راني مفتون

[مريم الصابرة]

المشاركة الأصلية كتبت بواسطة dinho

أختي مريم أنا مارانيش ضامن الجنة بصح نطمع في ربي والحمد لله انا محافض على صلاتي وحاكم حدودي مع الله

وعندي حاجة هي التي بادن الله نطمع دخلني للجنة الا وهي رضى الوالدين

وقضية اعراض الناس انا لم أقع في اعراض الناس الله يهديك

انا قلت للاخ ان اكتر اهل النار هن النساء لانهن كاسيات عاريات ولا يتمسكن بتعاليم الاسلام

ونزيدك حاجة اختي مريم انا راني نتكلم على النساء السافرات المتبرجات فهل انت واحدة منهن ولمادا تعلقين دائما على كلامي

روحي تعلمي دينك اختي مريم وسلكي روحك من جهنم

السلام عليكم اخي
وشكن ماراهش طامع في ربي نحن نعرف حدود الله كما تعرفها ولكن يا اخي إمام مسجد وماراهش عارف روحو كان يدير غلطة فآخر حياتو ويديه فعلو لجهنم نحن نطمع في مغفرة الله ولكن ما نتزاهروش إنو رانا ملائكة يا اخي إنت في عوض في كل رد تقول النساء من اهل جنهم وسبحان الله ملح عليها وتعاود كانو خلاص عارفهم كلهم يدخلوها معناها امك وزوجتك وختك معانا لانهن نساء او هن مرفوع عليهن القلم يا اخي انا اقتبس ردك لانك ولا مرة قرأت لك رد تدعو فيه بالهداية ابدا دائما متشائم وليت وين نشوفك نشوف جهنم النصيحة مش بالهجوم او سب اعراض الناس
انا مرا كيما نسا اما متبرجة او لا هذا امر يخصني الحمد لله هناك من البنمات من إلتقت بي وتعرفني الحمد لله حجابي شرعي وساترة روحي ونقدر نمد عنواني للجميع ويسألو عليا الحمد لله رافعة راسي ومصدر فخر لأهلي وعندك الحق تشك لدفاعي يا اخي إنت وصاحب الموضوع وآخرون ماراناش نقولو كلامك خطأ رانا قلنا حنا نسا ونحشمو من العري والتبرج واللي راع يجرا كارثة في المجتمع من فساد ولكن انا ضد طريقتكم الشتم والسب وقذف بنات الناس مش الحل علاه تحكمو على كل النساء من خلال وحدة حنا واش ذخلنا فاللي تبرجت علاه تدونا بذنبهم هذا فقط سبب إقتباسي لردودكم لا علاقة له بشخصي ولا بشكلي وهنا انت ناقش افاكر ولا تنقاش شكلي
اما نروح نتعلم دينك وإنت واش راك دير هنا راني نستفاد منك كل مرة وزيد روح صلي وقوم الليل مش تجي تسهر فالمنتدى وتحكي على البنات لو تقدم نصيحة اخي الفاضل قدمها بأسولب محترم وصدقني سنكون من اول من يوافق على رودك
اتمنى لن يكون الإحترام عنوان نقاشنا فليس لدي شيء ضدك ولا أنت ضدي هي افكار نحاول تصحيحها
وكلنا محتاجون تعلم ديننا انا وأنت وكل الامة العربية لانو في وقت أطفال غزة يموتو بالجوع ونسا تتعرض للإعتداء وحرقو احياء نتوما هنا تجاهدو عندنا بالهدرة فهل هكذا تعرف دينك
شكرا ونصيحتك والله تقبلتها فكيف لا وانت تدعوني لتعلم ديني وهاته نعم النصبحة فبارك الله فيك وشكرا