ابنتي تعاني من الغازات

[Basketteuse]

السلام عليكم، ولدت ابنة منذ17 يوم، وهي تعاني من غازات شديدة الام في القولون ،قيء شديد ، واسهال منذ ولادتها مع العلم انها ترضع رضاعة طبيعية،،،،،اريد وصفات مجربة وآمنة من ذوات الخبرة، حفظكم الله

[التـــــــــــــــــــائهة]

تيزانة bébé calmente 8 اشريها عند الصيدلي .
انا جلربتها فادتني كثير
اذا راكي ترضعيها رضاعة طبيعية انتبهي للأكل تاعك اختي .
بالشفا عبيكم

[fayza81]

انا بنتي عملتلها تيزانة فيها البسباس و كمون (نشريهم حب و نغليهم) و كي راح الاسهال ندير البسباس وحدو و كنت انا تاني نشرب معاها البسباس وانتبهي واش تاكلي لانو راح يكون في حليبك

[ام محمد معاد]

كيما قالو الاخوات عليك بالتيزانا من عند الصيدلي بصح غلي الما وسقيها ثم صفيها وعطيلها تكون خفيفة حبيبتي ماش قاطعة
انتي بعدي على الجلبانة-الحمص -البيض - المشروبات وحتى بعض العصائروكل ما يسبب الغازات لانه يفوت في الحليب ويعمل لبنتك الغازات
والله يشافيها ويقر عينك بيها

[nihale89]

اختي انا ولدي كي زا هكذا كان قتلوه لي غاز
حتى درتلو زريعة البسباس راهي فعالة جدا للغازات
كي نديرهالو يخف عليه ويرقد
بصح ما تكثريش 2 حبات غليهم في شوية ماء واعطيها
حبيت برك ماديريش الكمون راهو قاوي ويهلك المعدة نتاع الطفل
ربي يحفظها

[TOFNINE]

اختى مادام فيه تقيء خديه لطبيب اطفال ربما يكون كاش ميكروب

[" أبو عبود"]

السلام عليكم
اردت فقط ان اشير يجب عدم طبخ العقار في الماء بل يجب طبخ الماء ثم ينقع العقار فيه لكي لا يفقد خصائصه العلاجية. مثل زريعة البسباس

[ساندريلا]

اختي مادام قيء و اسهال شوفي طبيب خير من التجارب الواهية هذه ما زالها صغيرة و ااميكىوب يهلك
بالشفاء ان شاء الله

[kahinab]

خذيها لطبيب أطفال ليطمئنك هو من يعطيك النصائح الازمة

[هبة ام عبدو]

ربي يحفظهالك انشاء الله اشري من صيدلي دواء خاص بالرضع اسمو gaz bébé قرورة صغيرة كل ما تمديلها الحليب ولا ماء ديري 4 قطرات في رضاعة مفيدة جدا للغزات يدير حوالي 800 دج