راه كاين فيه شحال من وقت فراغ ..لازم تشوفي نتي وقدرتك . ومتنسايش كل ماتتعبي نوضي وريحي ومن بعد ارجعي .هيا نبداو بسم الله ..على بركة الله ...

غدوة ان شاء الله ...الاربعاء ..من الرابعة فجرا ------ حتان السابعة صباحا ..راح ديرها للشريعة احفظي فيها وش تقدري من الدروس واذا ماكملتهاش نورمال ماتنسايش ديما راكي تحضري للباك ماشي للاختبارات...واما وقت الصلاة والفطور راح يكون وقت راحة بالنسبة ليك ....وتقدري اذا حبيتي افطري قبل ماتبداي تقراي ...

من 9 -----حتان 12 ....راح ديريها للرياضيات ...حلي فيها ياسر تمارين وماذابيك تكون تمارين تع بكالوريا ولا تع سلاسل دعم محلولة اذا كنت تقراي في دروس الدعم....وكل ماتتعبي نوضي ريحي واستنشقي الهواء واشربي كاس ما ..وكان جعتي عندك الرخصة باه تاكلي :d... ومن بعد ارجعي كملي اقراي الرياضيات ...

من 2 حتان 4....اقراي فرنسية ...ماذابيك كون تحلي فيها موضوع تع باك برك راح يكفيك وماتنسايش تحاولي ديري تعبير فيها ...

من 6 تع العشية ----- حتان 9 تع الليل ...ديرها علوم طبيعية...اقراي فيها شوي دروس لمش فاهمتهم...والاحسن هو تحلي التمارين...وكل ماتتعبي او تشعري بالملل ريحي....

من 9.5-----حتان 11.....حلي فيها موضوع ادب ...ومتنسايش تراجعي شوي قواعد فيها ..وراه عندك الوقت فيها لخطراه كل يوم راح تقراي منها شوي...

يوم الخميس....من 4 حتان 7...احفظي فيها التاريخ ...وماتنسايش تحلي فيه شوي مواضيع تع باك اذا كان عندك الوقت طبعا ...

من 9 حتان 12 ...ديرها فيزياء ..اقراي وش تقدري ..وماذابيك تحلي تمارين نموذجية فيها ...

من 2 حتاان 4...حلي فيها موضوع انجليزية ...وماذابيك ديري فيها تعبير ثاني ...

من 6 حتان 9 ....ديريها ثاني علوم طبيعية ...وكثري من التمارين ...

من 9.5 حتان 11 ...ديري فيها موضوع ادب ....

يوم الجمعة ...من 4 حتان 6 ....ولا من 5 حتان 7 ...احفظي فيها جغرافيا ....

من 1 تع الظهر ----- حتان 4 ..ديري فيها رياضيات ....تعجبني الرياضيات في هذا الوقت لخطراه تنشط المخ ...

من 6 تع العشية حتان 9 تع الليل....ديري فيها علوم طبيعية ...

من 9.5 -----حتان 11...ديريها ادب ...

نهار السبت ان شاء الله ...من 5 تع الصباح ... حتان 6.5 ...ديري فيها شريعة ...

من بعد تروحي تقراي في الليسي ولا في الدعم ماعلاباليش ..المهم ماتزيريش على روحك في هاذيك الفترة ...خلي من 6 تع العشية ...حتان 8 ...ديري فيها فيزياء ....

من 9 .....حتان 10 ..ديري ادب ....ولازم ماتزيديش خلاص على هذا الوقت ..اوكي ...باه تريحي مخك ملييح


ايام الاختبار ...نهار الاحد ان شاء الله ..كي ترجعي من الادب ...ريحي مليييح ...باه تستعدي لاختبار الشريعة ......كي ترجعي من اختبار الشريعة ...ريحي مليح الوقت لتكوني قادرة ..نوضي ديري موضوع انجليزية برك..اما الرياضيات ماتمسيهاش خلاص ...صدقيني كل ما تريحي ذهنك كل ماكان افضل وافضل ..الا اذا مثلا تسائلتي على سؤال ولا قاعدة تقدري ترجعي برك تشوفيها ..مثلا كيفاه نحسب الطويلة ولا العمدة ارجعي للقاعدة..بصح عندك لا تحلي التمارين ...تفكري راكي تحظري للباك مش للامتحانات ...وكل ما غلطتي غلطة راح تستفادي منها ان شاء الله ...ونأكدلك انو الراحة ليلة الامتحان مهمة جدا ...خاصة في المواد العلمية ..ولازم ترقدي قبل 10 ....

نهار الاثنين لعشية كيفكيف ...حلي برك موضوع فرنسية ....

نهار الثلاثاء ...احفظي فيها هذاك الموضوع تع الفلسفة لدرتيه ....واذا ماجاش هذاك الموضوع الله يسهل ..راكي تحظري للباك ماتنسايش ..النقاط تع الاختبارات مش مهمة ...

نهار الاربعاء لعشية ..راجعي فيها شوي اجتماعيات ...




ان شاء الله حبيبتي يكون هذا الجدول عجبك وان شاء اله نكون مانسيت حتى حاجة وراه كيما قتلك عندك الحق باه تبدلي فيه وش تحبي ..كي تبداي في كاش مادة وتحسي روحك كارهة ..بدليها ..اوكي ..مثلا انا درتلك نهار غدوة ان شاء الله تقراي رياضيات ..نتي كي بديتي فيها كرهتي فجأة ..تقدري تبدليها وديري في بلاصتها فيزياء ..وغدوة ان شاء الله في بلاصة الفيزياء ديري رياضيات ..فهمتيني ؟؟...

بالتوفيق حبيبتي ..دعواتي لك بالنجاح ..وتيسيير كل امورك باذنه تعالى ..في امان الله..

ختي ربي فرج همك ان شاء الله ويساعدك في اي شدة لانك ساعدتني وراني متاكدة بلي ربي راه رايح يحوضك على هذا مجهود

علبالك وشنوا هو جزائك انوا ندي نقاط مليحة في اختبار وينجح توقيت

[ورود العلم]

المشاركة الأصلية كتبت بواسطة اسيل منة الله

ختي ربي فرج همك ان شاء الله ويساعدك في اي شدة لانك ساعدتني وراني متاكدة بلي ربي راه رايح يحوضك على هذا مجهود

علبالك وشنوا هو جزائك انوا ندي نقاط مليحة في اختبار وينجح توقيت

ربي يحفظك حبوبتي اسيل ....ان شاء الله كامل يجازينا ربي كل الخير .....وننجحوا في حياتنا ...والله فقط قمت بواجبي ....عزيزتي اذا لم تتمكني من الحصول على نتائج جيدة فلا تيأسي او تفشلي ..عطلة الربيع امامك وحاولي فيها استدراك كل مافاتك وتصحيح اخطائك ..
بالتوفيق غاليتي ....سلااااام..