التقرعيج

[anfal10]

السلام عليكم

اليوم كيما وعدتكم ريحة نهدر على القرعاجيات و القرعاجيين هاهاهاها راهم هاتا بعض رجال ولاو عجايز هاهاهاها

كاين جاراتي الله لا يبلي مومن بيهم سبحان الله يهدرو على الناس كامل ما خلاو الصغير و لا لكبير يضحكوا عليهم اعسوا من البالكونات عندهم رادارات لي ايجوز ايديرولوا سكانار علبلهم بكل التفاصيل لي تحصل في الحومة هادا اخطب هادا تزوج هادا ظرب مرتوا هادا طلق البوليتيك ما يخلاصش في ديارهم

مرة جا لينا صاحب راجل اختي من ولاية اخرى جابهم بالطوموبيل و من الكرم يدخل ياكل في البيت المهم كي كملوم اكلا السيد ولا لبلادوا و المنشار بدا يخدم غدوا اجوا ليا حباباتي اقولولب وعلاش خبيتي علينا بلي خطبوك و انا قتلهم وين هادي وقتا شجا ؟؟ ما شتوش هاهاهاها ما امنونيش قالولي ستوتة ما حبيتيناش نعرفوا خفتي نحسدوك و انا نضحك عليهم قلتلهم فلانة لي هدرت قالولي ايه قتلهم قولولها تحكيلكم

مرة جا خاطب لدار تستفو في البالكون كي العادة:d او شافوا كل شيئ و بدا لخبر ينتشر في الحومة قالك فلانة رايحة تتزوج البوليتيك بدا رانا شفنا لي خطبها جا مع يماها كانو رافدين باطة باتيسري او الورد او وووووو التفاصيل لي انا ما شفتهاش هما كبتاوها من البالكون

راحو لجارة اخرى قالولها رايحة ادير لي فيونساي او ما حظراتاكش كي رحت ليها في العيد غاضها الحال قاتلي ادا صح قلتلها ماشي صح راهي تكذب نفهم المراة الاولى فارغة الشغل ماشي متزوجة حابا ادير العرس بسيف لي تخطبت تفيزي عليها

لي ما فهمتهاش الجارة الثانية امراة كبيرة او عندها لبنات بزاف ما تخافش عليهم كي تهدر على لبنات لخريين

المهم اعطاوني بروبيني كيما يقولو قاسوني بميسيل طار الخاطب الخطوبة تفسخت سافاااااااااااااااااااا هاهاهاهاها

وحدة جارتي هربت منهم او دارت الخطبة عند خوها باش ما يشوفو والوا غزاتلهم يستاهلوا

واش رايكم ؟ راني نسنا في المشاركات تاعكم

[محمد مصطفى الحبيب]

السلام عليكم

المعذرة أختي أنفال ...آسف جدا جدا على ردودي السابقة ..حدث خلط بين الأسماء

[anfal10]

لسلام عليكم

المعذرة أختي أنفال ...آسف جدا جدا على ردودي السابقة ..حدث خلط بين الأسماء

و عليكم السلام و رحمة الله و بركاته
الاخ place audin ماعليش لست بحاقدة ابدا لقد نسيت الموضوع اساسا لا عليك انا متسامحة الى اقصى الحدود اقبل اعتذارك طبعا

[محمد مصطفى الحبيب]

والله حدث خلط و أكرر اعتذاري مرة أخرى ....أنت أختي يا أنفال و السلام عليكم و رحمة الله و بركاته..

[staifia]

التقرعيج رجع حاجة عادية في يومياتهم
لوكان ما يهدروش على كاش واحد يموتو
الله يهدينا

[anfal10]

والله حدث خلط و أكرر اعتذاري مرة أخرى ....أنت أختي يا أنفال و السلام عليكم و رحمة الله و بركاته..

و عليكم السلام و رحمة الله و بركاته
لا باس يا اخي قبلت اعتذارك بكل سرور كن واثقا لا احمل في قلبي ذرة حقد و الحمد لله

[سحابة أمل]

و هكذاك نتحمل لأنو مور ظهري خليهم يقرعجوا ويهدروا كيما يحبوا
لكن المصيبة الكبيرة هي كي يحبوا يعمروا القرع مباشرة من عندك ويبداوك بالأسئلة المحرجة و زيد سامطين انتي دوريلهم شرق و هوما يدوروا 360 درجة مايخلوكش حتى تجاوبيهم
ربي يبعد علينا هذو الناس

[anfal10]

التقرعيج رجع حاجة عادية في يومياتهم
لوكان ما يهدروش على كاش واحد يموتو
الله يهدينا

staifia سبحان الله ما يخافوش ربي يكذبوا على الناس و يديروا الاشاعات ربي يهديهم او يهدينا كامل

[anfal10]

و هكذاك نتحمل لأنو مور ظهري خليهم يقرعجوا ويهدروا كيما يحبوا
لكن المصيبة الكبيرة هي كي يحبوا يعمروا القرع مباشرة من عندك ويبداوك بالأسئلة المحرجة و زيد سامطين انتي دوريلهم شرق و هوما يدوروا 360 درجة مايخلوكش حتى تجاوبيهم
ربي يبعد علينا هذو الناس

سحابة امل صح كيما قلتي ما يحشموا ما يعرقوا مرات حوايج شخصية او يدخلوا فيها اسقسوا اسئلة ما تتسقساش اصلا هوما ما يحبوش لي اسقسيهم اسرارهم جامي يغلطوا او يقولوها ابدلوا الsujet اذا هدرت على بناتهم و لا حاجة شفتيها عندهم يا خي حالة ما يتعاشروش و خلاص انا ما نكذبش عليك قطعنا العلاقات معاهم صحا صحا من بعيد و خلاص خاطينا المشاكل

[amel03l]

ياخاه على التقرعيج في حومتي .حنا جيرانا دار خالتي و دار خوالي و دار عمي و امرة خالي و امراة عمي دايرين حزب التقرعيج و الاشاعات خاصة مور ما ماتو رجالهم....بزاف كلش يعرفوه مرات نقول بالاك امرة خالي شوافة....نحكيلكم هادي قبل مانتخطب و قبل مايجي لرؤية الشرعية باسبوع كل يوم تجي تقول ل امي قالولي راكي ماديتي بنتك الكبيرة و يما تقوللها لالا مي انشاء الله و حتى انا و يما ماكانش علابالنا النهار لي يجي و هي ماتعرفو لا من قريب لا من بعيد...مرة قبل بيومين جات وحدة المراة عند يما شافتها مرة خالي مالتاقة .صدقوني جات تجري حفيانة و دخلت و قالتلها اذا جيتي تخطبي .المراة مسكينة جات تخيط تشوكات ...المهم نهار لي صح جاو يخطبو بابا يعرف القرعاجية دخلهم بالسيارة للقراج ..باش تبقي في ستر ربي ..و كي جاو راجعين تصيب اولاد عمي و اولاد خالي و خالتي كامل واقفين عند باب الدار...من هداك النهر كي تشوفني مرت خالي او تشوف يما ماتهدرش معانا و قالتلها ليما علاش ديري فيونساي و ماتعرديناش و سمعت كامل العائلة البعيدة و القريبة وحنا مازال مارجعناش الموافقة حتى اخوال ابي و اعمامو يعيطولو يباركولو ..بابا تقلق و انا تاني و رحت عند امرة عمي قلتلها علاش تقولي تخطبت و هادي برك راية شرعية و انتي قلتي لمرت خالي حتى الناس كامل سمعو حتى قبل ما انا نوافق ...قالي وليد عمي ياحسراه عليك حنا كامل فقنا و قرعجنا على كلشي ...و الهدرة فيها فيها و بدا يسقسيني علي دخلت مقلقة خرجت نضحك قلت في لاخير التقرعيج داير حالة

[anfal10]

[QUOTE][

ياخاه على التقرعيج في حومتي .حنا جيرانا دار خالتي و دار خوالي و دار عمي و امرة خالي و امراة عمي دايرين حزب التقرعيج و الاشاعات خاصة مور ما ماتو رجالهم....بزاف كلش يعرفوه مرات نقول بالاك امرة خالي شوافة....نحكيلكم هادي قبل مانتخطب و قبل مايجي لرؤية الشرعية باسبوع كل يوم تجي تقول ل امي قالولي راكي ماديتي بنتك الكبيرة و يما تقوللها لالا مي انشاء الله و حتى انا و يما ماكانش علابالنا النهار لي يجي و هي ماتعرفو لا من قريب لا من بعيد...مرة قبل بيومين جات وحدة المراة عند يما شافتها مرة خالي مالتاقة .صدقوني جات تجري حفيانة و دخلت و قالتلها اذا جيتي تخطبي .المراة مسكينة جات تخيط تشوكات ...المهم نهار لي صح جاو يخطبو بابا يعرف القرعاجية دخلهم بالسيارة للقراج ..باش تبقي في ستر ربي ..و كي جاو راجعين تصيب اولاد عمي و اولاد خالي و خالتي كامل واقفين عند باب الدار...من هداك النهر كي تشوفني مرت خالي او تشوف يما ماتهدرش معانا و قالتلها ليما علاش ديري فيونساي و ماتعرديناش و سمعت كامل العائلة البعيدة و القريبة وحنا مازال مارجعناش الموافقة حتى اخوال ابي و اعمامو يعيطولو يباركولو ..بابا تقلق و انا تاني و رحت عند امرة عمي قلتلها علاش تقولي تخطبت و هادي برك راية شرعية و انتي قلتي لمرت خالي حتى الناس كامل سمعو حتى قبل ما انا نوافق ...قالي وليد عمي ياحسراه عليك حنا كامل فقنا و قرعجنا على كلشي ...و الهدرة فيها فيها و بدا يسقسيني علي دخلت مقلقة خرجت نضحك قلت في لاخير التقرعيج داير حالة

/QUOTE]
شافتي يا آمال انا قلت راني وحدي سبحان الله القرع كملوهم او ما يتبدلوش كيما جاراتي كل يوم حكايات صح وحدة فيهم راجلها مات ما لقات واش ادير انا نحبير بناتهم اطيروا ما تسهعي والوا اخبوا محال تفيقيلهم حتى اشوفي بعينيك و الله تهربي اجيو موراك انا نقول لاختي اذا كاش ما كاين نهرب هذه الحومة grave تحيري وحدة من بناتهم تزوجت او طلقت vite fait ما فهمنا والوا مي واش دخلنا ادبر راسها المهم لوكان une autreخلات عليها ينشروها في الجرنان هاهاهاها الجيران لخرين كل واحد لاتي بهموا غير هادوا الله يستر او يحفظ ني فهامة ني والوا امنيني يا اختي كي اجونا ظياف او نكونوا برا يهدروا معاهم اقولولهم دوك اولوا راحوا غي هنا و لا شفناهم ركبوا في الطوموبيل واقيلا اطولوا مرة جات وحدة حنا كنا vaccances رحنا بعيد في الصيف المهم الجارة نطقت او قالت راحوا ل..........
حاجة ما تخفى عليهم كي ولينا الحومة قاع شافتنا سكانير خدام واش نقولك هاهاهاها و الله تكرهي من هذي الصفات يا عباد ربي آجيني يا بلى و لا نجيك

[amel03l]

رانا كامل كيف كيف ربي يسترنا من عباد كيما هادو امراة خالي هادي لي يروح من الجيران صبح يالوكان ساعة 6 يصيبها طل عليه مالتاقة شباب الحومة يتشاءمو منها و كل ماتشوفني خارجة في وقت ماشي تع خدمة نصيبها عند الباب تسقسيني وين رايحة ..مرات جي في بالي مانقولش مي نخاف تجبد علي هدرة عيانة.نولي نقوللها .و في العائلة لي تتخطب تعاديها تقول قتلتلها اولادها و تبدا تجبد عليها الهدرة ...الله يهديهم .انا مانكذبش عليك نخافهم ...عباد كيما هادو

[anfal10]

رانا كامل كيف كيف ربي يسترنا من عباد كيما هادو امراة خالي هادي لي يروح من الجيران صبح يالوكان ساعة 6 يصيبها طل عليه مالتاقة شباب الحومة يتشاءمو منها و كل ماتشوفني خارجة في وقت ماشي تع خدمة نصيبها عند الباب تسقسيني وين رايحة ..مرات جي في بالي مانقولش مي نخاف تجبد علي هدرة عيانة.نولي نقوللها .و في العائلة لي تتخطب تعاديها تقول قتلتلها اولادها و تبدا تجبد عليها الهدرة ...الله يهديهم .انا مانكذبش عليك نخافهم ...عباد كيما هادو

هاهاهاها ضربة و الله جارتي توقب من الباب تخلي غي قسما تبان عين وحدة انا ما نكدبش عليك درت عليهم كروا ما نهدر معاهم ما والوا غي ادا فاس افاس كي مرة في جنازة شتها جات تجري تسلم عليا apres كملت هربتلها و الله sinonخلات تشدني تقشرني ربي يسترنا او يحفظنا من العين و الحسد آمين

[oum imane83]