وأخيرا....... حتى انا رايحة نحط طياباتي

أم ياسين الزهراء · 2014-12-27, 14:13

ياموصيبة اولا واش راكي توحشناك وتوحشنا وصفاتك

حبين نسقسك على فلوريال تاع 500غ كيندير بيها ترتولات معتمدة وصفة ام كوثر وفلة تتفت صراتلك انت انا نخدم ب تاع 250غ وتجيني هايلة وملي بدلت بتاع 500غ ولاتلي هكى وشكرا
وعندي نص بواطة نيسلي نقدر ندير بيها فلن ام اماني تكفيني مشومرة هههههههههههه

إلهام07 · 2014-12-27, 14:26

اقتباس:

المشاركة الأصلية كتبت بواسطة أم ياسين الزهراء

ياموصيبة اولا واش راكي توحشناك وتوحشنا وصفاتك

حبين نسقسك على فلوريال تاع 500غ كيندير بيها ترتولات معتمدة وصفة ام كوثر وفلة تتفت صراتلك انت انا نخدم ب تاع 250غ وتجيني هايلة وملي بدلت بتاع 500غ ولاتلي هكى وشكرا
وعندي نص بواطة نيسلي نقدر ندير بيها فلان ام اماني تكفيني مشومرة هههههههههههه

يتوحشك الخير والهناء يارب راني نشوف فيك ماشاء الله غير يزيدو الأوسة نتاعك ههههههههه تستاهلي راكي ماشاء الله نشيطة

أنا للقاطو مانخدمش بالفلوريال نتاع 500غ نشري القطع نتاع 250غ تبانلي ماهيش كيف كيف والله أعلم وياخي نفس السومة نشري القطع خير
أما عجينة التارتولات عندي قريب عامين نخدم بعجينة الزيت ساهلة وسريعة واقتصادية وماتتفتتش تخدميها براحتك تبقى متماسكة وزيد خفيفة في الطعم خير من نتاع الزبدة تاخذي برايي ديري عجينتي نتاع الويت والله ماكان اسهل منها مدام اخواتي راهم يديروها معناها حتى الخايبة وتنجح فيها خخخخخ وراهي خفيفة في الماكلة ماتقهمش كيما نتاع الزبدة وجي هشوشة من داخل.
المهم، النيستلي إذا عندك نص باط أقسمي المقادير على 2 ساهلة ماهلة هذي الساعة رانا كامل مشومرين هذا الشهر راني هردت الميزانية مع اختي نافس عندنا مزية اليوم تروح عند دار شيخها نريحو شوية ههههههه