الجزء 104 من واش طيبتي اليوم : كل يوم فكرة بإذن الله

[selma2013]

حكايتي مع المطلوع
أنا اسمي سلمى راجلي يحب المطلوع وأنا يا حسرتي ما نعرفش نعجنو خلاااااااص وعندي سلفتي يعني اخت راجلي عليها واحد المطلوع يا حباباتي هبال وهو ديمااا يزوخ عليا بالمطلوع تاع أختو وتعرفو الوحدة منا كي تعود فيها افار تاع سلفة ما نحكيلكومش تبقى تحرق فالقلب ولاتلي عقدة في حياتي اسمها مطلوع
دخلت لمنتدى الجلفة وكل وحدة تحط وصفة تاع مطلوع نجري نجربها المهم جربت جميع مطاليع (يعني جمع مطلوع) المنتدى بلا فايدة فشل درييع بالاك عندي عامين ما عجنتش المطلوع وراجلي قتلتو السخفة تاعو يستنى باه نروحو للمدينة تاعنا خاطش رانا بعاد باه ياكل المطلوع تاع أختو.
في يوم من الأيام عجبني مطلوع وحدة فالكوزينة لي قبل هذي قلتلها تحطلي الوصفة والمخلوقة ربي يجازيها حطتهالي وبالمقادير المضبوطة ايا قلت والله نجربها . طبعا مع شوية تحريف عجنتو حطيتو فالطاجين يطيب ما امنتش روحي بلي أنا سلمى درت هذا المطلوع فرحت قريب بكيت وبقيت ندعي لصاحبة الوصفة صباح وعشية كي شافو راجلي شكرني بزاف وعجبو بزااااف وبنفس الوصفة نعمل خبزة منو سفنج ولا خفاف كيما يسميه البعض يجي رووووووووعة
وعشت في سعادة كل يوم نعجن المطلوع بدون ملل وتنحاتلي العقدة الى الأبد......النهاية

أكيد حابين تعرفو صاحبة الوصفة في الحلقة القادمة نقولكم عليها ههههههه
عازفة الناي سيدتي الفاضلة صاحبة الفضل عليا شكرا جزيلا على الوصفة ربي يجعلها في ميزان حسناتك ويعطيك ويمنيك ويفرحك بكل ماهو عزيز عليك.