رخصة انشاء مصنع مشروبات غير كحولية ؟

satna · 2014-12-14, 13:24

اقتباس:

المشاركة الأصلية كتبت بواسطة ~ السلطانة ~

السلام عليكم و رحمة الله .
اول الأمر تنجز طلب رخصة البناء مع البطاقة التقنية تحطها في البلدية .
تحديد اهمية المشروع بالنسبة لمصانع المشروبات يكون حسب طاقة الأنتاج اليومية .
تقدر تكون على مستوى البلدية فقط .
كما تقدر تكون على مستوى الولاية .
كما تقدر توصل للوزارة .
و هذا يحدد كما قلت حسب الطاقة النتاجية اليومية للمصنع .
و هذا التصنيف محدد في جدول خاص ماشي كلام فقط .
و لك الاختيار .
اذا كنت ستبدأ بالمشروع من الصفر انصحك قم بانجاز مشروع صغير و كبره مع الوقت كي يفتح عليك ربي .
- بيناتنا نقدر نخدملك كلش ههههه -

كيفاش تخدميلي كلش من فضلك وجهيني للإدارة المعنية

~ السلطانة ~ · 2014-12-14, 13:57

اقتباس:

المشاركة الأصلية كتبت بواسطة satna

كيفاش تخدميلي كلش من فضلك وجهيني للإدارة المعنية

السلام عليكم و رحمة الله .
قلت نخدملك كلش لنها مهنتي .
قبل الأدارة المعنية لازم تخدم ملف طلب رخصة عند مهندس معماري و بعدها تسلم الملف للبلدية تجمع الأراء من الهيئات المعنية و يعطوك بعد ذلك الرخصة و تتوكل على الله .
بالتوفيق .

satna · 2014-12-14, 14:05

اقتباس:

المشاركة الأصلية كتبت بواسطة ~ السلطانة ~

السلام عليكم و رحمة الله .
قلت نخدملك كلش لنها مهنتي .
قبل الأدارة المعنية لازم تخدم ملف طلب رخصة عند مهندس معماري و بعدها تسلم الملف للبلدية تجمع الأراء من الهيئات المعنية و يعطوك بعد ذلك الرخصة و تتوكل على الله .
بالتوفيق .

الله يجازيك كل خير

المشكلة ان المهندس المعماري غير موجود في المنطقة الي انا فيها

نقدر نشوف اي مهندس مش شرط يكون في منطقتي ؟

قدرة الانتاج 1500 وحدة يوميا في اي تقييم هل هي بلدية او ولائية او وطنية ؟

شكرا لك اختي الكريمة

~ السلطانة ~ · 2014-12-14, 14:22

اقتباس:

المشاركة الأصلية كتبت بواسطة satna

الله يجازيك كل خير

المشكلة ان المهندس المعماري غير موجود في المنطقة الي انا فيها

نقدر نشوف اي مهندس مش شرط يكون في منطقتي ؟

قدرة الانتاج 1500 وحدة يوميا في اي تقييم هل هي بلدية او ولائية او وطنية ؟

شكرا لك اختي الكريمة

ماشي مشكل يكون خراج المنطقة للي تسكن فيها اي مهندس معماري يقدر يخدملك الملف المهم يكون عنده الاعتماد .
ذرك نشوفلك الجدول و نقولك اي هيئة مكلفة بالتصريح .