يا اختي واش راحا تديري لازم تصبري هذا اختبار من الله تعالى ليك ولعايلتك كاملين علابالي كيما يقولو لحم بنادم ثقيلة بصح احملوا وربي يجازيكم
انا نحكيلك على دارنا وعلى امي بالذات من نهار تزوجت لقات بنت عم جدتي في دار العايلة وكنا ساكنين غير حنا وهي تما امراة كبيرة في السن وعايشة مع ماما وبابا وحنا كي خلقنا كبرنا معاها وهي تما يمكن عاشت معنا ثمان سنين او اكثر حتى مرضت وحكمت الشوكة وقامت بيها ماما وهزتها وهي حامل باخي اللي هو الرابع فينا وقبل ما تولد ماما ماتت الله يرحمها مع انها عندها عايلتها لي لازم تقوم بيها بصح بقات عندنا حتى ماتت
من بعدها بحوالي 5 سنوات توفي زوج عمتي وهي عجوز وماعندهاش اولاد ومع انها عندها من الاخوة والاخوات الكثير لكن الله ارادها ان تعيش معنا وجات عندنا وعاشت معانا 6 سنين كاملين حتان مرضت وما لقات غير امي تقوم بيها وقامت بيها حتى ماتت ربي يرحمها
وبعدها بمدة في سنة 2009 عمة ماما كبيرة في السن ومش متزوجة وهي لي ربات ماما مرضت وجبناها عندنا وقمنا بيها حتى ماتت بعد عام ونص ربي يرحمها
المهم الان كي نتفكروا باللي ماردينا حتى واحدة جات عندنا في حين الكل تهرب من المسؤولية نحسو بالرضا عن انفسنا وخاصة ماما على خاطر هي لي تعذبت معاهم وربي يجازيها ان شاء الله وابي الذي على الرغم من حالتنا المادية السيئة تقبل الكل بصدر رحب والحمد لله
ونزيد نقولك ماما والله مازالت لحد الان تجري بعد ما بابا مرض وتقصوا زوج رجليه مع انو مازال شاد روحو والحمد لله لكنها هي لي لازم تقوم بيه في كل صغيرة وكبيرة ربي يعطيها صحتها ويجازيها ويشفي بابا تاني و يطوللهم في عمرهم في زوج ان شاء الله
( تقرير عن مشاركة سيئة )، و الموجودة أسفل كل مشاركة .
2014-11-15, 12:02
العرض المتطور
