الجزء 106 من واش طيبتي اليوم, معا لنتعلم فنون الطبخ - الصفحة 22

Omrihem · 2014-12-24, 10:10

حراير الجلفة يعطيكم الصحة
اسينات يعطيك الصحة وكون غير تزيدي تشاركي في المسابقة راكي ماشاء الله
دايمة الحمد مومتنا ربي يباركلك في صحة وما شاء الله ولاباس عليك ان شاء الله
اسماء القاطو نتاع لي كورني جاك امممممممم يعطيك الصحة
ام سهام الحنونة يعطيك الصحة علي الطمينة دايما متالقة
ام تاجو بصحتكم التليتلي وليجوا بالصحة حبيبتي تستاهلي كل خير
ليزاتي صباح فل وياسمين طالبة الجامعة ام هبوبة ام الجود زهرة ام كاميليا ام رفيدة روضة اسعد الله صباحكم
توتة ربي يوفقكم و ان شاء الله ربي يدوم المحبة
لهنا موكا ماشاء الله عليكم ربي يبارك فيك
من لم اذكرها سهوا تسامحي واكبر سلام ليكم جميعا

ام سراج وملاك · 2014-12-24, 10:10

اهلا حبيباتي دخلت على الطمينة نتاع ام سهام من فضلك الوصفة بالتفصيل متنساوش بلي نهار المولد عندي عروسة تستنى في مولدها اعطولي رايكم من ضك واش نوجد خي علابالكم خويا امانة عندي خلاتولي امي و ابي ربي يرحمهم لازم نحمرلو وجهو قالولي طمينة ثاني يديوها صح كاينة منها وزيدو واش تقتارحو باش نحطلكم التصاور كيما مالفة

دائمة الشكر · 2014-12-24, 10:11

ام سهام طريقتك فالطمينة نفس طريقتي برك أنا انزيدلها حلوة الترك او الشامية مع العسل والزبدة وجي هايلة شهيتيني نحبها نموت على الطمامن

SAMAH SAMAH · 2014-12-24, 10:15

السلام عليكم
بنات ممكن مساعدة اين اجد سيقار الشكولا

شكرا

ام نهوله · 2014-12-24, 10:17

اقتباس:

المشاركة الأصلية كتبت بواسطة اسماء47

السلام عليكم جميعا و نهاركم مبروك
اصبحنا و اصبح الملك لله
الف مبروك الكوزينة الجديدة اختي لهنة ربي يهنيك و لعقوبة تحطيلنا كوزينتك في دارك الخاصة
كلشي حطيتوه رائع يالحراير
جربت قاطو الكورني لام اماني ربي يعطيك ماتتمناي خرجلي رائع اعطيت منو لعجوزتي و ماما و خليت لينا 4 حبات خخخخخ

خرجلك هايل يعطيك الصحه

ام احمد وصال · 2014-12-24, 10:17

صباح الخير حبيباتي واش راكم توحشتكم

لهنة مبروك الكوزينة الجديدة ودارك ماشاء الله عليها ربي يعمر حجرك ودارك يارب

كلكم رووووووووووووووعة ربي يحفظكم من العين لي عودة بعد شهر ونص كي نفطن من الغيبوبة ةاععععععععععععععععععععع

ام ريان عبدالله · 2014-12-24, 10:20

صباح الخير عليكم كامل كل وحدة باسمها انا نحب نشارك معاكم مي دوماج صباح في الخدمة ولعشية في الدار مع شغل وتربية عندي ولدي صغير 10 اشهر

lahna moka · 2014-12-24, 10:21

جيادا حبيبتي تفضلي وصفة الباتيسري:
أولا نحتاج جينواز:
4 بيض_ 100غ سكر عادي_ فانيلا_ رشة ملح_ 100غ فرينة مغربلة مرتين_ نصف كيف خميرة الحلوى
التحضير:
فرقي البياض و الصفار. اضربي البياض كالثلج مع رشة ملح. من جهة اخرى اضربي الصفار جيدا مع السكر و الفانيلا حتى يصبح الخليط مثل الموس و لونه فاتح أضيفي الفرينة المخلطة مع الخميرة و اضربي الكل لتتداخل و بملعقة ابداي تضيفي البياض بالتدريج مع الخلط بلطف حتى تتجانس المكونات
فرغي الخليط في صينية مستطيلة يكون بها ورقة آلمنيوم مدهون أو ورق خبز احسن و عدليها جيدا ثم ديريها في فرن ساااااااااااااااااخن و ما تخذش وقت فالطياب بلخف كي تشوفيها حمارت من التحت شعلي من فوق تتحمر غير شوية و نحيها
خليها تبرد شوية و بعدها قسميها بالعرض الى 3 قطع متساوية
ضعي القطعة الأولى و اسقيها جيدا بالشاربات و ضعي عليها طبقة كريمة شانتيلي مخفوقة و ضعي عليها الطبقة الثانية من البسكويت و اسقيها جيدا و فوقها طبقة شانتيلي و الطبقة الاخيرة بسكويت و اسقيها جيدا أيضا ثم طبقة شانتيلي رقيقة و زيني من الفوق بواش حبيتي و انا زينت بكشمة شانتيلي لونتها بالوردي و شريحة تفاح.

أم هبوبة · 2014-12-24, 10:21

اقتباس:

المشاركة الأصلية كتبت بواسطة ام سهام 02

اسعد الله صباحكم حبيباتي ويوم موفق اسمحو مانيش انعلق النت راهي اتروح واجي عندي هبلتني قسم ماني ندخلو غير هذا القسم وغير اجي ننتهز الفرصة اه انحط الصور
المولود النبوي رانا قريب نحتفلو به راني نوجد في الطمينة حبيت انوري لكم طريقتي بلاك تعجبكم اجربها

راهي هااااايلة

ام سهام يعطيك الصحة بصح تعرفينا طماعين الوصفة بالتفصيل و المقادير و خصوصا نوعية السميد

روضة 88 · 2014-12-24, 10:22

سماح تلقايه في المحلات وين يبيعوا لوازم الحلويات او في السوبيرات.

om kamilia · 2014-12-24, 10:22

اهلين وهلين سلمى 13 نتمنو لك اقامة دائمة في معهد الطبخ نفيدوك ونستفادو من تجاربك المطبخية ونولو كمل شافاتونقتصدو في المصروف تيا باطباقل يا هلا ومرحبا

Simassim · 2014-12-24, 10:23

صباح الخير عليكم ونهاركم مبروك ان شاء الله
دخلت ضباح فرحت مين شفت قهوتك غاليتي دائمة الحمد فطنت بيها ورحت كان عندي تحاليل ورونديفو مع الطبيبة تاع التخدير هدا وين جيت صبت صفحات بزاف فشلتوني
مرحباً بيكم راني نشرب عصير مع القاطو الصور مارانيش تقدر نحطهم. تخيلو وحدكم
فطوري مودر بلاك ندير صدر الدجاج فاغسي مع صوص الفطر وكريم فراش

توتة هاتي الرابط تاع المسابقة نشوف الاطباق ادا كانو ساهلين راني نشارك

ام نهوله · 2014-12-24, 10:24

اقتباس:

المشاركة الأصلية كتبت بواسطة اسماء47

السلام عليكم جميعا و نهاركم مبروك
اصبحنا و اصبح الملك لله
الف مبروك الكوزينة الجديدة اختي لهنة ربي يهنيك و لعقوبة تحطيلنا كوزينتك في دارك الخاصة
كلشي حطيتوه رائع يالحراير
جربت قاطو الكورني لام اماني ربي يعطيك ماتتمناي خرجلي رائع اعطيت منو لعجوزتي و ماما و خليت لينا 4 حبات خخخخخ

اقتباس:

المشاركة الأصلية كتبت بواسطة ام ريان عبدالله

صباح الخير عليكم كامل كل وحدة باسمها انا نحب نشارك معاكم مي دوماج صباح في الخدمة ولعشية في الدار مع شغل وتربية عندي ولدي صغير 10 اشهر

ربي يخليهولك و الله غير رانا كامل وقتنا ضيق بصح رانا نحاولو وا قدرناش نفارقو هاد الصحبه الطيبه
حاولي مين داك و انفعينا بمهاراتك

Simassim · 2014-12-24, 10:27

ام سهام. دائماً نحب نسقسيك على الطمينة. السي سيد جابلي السميد بصح بانتلي شوي رقيق كاتبين فيه متوسط مداري يجيبلي نوع واحداخر كاتبين فيه متوسط بصح غليظ عليه شوي
معرفتش باش نخدم باقيلي يامات وندخل شهري حبيت نوجد على التسع خايفة مانكملش شهر التاسع

ام نهوله · 2014-12-24, 10:27

لهنا تعيشي اختيتي اعطيني الرابط تاع سوب بطاطا اللي كنت حطيتيها مع الاول عجبتني حبيت نجربها