مسابقة التوظيف في قطاع التربية لولاية سطيف

[بيلسان91]

المشاركة الأصلية كتبت بواسطة Adnou Eclypse

سلام عليكم
مساء الخير بيلسان
ايييييييه هادا وراء 73 قرن ميلادي باش تفكرتي حكاية الاقصاء واش هادا دارولك lavage de cerveau و لا فيروس نمامشة مازال حاكم فيك ؟؟ مهم ـ يخي انا جيت 4 في المتوسط و 8 في الابتدائي ، مع كاين جماعة مجاوش طلعوني ناجح و مبعد كاين لي طعن فيا بلي عندي ماستر مع اني ما حطيتوش في الملف و ما كتبتش في الايتمارة بلي عندي ، درتلهم سوق في لاكاديمي و جبت القانون من مديرية الوظيف العمومي العامة لي حاكمة دزاير كاملة ، هادا قانون يمدلي انا الحق ، يقولك المترشح تحاسبوا إلا على الوثائق لي قدمها في ملف الترشح هاو رابط https://www.djelfa.info/vb/showthread.php?t=1662441
كي شافوه تخلعو ، و شكيت لنائب المدير+ المسؤولين تاع اللجنة + مدير الوظيف العمومي ، و كتبنا للوزارة ـ الوزارة رجعولنا و قالو قضية تتفرز على مستوى ولايتكم ، مهم ، قعدو من ثم و هم يتمسخروا و هدا يبعني عند هدا حتان كرهت وجوههم ، و كرهت المنصب هدا شغل راح يدخلوني لnasa و يبعثوني لكوكب زحل و يعطيوني 99 مليار اورو في شهر ، مهم كرهت و زادت جاتنني convocation تاع العسكر ـ هداك هو كملت بلا بلا ، رحت للعسكر و نسيت قصتهم و قلت مرحبا بمكتوب ربي
و قبل ما نروخ للعسكر ـ باش يسكتوني عطاولي contrat بصح ما رحتلهاش ـ و هنا كملت القصة ، و عاش الجميع سعداء و ماتو الاشرار

والله تفكرت الحكاية تاع الاقصاء غير اليومين هادم برك
انتا كون تلقا استخلاف تقبل بيه ولا تسنا تدي كنترا خير
انا صباح كامل وانا نحوس من مؤسسة لمؤسسة وملقيتش حتى استخلاف يضهرلي رح ندير كنترا تاع لا داس ندي 900000 خير من ماكانش وخير مراني نسنا باطل
تفكرت كي سقسيت واحد لقيتو بالبيرو تاع كريبس على الكنترا وين عادت قلي فض وقتها الولاد بداو يقراو صايي يمنعاش لسبتمبر تاع العام الجاي
قلت انا في قلبي وكي بداو يقراو الاستاد هادا ميموتش ميمرضش هو قلي هك بش يطيشني برك
فما يخص نمامشة شكون قلك او عندو النساية?