اقتباس:
المشاركة الأصلية كتبت بواسطة lyzzabel
ويساماك هدا وين شفت بلي نتيا صاحبة الموضوع ههههه
اوكي حبيبة إليك الطريقة
طبعا بعد ما تنقي سمك الراية و تغسليه وجدي التتبيلة لي هي ملح ما تكثريش السمك عامة ما يبغيش الملح بزاف و فلفل اسود و شوييية كمون مقدار نصف ملعقة صغيرة و نصف ملعقة ص فلفل احمر حلو و عصرة ليمون و زيت زيتون او زيت عادي
حطي أطراف السمك في هاد التتبيلة خلطي مليح بيدك و دخليه للثلاجة يتشرب على الأقل نصف ساعة
و حضري الصلصة لي هي سنات ثوم مقطع رقيق او رابي انا نفضله مقطع رقيق قليهم في شوية زيت و حطي عليهم ملعقة صغيرة مملوءة طماطم معلبة و حبة كبيرة او زوج حبات متوسطين طماطم رابي تبلي بالملح و الفلفل الأسود و خلي الصلصة تعقد شوية
حطي السمك في بلا تاع فرن من الأحسن يكون تاع زجاج مدهون بالمارغرين و فرغي عليه الصلصة لي حضرتيها و زديدي مقدار كاس تاع شاي من الماء و غطيه بالالمنيوم و دخليه لفرن ساخن على درجة 200 مين يطيب نحيه و الصلصة تكون خاثرة قدميه مع الليمون و رشة معدنوس من فوق و بألف صحة و هناء
|
يعطيك الف صحة ليزا الله يعطيك ما تتمناي انا غير شفتو برك قلبي بدا يخبط واش هاد لعجب وكيفاش نطيبو سلكتيني يعطيك الصحة
اقتباس:
المشاركة الأصلية كتبت بواسطة مرام 1987
أنا جامي شفتو بصح دخلت نتثقف
وهاهي ليزا كفات ووفات ربي يحفظها
|
شكرا على المرور اختي مرام والله يعطيها الصحة ليزا دوك عجوزتي تقول واش هادي ماكاش عجب وماتعرفوش ههههههه والفضل يرجع ليكم
( تقرير عن مشاركة سيئة )، و الموجودة أسفل كل مشاركة .
2015-01-04, 13:55
العرض المتطور
