الجزء 111من واش طيبتي اليوم مع لنكون احسن طبخات في بيوتنا - الصفحة 84

yasmalak · 2015-01-20, 15:11

هايليك البسبووسة

مياسم75 · 2015-01-20, 15:15

داءمة الحمد بصحتك اختي ربي يقدرك ويشفيك
على فكرة ديما نجي نقلك على خبز الدار الكوشة نتاعك راني من نهار درتيه موضوع وانا بدلت الوصفة نتاعي الضياف الي جاو عندي وكلاوه كلهم قالولي جامي ذقنا خبز الدار خفيف هكذا وانا نقلهم كثر خير مولاتو وسامحيني نمد الوصفة زعما نتاعي وانا نزوخ يخي ماعليهش بصح والله دايما ندعيلك

ام سهام 02 · 2015-01-20, 15:17

كانت عندي وحدة ملافامي تعرضني لعرس بنتها كرجعت القيت بسبوسة حنان الشابة اتاعنا بصح الصور كتقسميهم ايجوني اصغار وما انشوفهمش مليح علاه ما كيش اتحطي الصور كما قبل باه نستمتع بشوفتهم هههههه

مياسم75 · 2015-01-20, 15:17

خرجتلك رووووووعة والطعم عجبك كي بردت

lyzzabel · 2015-01-20, 15:20

حنااااان راهي تبان بنييييييينة هههه بالاك مين خلطت يلي زيكستري هاو قاع الدوق ماجاوش باين حتى باتو باش طلقو البنة ملييييح
ميااااسم بصحتكم البركووووكس مممممم
داءمة الحمد يعطيك الصحة كلشي راه يشهيييي قوليلنا واش من عفسة بالاك نديرها هههههه

OM DHOHA ANES · 2015-01-20, 15:20

ماااااااااااشاء الله عليكم يا لفحلات

شكرا على التشجيع حبيباتي كل وحده باسمها

نوال زاد ام يسرا شكرا جزيلللللللللا
توتة يا توتة كولي بصحتك والله تستاهلييييييييييي

ام ريمه والله عينيك اللي ملاح بصحتها ونتي نعاودلك وحده خيرمن تاعها هاهاها

زينب ياغاليتي شكرا بصح وين نجي انا قدامكم
ليزابال شفتي نبان حانطلع صاروخ هاهاهاها تسلمي حبيبتي
قمر يسلمك ربي يحفظك
ام سهام وفيك بركه حبيبتي والله فرحتيني بمرورك وتقييمك
ام ياسين الزهراء انت اللي روعه خاصة تعليقتك اللهم آآآآآآآمين

ام سهام 02 · 2015-01-20, 15:21

اقتباس:

المشاركة الأصلية كتبت بواسطة louji omri

صح غداكم يا حلوات

و الحمد لله

روووووووعة يعطيك الصحة

اقتباس:

المشاركة الأصلية كتبت بواسطة دائمة الحمد

غدايا الكسرة رخساس نسيتما صورتهاش عملت ليه استوس جديدة جت روعة

امممممممم بصحتكم

راني نستنى في الجديد

مياسم75 · 2015-01-20, 15:23

ام آلاء مساء النور واش راكي حبيبتي
ام سهام إديني معاك للعرس نتفرج برك عندي بزاف ما رحتش للعراس
نروح نصلي العصر وندير لهم للحليب سلااااام

yasmalak · 2015-01-20, 15:25

اقتباس:

المشاركة الأصلية كتبت بواسطة ام سهام 02

كانت عندي وحدة ملافامي تعرضني لعرس بنتها كرجعت القيت بسبوسة حنان الشابة اتاعنا بصح الصور كتقسميهم ايجوني اصغار وما انشوفهمش مليح علاه ما كيش اتحطي الصور كما قبل باه نستمتع بشوفتهم هههههه

انتيييي تؤمرييييييييييي ياعمرييييي ماكااش مشكلللل

ميااسم ويييييي ولات مليييحة وسيييييير كي تزيد تبرد تولي خيييير

OM DHOHA ANES · 2015-01-20, 15:28

مياسم حبيبتي شكرا على الاثراء
اللهم اميييييييين

yasmalak · 2015-01-20, 15:30

ليزاااا انا هدا الوصفة شفتهااا من قبل يديروها المشارقة بالصح يديرو القشطة
كيما القطايف بالقشطة

ام سهام 02 · 2015-01-20, 15:31

مياسم وجدي روحك الخميس العرس نتلاقاو عند الحفافة

حنان حبيبتي شهتني فيها الصورة راهي تنطق مشربة كما يحب الخاطر يايمي ييايمي امين امو داعية لو خموس عليك ربي يحفظك ويسترك

nabila222 · 2015-01-20, 15:32

اقتباس:

المشاركة الأصلية كتبت بواسطة yasmalak

نبيلة روووووووعة واش حطيتي يعطيييك الصحة

شكرا حبيبتي دا من زوءك

اقتباس:

المشاركة الأصلية كتبت بواسطة saja hamed

بصحتك نبولة ماكلتك هايلة يعطيك الصحة امممممممممممممممممممممممممممممممممممممم قوليلي كيفاه درتي طاجين الزيتون واش الي معاهم

حبيبتي. تسلمي على الإطراء ،هذاك طاجين زيتون ودرت معاه قوارب الدجاج المحشية بسلق انتاع ام رامي مع بعض التغييرات ،ربي يجازيها كل خير

yasmalak · 2015-01-20, 15:34

اقتباس:

المشاركة الأصلية كتبت بواسطة ام سهام 02

مياسم وجدي روحك الخميس العرس نتلاقاو عند الحفافة

حنان حبيبتي شهتني فيها الصورة راهي تنطق مشربة كما يحب الخاطر يايمي ييايمي امين امو داعية لو خموس عليك ربي يحفظك ويسترك

ياعمريييييييييييي ربيي يخليييك يالغاالية و يخليلي هدا اللسان اللي يقطرر عسسسل
ما نباان والووووووووووو قدااااااامك

lyzzabel · 2015-01-20, 15:35

الروز بالكالامار
في مقلة نحط شوية زيت و نحط ارجل الكالامار بعدما نكون نقيتهم مليييح و نحيتيهم الجلدة تاعهم طبعااا و قطعتهم قطع متساوية ،، و النار تكون هاااادية خاطرش يدو الوقت فالطياب مشي كيما الساك تاع الكالامار ،، و نتبلهم بشويييية ملح و نعطيهم غادي يطلقو الماء و ساعة ساعة نخلطهم بالملعقة حتى ينشف الماء تمااااماااا
ننحي الكالامار في صحن و في نفس المقلاة نرابي فصين او ثلاثة ثوم و ملعقة كبيرة طماطم معلبة و نخلط حتى يتقلو مليح نضيفلهم زوج حبات طماطم رابي و نزيد نقلي نتبل بالملح و الفلفل الأسود و نضيف مقدار كاس ماء و نرجع الكالامار ونغطيها و نخليهم يطيبو على نار هادية حتى تولي صلصة عاقدة
في هداك الوقت نغسل الروز مليييح حتى يولي الماء صافي ،، و نحط على النار طاجين فيه شوية مارغرين و شوية زيت نخليهم يسخفو و ننقص النار و ندير الروز يتقلى و نتبله بالملح و الفلفل الأسود و شويييية سكنجبير و ورقتين رند مع الخلط المستمر حتى يتشرب النكهات مليييح و لونه يميل الى الأصفر الشفاف نضيف عليه ماء سخون و نطيبه ،، لازم مين يطيب يكون ناشف مالماء لي طاب فيه
و في مقلة اخرى نحط شوييية زيت و نقطع فلفل اخضر و فلفل احمر حلوين بالطول على شكل أعواد و نخليهم على نار هااااادية لازم يطرو مليح و ما يتبدلش لونهم و طبعا نديرلهم شوييية ملح
مين يطيب الروز نحط عليه الفلافل هههه و نخلط برفق هنا ما نستعملش الملعقة فقط نهز الطاجين باش الروز ما يتعجنش
و نقدم في صحن الروز في الوسط و الكالامار بالصلصة فوقه او على الجانب و شهية طيييييبة