حلوياتي بالصور

[وردة الشمس]

شكرا لكل وحدة ردت على موضوعي بارك الله فيكم
وصفة لكروكي لي طلبوها
5 بيضات كاملين
2باكيات خميرة القاطو
فرينة
كاس سكر
كاس ونصف زيت
زاست قارص+عصير
كاكاو
معجون
جلجلانية للتزيين او اي حاجة
الطريقة
خلطي البيض بالمكسور مليح وزيدي السكر حتى يدوب ونبعد زيدي الزيت حتى يتخلط مليح
وزيدي لقارص والزاست تاعو ولخميرة وزيدي لفرينة وخلي الخليط جاري وقسميه على2
1كملي شيحيه بالفرينة و2 زيديلو الكاكاو حتى يتلون وخلي الخليط تاعك جاري شويا باه يجيك خفيف
ونبعد كوري الخليط 1 الة 5كريات وتاني لي بالكاكاو كيف بعد وجيبي نيلو وطرحي فوقو 2كويرات وحدة بيضة وحدة كحلة ونبعد قلبي الكحلة فوق البيضة وروليه تتحصلي على رولو اقسميه على 2 وكملي حتى تخلصي دخليه يطيب وكي يخرج حطيلو المعجون +عصير القارص وزينيه كما تحبي نتمنى يكون شرحي كافي والا مفهمتوش حاجة اهدرو .