من جربت الحقن المجهري و نجح معها؟؟؟؟؟

[سارة هبة الرحمان]

ربي يسهل للجميع

[m.fatii]

المشاركة الأصلية كتبت بواسطة سارة هبة الرحمان

حبيبتي ممكن تقوليلي العنوان بضبط تاع الطبيب و قداش قالولك سعر وهل تحكمي رونديفوا من قبل باه ديري التلقيح او لا المهم قوليلي واش الفكرة لي ديتيها

حبيبتي انا كي رحت دلوني على الدكتور خالد التراس قالولي هو احسن واحد جاي في تونس العاصمة بالذات في حي المنار 2 عندي رقم الهاتف نتاعو و العنوان كي شاف التحاليل قال لازم تلقيح بعثنا عند الكلينيك اسمها حنبعل عملونا .des analyses approfondie من بعد عاودنا رجعنا عند الدكتور اكد على ضرورة التلقيح.
كتبلي ..دواء و قالي كي تقرري تعملي التلقيح اشربي الدواء من اليوم الثاني للعادة من بعد كي تعاود تجيك الدورة لازم اليوم الثاني تكوني عندنا
اسمحيلي على الاطالة حبيت نحكيلك كل شيء كاه انا حاسة بيك
المفيد يعني sans rendez vous كي نحب نروح ناخذ الدواء و من بعد نتوكل على ربي
الدكتور هو هايل الاستقبال في المصحة ممتاز
انا مشكلتي منيش حابة ندير عند راجل خايفة قالو حرام كي تكون كاينا طبيبة و تروحي عند راجل انا هذا لي محيرني جاوبوني واش رايكم انا رحت لوحدة في تزنس لكن لم ارتح لها
عندي سؤال كاين هنا في الجزائر فريق طبي نساء للتلقيح تعيشو جاوبوني
السعر بالنسبة للدوا تشريه في الجزائر قالولي حوالي عشر ملاين
اما العملية قالي الطبيب بلي حوالي quatorze millions.

[سارة هبة الرحمان]

يارب لاتحرم ولا وحدة من نعمة الامومة












رنا

[KARIO]

انا تاني راني نخمم فيه و المشكلة عند زوجي عنده الحركة 0% ، جربنا الدواء و الاعشاب و ماكان حتى تحسن، راني نخمم ندير التلقيح المجهري في فرنسا بصح مازال مجمعتش المعلومات الكافية، الله يرزقنا كامل

[أم أماني أريج]

المشاركة الأصلية كتبت بواسطة kario

انا تاني راني نخمم فيه و المشكلة عند زوجي عنده الحركة 0% ، جربنا الدواء و الاعشاب و ماكان حتى تحسن، راني نخمم ندير التلقيح المجهري في فرنسا بصح مازال مجمعتش المعلومات الكافية، الله يرزقنا كامل

ماتهمش الحركة في الحقن المجهري أصلا هوما يحقنو الحيوان المنوي داخل البويضة

ننصحك أختي غير ديريه في أقرب وقت باش مايصرالكش كيما حنا يعني هذا العام كي قررت نعاودو زوجي رجع عندو التشوه مئة بالمئة يعني خلاص كامل مشوهين و مانقدرش نزيد نعاود نعمل حقن آخر

ربي يوفقك اختي و من الأحسن ديريه خارج الجزائر الله غالب بلادنا مازالها متأخرة في هذا الجانب .

[KARIO]

المشاركة الأصلية كتبت بواسطة طال الرجاء

ماتهمش الحركة في الحقن المجهري أصلا هوما يحقنو الحيوان المنوي داخل البويضة

ننصحك أختي غير ديريه في أقرب وقت باش مايصرالكش كيما حنا يعني هذا العام كي قررت نعاودو زوجي رجع عندو التشوه مئة بالمئة يعني خلاص كامل مشوهين و مانقدرش نزيد نعاود نعمل حقن آخر

ربي يوفقك اختي و من الأحسن ديريه خارج الجزائر الله غالب بلادنا مازالها متأخرة في هذا الجانب .

شكرا أختي على تفاعلك، الحركة مهمة جدا حتى في التلقيح المجهري لأنو ماراحش يفرقو بين الحي و الميت، الله يرزقك و يرزق كل محروم