الجزء 95 ** من واش طيبتي اليوم ** - الصفحة 78

om wassim · 2014-10-31, 11:02

الله يسلمك ام سراج
انا غدايا بطاطا سوتي تاع الهام و سلاطة والحمد لله
حبيباتي قولولي الضغط تاعي لقيتو نازل 9/4 عادي ولا لا لا راني منقدرش نوقف الله يستر

ام سهام 02 · 2014-10-31, 11:08

المازة هذا هو المول لدرت بيه اساوير التمر في العيد

ام سهام 02 · 2014-10-31, 11:15

خياتي دائمة الحمد وام رحاب مابنتوش اليوم درتو لقراس ماتني ههههه جمعة مباركة

lyzzabel · 2014-10-31, 11:29

ام سراج حبيبتي صباحك سعادة و هناء و بصحتها عروستكم و نتوما يعطيكم الصحة و ربي يهني خوكم و يسعده ،، كي تهدرو على فراق العزاز ما يبقى فيا والو هردتوني اليوم راني عقبت سكرتي الحلوة ربي يجمعنا بأحب ابنا و اعزاءنا في جنات النعيم امين

ام سهام انا تاني راني هابلة على هداك المول مع ما نخرجش بزاف ما نطيحش فيه

ام وسيم انا تاني مين نكون بالحمل تنزلي 8 على 4 كولي مليح و اشربي الدوا تاع لانيمي و زيدي تاني les oligo-éléments يعاونوك بزاف ،، و بصحتكم المسفوف حبيبة

بصحتكم كامل واش طيبتو و مأكول الهنا

ميمتي ام رحاب اليوم ما بنتيش واقيلا جاوك الضياف كي العادة ربي يعاونك

حبيباتي لأكتب ربي من بعد نتلاقاو بإذن الله ،، صح فطوركم ،،،، سلااااااام

اللهم صل و سلم على سيدنا محمد

الأمنيات · 2014-10-31, 11:32

السلام عليكم وجمعه مباركه
غذايا شخشوخه تاع القمح

أم هبوبة · 2014-10-31, 11:33

ام وسيم الضغط بهادي المقاييس راه هابط شربي شوية لبن ولا ماء مع ملح يطلعلك شوية 9 شوية بصح 4هابط والضغط كي يهبط يعمل الفشلة و الدوخة الله يشافيك

mimimouni · 2014-10-31, 11:36

assalam 3alaykom . jomo3a mobaraka 3likom.
rani msafra fi setif.
fi dar khouya
lina rabi yarham mamak wad3ilha lyoum jomo3a rabi ya9bal sada9tak

أم ماجد · 2014-10-31, 11:38

السلام عليكم
غدانا مسفوف بالرايب والزبيب والرمان اممممممممم

وهاذي قرصة المدلل حفيظ لكن ماشي تاعي دارتهالو امي الله يحفظها باه يعود يحبها قاتلي رشوة
وزخرفتهالو كي رحنا البارح وقاتلو خير من تاع امك
لكن مااستعرفش رغم انه فرح بيها بزاف

*جوهرة الجنة* · 2014-10-31, 11:44

فطوري من قلب الحدث كما تقولوا

أم ماجد · 2014-10-31, 11:51

امنيات ياوقوت بصحتكم

ام سراج وملاك · 2014-10-31, 12:12

الامنيات + ياقوت + ميموني صح غداكم ويعطيكم الصحة اسمحولي نسيتكم في جريدة الصباح ماشي قصدي ننساكم راني نحبكم ربي لي عالم ان شاء الله تكون بالف خير وبصحتكم واش طيبتو
ام ماجد بصحتك المسفوف والكسرة راهي سخفتني شكلها روعة يعطيها الصحة امك ربي يحفظهالك
ليزا شكراااااااا ياسكرة شكراا ان شاء الله ربي يهنيه ويكملو ونطمنو عليه وربي يصبرنا على فراق الاحباب انا ليوم مرحتش زرتهم لتيت نوجد لخويا معليهش يامات ربي بزاف
انا غدايا ليوم بربوشة كالعادة نخليكم مالا حبيباتي اتهلاو في رواحكم انا رايحة عند اختي باش نروحو مع بعضانا والكوزينة كوزينتكم نوروها بطيابتكم وحلوياتكم لي تشهي

*جوهرة الجنة* · 2014-10-31, 12:23

السلام عليكم جميع توحشتكم بزااااف وااااع حتي وحدة متفكرتني وااااااع ان شاء الله راكم بخير كل وحدة باسمها موااااح ليكم

*جوهرة الجنة* · 2014-10-31, 12:26

ام ماجد ياااااطبوزة السفوف مممممم اشهي لبنات واش بيه المنتدى راه ثقيل مام نت يبلع فيها بليع يكل بزاف نت ويثقل لي باج لخرين

om wassim · 2014-10-31, 12:26

ام هبوبة ربي يحفظك
ام سراج،ام ماجد،ياقوت،الامنيات صح فطوركم
هذا غدايا و البطاطا تاع الهام جات رووعة الله يحفظها

ahla tita · 2014-10-31, 12:27

صباح الخييرلبنات وشراكم لاباس. صح فطوركم اليوم فطوري بربوشة وسلاطة زرودية وديسار والحمد لله واسمحولي راني مندخلش بزاف عيانة شوية مع الحمل ربي يسلكناعلى خير