*** المكان الانسب لنافدة المطبخ

[*أم جابر*]

بارك الله فيك ام حمزة و الله غيرتيني بالكوزينات الزينات نسال الله ان يرزق كل واحدة المطبخ و الدار اللي تتمناها

[ام حمزة22]

المشاركة الأصلية كتبت بواسطة غزالة الصّحراء

أسعدني ردّك اختي ام حمزة.
أنا ثاني حبيت اندير التّصميم كيما أنحب. بصّح في هاذوا الأشغال دائما غالبني . ايشاورني بصّح مايدير غير رايو. :d:d:dأنا قلت أنقصوا للحمام على خاطر بزاف أكبير. وهو قال أنكسر الحيط أنتاع الكوزينة باش أنزيد الاتساع من الصالون. يعني حاب أنديروا مطبخ ( أمريكي ). على رأيو . قلتلوا ماعليش دير كيما أتحبّ المهم غيّر لي التّصميم وخلي المطبخ واسع. ومنّا لهذا ك النهار إن شاء اللّه مانعرف اشكون الي رايح ايكون عندو الحق :d:d
أنا ثاني نعرف أنخيط وندير التحف للتزيين بصّح أخسارة مانعرفش نستعمل الماشينة أنتاع الخياطة. جبت وحدة من عند اهلي بصّح لحدّ الآن ماتعلمتش فيها. اللّه غالب ماكانش الوقت. ماعليش المهم لما تصنعي تحف مطبخك أبعثيهم باش نتعلموا منك. ربي يحفظك لينا.

المشاركة الأصلية كتبت بواسطة نائلة

المشاركة الأصلية كتبت بواسطة om hadil

بارك الله فيكي ام حمزة مواضيعك هاييلين من الطبخ للمطبخ ما شاء الله والله يباركلك في عايلتك وتكملي كوزينتك

وتتحفينا بيها على فكرة هذاك مانحب كي خدمولي المطبخ خسرولي البوطاجي كنت رايحة نهبل كنت حاطة فكرة في بالي

والماصو خدملي خدمة اخرى وزوجي حلف ما يعاودهش وراني متمنية لوكان نتهنى من هذاك المشكل غير نخدم
مطبخ راه فيبالي هايل ان شاء الله ايلا تهنيت

والفكرة تاع النافذة راني فكرت فيها ولله غير يخرج روووعة ادعولي برك الله يوفق الجميع

المشاركة الأصلية كتبت بواسطة salima14

يعطيك الصحة ام حمزة هاذيك بلاصتها بصح فيداري
جاية على جيهة بصح مليحة
ازربي خيطيلها الكسوة كوزينتك ماتستنايش حتى تكمل
ووريلنا المودال ننقلو عليك انا نخيط بصح مانختارعش
لازم نشوف حاحة وندير عليها كوپي كولي ههههههه
السحابة البيضاء هذيك كوزينتك؟؟؟؟
روووووووعة
انا كيندير الدار تلقاو صوالحكم كامل عندي كخخخخخخ
نبغي نعاند بصح مانحسدش ماتخافوش مني

المشاركة الأصلية كتبت بواسطة ام اسيد1

بارك الله فيك ام حمزة و الله غيرتيني بالكوزينات الزينات نسال الله ان يرزق كل واحدة المطبخ و الدار اللي تتمناها

وفيك بركة الله ام اسيد
شفتي ديك الكوزينة التخيرة صغيرة بصح متولة
ان شاء الله يحقلك كل امانيك اختي
مشكورة على المرور