ماهي شروطك (كِ) للمتقدم لك (لها) ؟؟

[staifia]

المشاركة الأصلية كتبت بواسطة adnou eclypse

مع كل احتراماتي لشروطك ، يعني تهدري من نيتك و لا تضحكي برك معانا ؟؟؟



هادا السيد كون تلقايه بكل هاد المواصافات ، نعتيهولنا برك نصوروا معاه و لا يمضيلي في التريكو

هههههه والله ضحكتني خاصة الصورة
ماتنساش تمضيلي تريكو ليا

المشاركة الأصلية كتبت بواسطة allamallamallam

انا شروطى هى كتالى

1 ان تكون اجمل من الشمس لحظة الغروب
2 ان تكون اروع من القمر فى تمام بدره
3 ان تكون احسن من الورود المتفتحه
4 ان تكون اجمل من الغزاله اذا جلست امامها
5 ان تكون ابيض من الثلج اذا صب عليها


هذا بالنسبه للجمال الذى هو مطلب لحدوث الغاية

ثم ان تكون ذات علم بضروريات دينها و تكون ذات ثقافه مقبوله لأنى اعلم محدودية ثقافة الفتاة الجزائريه و تكون من آكلات الكتب ان امكن
ثم تكون ذات نسب و حسب

اما ذات الدين اظن هذا النوع انقرض فى الجزائر الا من رحم ربى


وفى الأخير ربى يصلح


السلام

حاب تلقا هادو الصفات كاملة في وحدة?????
في المنام ان شاء الله

[staifia]

المشاركة الأصلية كتبت بواسطة allamallamallam

انتى عندك 6 شروط يعنى اقل من اختك الأخرى

شوفى يا بنت حواء

مثقف ؟؟؟؟؟؟؟؟؟؟؟؟ ماذا تقصدون بالمثقف يا بنات حواء

واعى ومتفتح ؟؟؟؟؟؟؟؟؟؟؟؟؟؟؟؟؟؟؟؟؟واعى فهمناها لكن متفتح ؟؟؟؟؟؟؟؟؟ اماذا تقصدون بالمتفتح

مسؤول فهمناها و ماذا تقصدون بمفهوم الحياة الزوجيه

عمل دائم فهمناها لكن ما فهمتش عمل باين .؟؟؟؟؟؟؟؟؟هههههههههههه يعنى با بنت حواء كاين عمل ما يبانش

تحوسي على سكن وفهمناها لكن سكن فى سكن هذى مافهمناهاش يعنى لازم تكونى واضحه

الاحترام و التقدير فهنمناها لكن الحب ما فهمناش وتقصدوا بيه


نريد اكثر وضوح من بنات حواء

شكرااا

المثقف يعني يكون تفكيره ناضج متعلم من تجارب الحياة و دروسها لا اقصد المستوى الدراسي فقط لانو كاين القاري و في مخو 000000
متفتح يعني مش معقد كاين رجال منغلقين بزاف و يعرفوا الخدمة الماكلة الرقاد ما يتحاور مع مرتو و اولادو...المسؤول نفسها يعرف معنى الحياة الحقيقة
تكون خدمة باينة و دائمة يعني مش نهار خدام و عشرة قاعد مقابلني في الدار

[السي محمد]

والله ماراني شارط حاجة كبيرة


تكون بنت فاميلا و متدينة و صافية..يعني ما عندهاش ماض اسود مع الشباب و بسبب هذا الشرط ( الماضي الاسود) انا اتجنب الجامعيات تماما لاني درست في الجامعة و لا احتاج لدروس او مواعظ في الموضوع عشنا و شفنا و عفنا الحمد لله مارانيش نتهم بنات الناس ولكن قلبي ما يرتاحش لوحدة جامعية إلا إذا كنت نعرفها مليح مليح مليح مليح مليح و نعرف تاريخها

ثانيا صغيرة عليا في السن بما اني قاربت 30 فاكيد لازم تكون اقل من 26 سنة

من الافضل تكون من نفس الولاية او ولاية قريبة..شلف غليزان مستغانم فقط

فقط



الدين العائلة المحترمة...التاريخ الابيض ...و السن المناسب ... الخدمة مستحيل و هذا شرط غير قابل للنقاش

تكون جميلة و لكن ليس فاتنة يعني وحدة على قدها ...تسر ناظري انا و ليس كل الناظرين


لازم تكون ربة بيت قادرة على ادارة المنزل و تربية الاولاد ....


تحترمني و تحترم عايلتي و تكرم ضيوفي و تبعدني من المشاكل وا لقيل و القال



امور اخرى يمكن التفاهم عليها
بس

هل انا اطلب المحال؟؟؟؟

في الحقيقة انا اطلب المحال

[staifia]

المشاركة الأصلية كتبت بواسطة السي محمد

والله ماراني شارط حاجة كبيرة


تكون بنت فاميلا و متدينة و صافية..يعني ما عندهاش ماض اسود مع الشباب و بسبب هذا الشرط ( الماضي الاسود) انا اتجنب الجامعيات تماما لاني درست في الجامعة و لا احتاج لدروس او مواعظ في الموضوع عشنا و شفنا و عفنا الحمد لله مارانيش نتهم بنات الناس ولكن قلبي ما يرتاحش لوحدة جامعية إلا إذا كنت نعرفها مليح مليح مليح مليح مليح و نعرف تاريخها

ثانيا صغيرة عليا في السن بما اني قاربت 30 فاكيد لازم تكون اقل من 26 سنة

من الافضل تكون من نفس الولاية او ولاية قريبة..شلف غليزان مستغانم فقط

فقط



الدين العائلة المحترمة...التاريخ الابيض ...و السن المناسب ... الخدمة مستحيل

لابأس تكون جميلة و لكن ليس فاتنة يعني وحدة على قدها ...تسر ناظري انا و ليس كل الناظرين


لازم تكون ربة بيت قادرة على ادارة المنزل و تربية الاولاد ....تحترمني و تحترم عايلتي و تكرم ضيوفي و تبعدني من المشاكل وا لقيل و القال



امور اخرى يمكن التفاهم عليها
بس

هل انا اطلب المحال؟؟؟؟

في الحقيقة انا اطلب المحال

السلام عليكم السي محمد
انا احترم رايك وربي يرزقك بالزوجة الصالحة
ولكن انك تتهم بنات الجامعة هادي شوية
مش كل جامعية منحطة
سلامي

[" أبو عبود"]

أما أنا فشروطي بسيطة جدا جدا لكنها قد تكون مضحكة
أريدها نايلية جلفاوية حصرا بنت عائلة ماكثة تعجبني انا فقط ولا يهمني رأي الآخرن فيها.

[مريم الصابرة]

السلام عليكم اهلا أخي يعني الشروط على اساس راحين تزوجونا سجّل عندك
1- راجل وركز على كلمة راجل مش انوش وديوث ركز عليها بزاف نحب رجل عنيف بمعنى كلامو قاسي وصوتو يرعد ما نحبش اللي صوتو حنين يشبه لصوتي كانك يا بوزيد ما غزيت علاه نتزوج كي ندي واحد يشبهلي
2- يحب ثلاثة لا رابع لهما ربي حب الوطن حب الام وانا يزيد بعدي يموت
3- زوالي وفحل .... عادي ما يهمنيش المال المهم يحترمني
4- الصراحة ولو مرة نكره راجل كذاب نحب اللي كاينة يقولها الخوف من الله
5- نحب راجل سبورتيف بمعنى يلبس ملابس رياضية ههه وكاسكيطا الله الله حتى الفهامة نبقى في راسو ما تروحش هههه
شكرا لك

[نارينا]

المشاركة الأصلية كتبت بواسطة adnou eclypse

مع كل احتراماتي لشروطك ، يعني تهدري من نيتك و لا تضحكي برك معانا ؟؟؟



هادا السيد كون تلقايه بكل هاد المواصافات ، نعتيهولنا برك نصوروا معاه و لا يمضيلي في التريكو

أكيد لكنه يكره التصوير لانه سيشغل منصب حساس في الدولة

[abdelmalekmhdf]

انا افضل ان يكون طرفي الاخر انسانا خلوقا ذو مستوى تعليمي متفهم و مقبول الشكل هذه الشروط لا اتخلى عنها باي حال من الاحوال يكمن ان اقول ان محيطي و غقليتي و تفكيري و استنتاجاتي من تجارب الاخرين هي التي جعلتني اتمسك بهذه الشروط و لا اتنازل عتها

[راية الاسلام1]

السلاام عليكم ورحمة الله وبركااته

اهلا اخي وسيم

اقرا بعض الردوود هنا وستفهم ردي وموقفي هنااك باذن الله.... خااصة وانني من رواد هذا القسم كثيــرا

اعود لفحوى الموضووع:

ما هي شروطك لطرفك الآخر(من يتقدم لك طبعا) ؟

معنويا:
ان يكون رجلا بكل معنى الكلمة، ملتزما بحدوود الشرع لا يستهين بها، كريما، صادقا،حنونا، فحل يحترمني ويحتويني، هادئا ورزينا، ارديه مثقفا في امور الدنيا ليس شرط الدرااسة، متفهم ويعشق السفر...
ماديا:
ان يكون طويلا، شكله مقبول، متوسط ماديا ليس بالفقير ولا بالغني، مسكن خااص لايهم ان كان مستاجرا او ملكية

و هل تصر عليها و لا تتخلى مطلقا عن اي شرط ؟

الكماال لله، عموما لا استطيع معاشرة انساان يحمل ثلاث صفاات: ترك الصلاة، الكذب، البخل

و أهمها : على اي اساس وضعت تلك الشروط؟ ; (ما حكو لك ، والداك ، ما تعتقده ، ...)

وضعت هذه الشرووط لان فيها راحتي المستقبيلة اولا، ولانني تعلمت من تجاارب الاخرين ثاانيا....

لكن هنااك داائما استثناءات خااصة ان دااهم الانساان شعوور بالاعجاب او بالحب
بااارك الله فيك

[زرقـآء اليمآمـة]

السلام عليكم
مرحبا بك اخي وسيم في قسم المجتمع ........ نورت مكانك
شروطي:
أوّلتها : يخشى الله
ثانيتها : صالح
ثالثتها : خدام ......
رابعتها : شكرا والله المستعان

[allamallamallam]

المشاركة الأصلية كتبت بواسطة staifia

المثقف يعني يكون تفكيره ناضج متعلم من تجارب الحياة و دروسها لا اقصد المستوى الدراسي فقط لانو كاين القاري و في مخو 000000
متفتح يعني مش معقد كاين رجال منغلقين بزاف و يعرفوا الخدمة الماكلة الرقاد ما يتحاور مع مرتو و اولادو...المسؤول نفسها يعرف معنى الحياة الحقيقة
تكون خدمة باينة و دائمة يعني مش نهار خدام و عشرة قاعد مقابلني في الدار

يختى سطايفيه مره اخرى ما فهمتكش

المثقف سار هو الذى حنكته التجارب ؟؟؟؟؟؟؟ لكنه لم يقرا فى حياته كتاب ؟؟؟؟ هل هذا هو المثقف
ااذا انا جدى مثقف حسب تعريفك رغم انه لا يعرف الكتابه و القرآءه لكن تفكيره ناضج و عنده تجربه كبيره فى الحياة رحمه الله

متفتح موش معقد ؟؟؟؟؟؟؟؟ حسب ما فهمت من كلامك متفتح هو الذى طول ياكل شويه و يرقد شويه ؟؟؟؟؟ هههههههههههههه

رانى فاهمكم يا لبنات ورانى عارف مليح المتفتح عندكم وشيه ؟؟؟؟؟؟؟؟؟؟؟؟؟؟؟ يا حصراه رانا قارينكم مليح

اعطيك مثال على الرجل المتفتح مثلا هو الذى يسمح لزوجته دير شويه ماكياج حاجه خفيفه هاذا تسموه المتفتح
هو الذى يسمح لزوجته تلبس واش تحب اى حجاب مهما كان نوعه او ما ديرش الحجاب اصلا هاذا هو المتفتح


ههههههههههههه

الخدمه ؟؟؟؟؟؟؟؟؟؟؟؟؟؟ اصلا انتى ماكش راح تدى راجل موش خدام اصلا؟؟؟؟؟؟ هذا يخدم نهار و عشره راقد فى الدار هذا يسموه الرجل البطال

و للحديث بقيه

[allamallamallam]

المشاركة الأصلية كتبت بواسطة staifia

هههههه والله ضحكتني خاصة الصورة
ماتنساش تمضيلي تريكو ليا

حاب تلقا هادو الصفات كاملة في وحدة?????
في المنام ان شاء الله

يعنى ما كانش بنت حواء

مثل هاته الصفات

يعنى لا يوجد أمل

[*غزلان *]

المشاركة الأصلية كتبت بواسطة نارينا

-الشرط الاول...متدين

-الشرط الثاني....مثقف جدا ...

-الشرط الثالث ....له مركز مرموق

-الشرط الرابع.....له سيارة ومسكن مستقل ....

-الشرط الخامس....وسيم

-الشرط السادس .....متفهم ومتفتح ....

بالتوفيق للجميع ......موضوع جميل أخي وسيم

يا الأخت نارينا هدا كي تلقايه ديري عليه عملية نسخ
وسيم كيما تقول جدتي رايحة تديريه كادر في الحيط وقيل

[staifia]

المشاركة الأصلية كتبت بواسطة allamallamallam

يختى سطايفيه مره اخرى ما فهمتكش

المثقف سار هو الذى حنكته التجارب ؟؟؟؟؟؟؟ لكنه لم يقرا فى حياته كتاب ؟؟؟؟ هل هذا هو المثقف
ااذا انا جدى مثقف حسب تعريفك رغم انه لا يعرف الكتابه و القرآءه لكن تفكيره ناضج و عنده تجربه كبيره فى الحياة رحمه الله ....


متفتح موش معقد ؟؟؟؟؟؟؟؟ حسب ما فهمت من كلامك متفتح هو الذى طول ياكل شويه و يرقد شويه ؟؟؟؟؟ هههههههههههههه

رانى فاهمكم يا لبنات ورانى عارف مليح المتفتح عندكم وشيه ؟؟؟؟؟؟؟؟؟؟؟؟؟؟؟ يا حصراه رانا قارينكم مليح

اعطيك مثال على الرجل المتفتح مثلا هو الذى يسمح لزوجته دير شويه ماكياج حاجه خفيفه هاذا تسموه المتفتح
هو الذى يسمح لزوجته تلبس واش تحب اى حجاب مهما كان نوعه او ما ديرش الحجاب اصلا هاذا هو المتفتح


ههههههههههههه

الخدمه ؟؟؟؟؟؟؟؟؟؟؟؟؟؟ اصلا انتى ماكش راح تدى راجل موش خدام اصلا؟؟؟؟؟؟ هذا يخدم نهار و عشره راقد فى الدار هذا يسموه الرجل البطال

و للحديث بقيه

لاه انا قتلك يكون أمي جامي قرا حرف ولا كتب ؟؟؟؟؟؟؟؟؟؟؟؟؟ لاه وين رانا ؟؟؟
اقصد ليس هناك مشكل لو انا متخرجة من الجامعة وهو مثلا باكالوريا
انت لم تفهم مقصودي جيدا
المعقد كاين رجال يشربوا المرار لنسائهم معقدين يعني يديروا روحهم متدينين وعارفين شرع ربي و هما غالقين عليهم الباب و النافذة ما يخرجها ما يعطيها قيمتها ما يهتم بيها يدخل يعيط يخرج يعيط .... الشكـ قاتلو في الطالعة والنازلة
هذا برأيك مش معقد ؟؟؟
لالا ماراكمش فاهمينا خلاص .... الماكياج واللبسة لي راك تهدر عليها قبل ما نخاف من الرجل نخاف الله سبحانه
وقبل ما يجي الرجل لي يتزوج بيا ,,, وين كنت عايشة ؟؟؟ عايشة مع ابي واخوتي يعني رجال كاين لي يحكم فيا و الحمد لله تربيت على مبادئ راهي راسخة في ذهني ومستحيل نتجاوزها لأنو وحنا نكبروا قاعدين والديا يعرفونا معنى كل شيء ونعرفوا الحسن من السيء .
هذا قناعات و قبل ما نخمم في الرجل نستحي بيني وبين نفسي ... مش حتى يجي الرجل وباش نخاف منو
الحمد لله متربيين و بنات اصل وكبرنا بين رجال
وفي الاول والاخر هوالخوف من الله وحده اما بين الناس فهناك احترام وهيبة وتقدير وليس (( خـــــــوف))

ان شاء الله تكون فهمتني
تحيتي

[ouissamak]

السلام عليكم
راح نقولكم انا تجربتي
ماشرطت في زوجي لا جمال خارق ولا مال ولا جاه ولا مركز مرموق ولا سكن فردي
شرطت يكون قيسو قيس روحو يعني خدام وحافظ لكتاب الله ويكونلي نعم الزوج نترافدو في السراء والضراء
الحمد الله ما كبرتش كرشي وراني مهنية