الجزء **119** من واش طيبتي اليوم

[scorpionoir]

يا خاه عليكم مروبلينها بالعجاين والحلوى وبغيتو تنقصوا
ابقوا ابلوني كان نقصت فيكم وحدة بكيلو ههههههههههههه
ام سراج يا الغالية باروكي هذا وين كتب ربي هههههههه

[wahibaazel]

ماشاء الله عليكم حبيباتي تسلم الايادي .الامنيات مشكورة اختي ام تاج الله يحفظك .ام ياسين كون غير جيتي قدامي من الصباح والله جبتيها ما كثرتش الماء كي كنت نبل فيه قدر الله وما شاء فعل .

[أم محمد تاج]

عيييش او بركوووكس على طريقتي

في الكوكوط نحط اطراف تاع الدجاج او الخليع وحتى تقدرو تستغناو على اللحم
نرابي عليهم بصلة كبيرة وطمطومة كبيرة وخمس سنينات ثوم ونملح والفلفل الاسود ومغرف كبيرة راس الحانوت ومغرف كبيرة كسبر ونص معرف صغيرة فلفل احمر حار وزوج مغارف زيت وشوي شحمة وتقريبا مغرف كبيرة كليلة مرحية انا نحبها تبان وكاين لي يرحيها كي الفرينة وحفنة فول يابس مقشر وزوج مغارف طماطم الباط ونص مغرف صغيرة هريسة نقلي كلش مليح ونضيف الماء ﻻزم يكون بزاف تقريبا يفوت يدين الكوكوط ونحط حفنة حمص وحبة سنارية مقطعة مربعات وحبات فرماس مغسولين مليح ومنقوعين في ماء سخون ونغلق ونخليها تقريبا نص ساعة نحل الكوكو ونحي قيس ثلاث كيسان مرقة ونخليها بجيهة
نجيب العيش تاعنا ونحطو في المرقة يطيب وساعة ساعة نخلط باش مايلصقش ونضيفلو حبة بطاطا مقطعة مربعات وحبة جريوات هاذو يطيبو بالخف مانحطوهمش مع الاول نخلي العيش يطيب على نار متوسطة حتان يخثار وطيب الحبة ونطفي اذا شرب العيش تاعنا راه عندنا المرقة لي نحيناها بجيهة نضيف بالشوي وكل وحدة كيفاش تحب الخثارة تاع العيش وقبل ما نطفي عليه نضيف الفلفل الحار ثلاث حبات او اكثر
ملاحظة دار العائلة لي يديرو بزاف العيش وينشفلهم بالخف احسن طريقة انكم تفوروه باش مايشربش المرقة بزاف مثلا تفوروه ثلاث تفويرات وتبخوه بالماء كيما البربوووشة

[ام سراج وملاك]

وهيبة مرحبا بيك اختي
الامنيات يعطيك الصحة
طوكيو صح فطورك ربي يتقبل منك حنونة
سكوربيو مشكورة ياغالية يعطيك الصحة واش حطيتي رووووووووووعة
توبة شكرااااااا اختي نورتينا

[Oum yousra]

. . . . امممممممم كلشي 444444444 يعطيكم الصحة

[الأمنيات]

الوصفه الحلزونيات
450غ فرينه مع 50غ مايزينه. 100غ زبده ذايبه. هي دايره كاس مربى انا نقصت بان لي بزاف درت زوج مغارف كبار معمرين
بيضه وحده ونلم العجينه بشوي ماء زهر نعجنها ونخليها ترتاح ساعه كامله
من بعد نفتحها ونكون حضرت الغرس مع شوي قرفه ومغرف زبده انا مثرت الكاوكاو فيه كاس تقريبا. ونشكل حربوش نحطه فوق العجينه الي فتحناها
رقيق ونلفها مرتين. ونعاود نصلحها مليح ونقطع بسكين حاد خطوط مائله ونشكل حلزون تقريبا سبع خطوط ولا ثمنيه متقاربه من بعد نحكم من تحت ونعدل حتى يظهر الشكل ونلف






كي يخرج من فرن عسلوه


صراحه عسلته بصح حلو جاني

هاهي الوصفه الي نقلت منها قلت لكم ماشي تاعي للامانه ما ندي ذنب حد انا غير جربتها ونقصت كيما قالت ام ياسين التحريف لازم هههههه

[ام سراج وملاك]

ام يسرا الرفيس رووووعة
زينب يعطيك الصحة فحلة ربي يبارك

[أم محمد تاج]

الله يبارك عقرووووبة مممممممممممم تسلمي
بارك الله فيك الامنيات

[أم مروان]

مساء الخيييييير كنت نراجع ما شاء الله عليكم كلشي 4444444444444 من العييييش نتاع ام تاجو الى ليبينييي نتاع طوكيو بالصحة و الراحة و غرايف و اللي زاد علي رفييييييس ام يسرا الميغرية رو.وووووعة واطباقك راها روووووووووعة و ام يسرا الباتنية امممممممممممممممممم و اممممممممممممممممم و زينب راها عاملة فيا حالة الروز يهوس ما شاء الله و البقية ما شاء اله عليكم و يعطيكم الف عافية
ليزا بصحنك المحمر و شكراااااااااااا على الشرح يا عسولة امووووووووووووواح

[ارزاق]

ام سراج خليتلك سؤال في الدردشة

[أم ياسين الزهراء]

سنديرلا انا ماعندي مانودر ههههههههههههههههههه وزن الدببة عن جدارة هههههههههههههههه

ليزا حطيتلك الوصفة شفتيها

ام محمد زوجي ع حاب العيش هدو اليومين نديرو بصح بالداند يجي حامض كيما الخليع وانا نفور العيش وفي الحقيقة انا شري العيش يعني المحمصة يوجعني المفتول

الامنيات بارك الله فيك ان شاء الله نجربها وندير تحريفاتك عجبتني هايلة ونضن نبدل المربى بالعسل ومانعسلوش ماخلينا مابقينا في الوصفة هههههههههههههه

[ام رشدى]

يعطييييكم العافية على واش حطيتو
اليوم دوختووووني باطباقكم الررائعة واش اتنطلق واش انخلي ربي يستركم كامل
ام يسرا الامنيات زنوبا اسمهان طوكيو ضيفة الرحمان كككامل يعطيكم الصحة

[أم هبوبة]

المشاركة الأصلية كتبت بواسطة wahibaazel

السلام عليكم اخواتي .اليوم عملت المقروط بالطريقة التقليدية وعملت كمية كبيرة لكن للاسف ما قدرتش نهزو من البلاطو يعني مبسس بزاف ومايتهزش حتى كي برد ونفس النتيجة .طاحلي المورال قدر الله وماشاء فعل .اتصلت بقريبتي تخدم القاطو وكومنديت من عندها المقروط وكي قلتلها وش صرا معاي قاتلي بلاك الدقيق ماشي مليح وصح كي بليت الدقيق بالسمن اليوم الصباح لقيتو كيما راه يعني ماشربش السمن .وذك حرت واش نعمل به الكمية كبيرة كاش افكار حبيباتي ربي يخليكم .

وهيبة حبيت نحط رابط وصفة الي ما يصلحلهاش المقروض ما حبش يفوت المهم روحي لقسم الحلويات الصفحة 3
كا ين موضوع عنوانه فكرة هايلة للي ما يصلحلهاش المقروض

[ام رشدى]

اخااااه نسيت العزيييزة ام تاجو على العيش واختي ام ياسين الزهراء علي الوز تعيشو

[اسمهان79]

قوليلي اخت الأمنيات يجو بنان حبيت نجربهم وبالنسبة للوصفات رآنا كامل نهزو من عند بعضانا
ام تاجوووووو ميغسي على الوصفة وربي يجيبلك الشفاء ان شاء الله
سكوربيونوار واشي هاذا اتحفتينا
وهيبة ربي يخلف عليك بالخير هاذاذنب الارنوبات هههههههههه سقسيت عليك البارح كي ما شفتكش
هالة اسماء بصحتكم الغرايف
طوكيووااااو تستاهلي عليه بوسة
زينوبة راكي حرة نتاع الصح ابعثيلي وصفة ليبينيي
ام يسرا يخص غير طاس لبن
ليزابال ردودك كلها مشجعة حبيبتي
سلام رايحة للعشاء