الجزء93 من واش طيبتي اليوم...معا لنسلك طريق السعادة - الصفحة 43

ام سراج وملاك · 2014-10-15, 21:37

لبنات مبروك لجزائر وهاهو الباروك

om wassim · 2014-10-15, 21:37

اقتباس:

المشاركة الأصلية كتبت بواسطة حيهتى كلها امل

تعيشو حبيباتى دوقكم الاروع وانتم الاروع
ام وسيمو ان شاء الله نحطلك الوصفة تعرفي جات تحفة

تبان تحفة ما شاء الله راني نستنى فالوصفة سي السيد يحب السلق بزاف حتى انا هكا نبدلو شويا

أم ياسين الزهراء · 2014-10-15, 21:38

اهلا بالحبيبة طليت علينا مبرووووووووووووووووووووووووووووك العودة الله يخليك

ام وسيم كيك يارا هايل وناشف وريلنا المول اللي طيبتي فيه ونضن المغرف ماعمرتيهاش مليح الفرينة

ام سراج وملاك · 2014-10-15, 21:38

اقتباس:

المشاركة الأصلية كتبت بواسطة om wassim

تبان تحفة ما شاء الله راني نستنى فالوصفة سي السيد يحب السلق بزاف حتى انا هكا نبدلو شويا

حتى انا ام وسيم نحب السلق لاحبيتي نحطلك الوصفة لي عندي انا نديرها بلابات بريزي تجي بنينة بزاف ونتاعها بانتلي ماشي بلابات بريزي

om wassim · 2014-10-15, 21:47

اقتباس:

المشاركة الأصلية كتبت بواسطة ام سراج وملاك

حتى انا ام وسيم نحب السلق لاحبيتي نحطلك الوصفة لي عندي انا نديرها بلابات بريزي تجي بنينة بزاف ونتاعها بانتلي ماشي بلابات بريزي

غير حطي نسييهم بين زوج السي السيد يضل يجيبلي فالسلق حتى مانلقاش واش ندير بيه

هكا منكرهش منو

om wassim · 2014-10-15, 21:52

اقتباس:

المشاركة الأصلية كتبت بواسطة أم ياسين الزهراء

اهلا بالحبيبة طليت علينا مبرووووووووووووووووووووووووووووك العودة الله يخليك

ام وسيم كيك يارا هايل وناشف وريلنا المول اللي طيبتي فيه ونضن المغرف ماعمرتيهاش مليح الفرينة

صح عندك الحق ما عمرتش المغرف مليح هههههه المشكل فيا نعاود نسييه بصح الفرن شحال درتو الحرارة ديالو
يعطيك الصحة على النصيحة

حياتي نبع امل · 2014-10-15, 21:52

ام سراج لابات ماشي بريزي لالا ومافيهاش لحم مرحى انا عندى عائلة نباتية مايحبوش اللحم بزاف لازم ينساوه باه تعاودى طيبيه

راحا نحطها بادن الله بالتفصيل

nari21 · 2014-10-15, 22:07

اخواتي في الله من فضلكم اطلعو على موضوعي فانا في غبينة كبيرة والله قريب نهبل ارجو منكم المساعدة ولو بشيء بسيط من فضلكم انا اترجكم والله عييت وملقيتش لي يساعدني ربي يخليكم واجركم على ربي
عنون موضوعي بعد تردد كبير في قسم المشاكل الاجتماعية

ام سراج وملاك · 2014-10-15, 22:11

مايكون غير خاطرك حنونة حتى انا نحب السلق ونشتي اطباق نتاعو
تارت السلق
الوصفة هي اول حاجة ديري عجينة بريزي حسب الكمية لي رايحة نديرها انا نديرها في صينية دائرية متوسطة وساعات نديرها في لمول نتاع التارتولات الصغار
كي نديرها في صينية متوسطة ندير 500غ فرينة مع 250غ زبدة اي نوع وحبة بيض وملح ومغرف كبيرة سكر احرش وتزيدي شوي ماء بارد وتعجنيها بيدك ماشي مليح تلميها وديريها في الثلاجة تريح ربع ساعة او تقدري ديري اي عجينة بريزي تحبيها
ناخذ كمية من اللحم ونقليها في الزيت مع البصل والثوم شوي ملح وفلفل اسود ونضيفلها شوي معدنوس ونزيد فيها سلق مغسول ومفور ومقطع صغير ونقليهم مليح
نزيد نطيب البيشاميل مغرف كبيرة زبدة مع 2 مغارف كبار فرينة في طاوة ونحرك مليح ونضيف لحليب نصف لتر ونحرك على نار قليلة حتان تخثار نطفي عليه ونزيد سنة ثوم وشوي فلفل اسود وملح وفرماج مثلثات الكمية لي تحبيها
نحط لعجينة نتاعي في المول ونحي شوي من العجين بجهة نديرها شرائط طوال نحط الحشو نتاع السلق واللحم المرحي فوق لعجين لي في الصينية ونزيد فرماج مثلثات الكمية لي تحبيها ومن فوق بيشاميل وفرماج رابي وندير شرائط نتاع العجين باتجاهات معاكسة وندهنهم بصفار بيض مخلط مع شوي قهوة طايبة
اذا مفهمتيش اي حاجة قوليلي الاشرطة ديريهم كيما لي في الصورة نتاع حياتي كلها امل

حياتي نبع امل · 2014-10-15, 22:11

اقتباس:

المشاركة الأصلية كتبت بواسطة ام سراج وملاك

يعطيك الصحة خرجلك كلشي تحفة هاذي غراتان نتاع السلق وبيشاميل ولحم مرحي ولا راني غالطة ممكن الوصفة حبيت نشوفها كيما نتاعي ولالا انا نديرها بلابات بريزي بصح نتاعك بنتلي زي جاتني تبان خفيفة يغطيك الصحة على الديسار عينيه درتيهم بالقرنفل وفمو باش درتيه

عينيه قرنفل وفمو نوازات هههههههه

ام سراج وملاك · 2014-10-15, 22:14

اقتباس:

المشاركة الأصلية كتبت بواسطة حيهتى كلها امل

ام سراج لابات ماشي بريزي لالا ومافيهاش لحم مرحى انا عندى عائلة نباتية مايحبوش اللحم بزاف لازم ينساوه باه تعاودى طيبيه

راحا نحطها بادن الله بالتفصيل

راني نستنا في الوصفة نتاعك لعجينة تبان خفيفة يعطيك الصحة خلينا نبدلو شوي كيفاه درتي مع العائلة النباتية نتاعك في العيد وقيلا شريتيلهم الدجاج

ام سراج وملاك · 2014-10-15, 22:15

اقتباس:

المشاركة الأصلية كتبت بواسطة حيهتى كلها امل

عينيه قرنفل وفمو نوازات هههههههه

راكي وحدك يعطيك الصحة كشما جديد متبخليش علينا

حياتي نبع امل · 2014-10-15, 22:16

اقتباس:

المشاركة الأصلية كتبت بواسطة ام سراج وملاك

مايكون غير خاطرك حنونة انا نحب السلق ونشتي اطباق نتاعو
تارت السلق
الوصفة هي اول حاجة ديري عجينة بريزي حسب الكمية لي رايحة نديرها انا نديرها في صينية دائرية متوسطة وساعات نديرها في لمول نتاع التارتولات الصغار
كي نديرها في صينية متوسطة ندير 500غ فرينة مع 250غ زبدة اي نوع وحبة بيض وملح ومغرف كبيرة سكر احرش وتزيدي شوي ماء بارد وتعجنيها بيدك ماشي مليح تلميها وديريها في الثلاجة او تقدري ديري اي عجينة بريزي تحبيها
ناخذ كمية من اللحم ونقليها في الزيت مع البصل والثوم شوي ملح وفلفل اسود ونضيفلها شوي معدنوس ونزيد فيها سلق مغسول ومفور ومقطع صغير ونقليهم مليح
نزيد نطيب البيشاميل مغرف كبيرة زبدة مع 2 مغارف كبار فرينة في طاوة ونحرك مليح ونضيف لحليب نصف لتر ونحرك على نار قليلة حتان تخثار نطفي عليه ونزيد سنة ثوم وشوي فلفل اسود وملح وفرماج مثلثات الكمية لي تحبيها
نحط لعجينة نتاعي في المول ونحي شوي من العجين بجهة نديرها شرائط طوال نحط الحشو نتاع السلق واللحم المرحي فوق لعجين لي في الصينية ونزيد فرماج مثلثات الكمية لي تحبيها ومن فوق بيشاميل وفرماج رابي وندير شرائط نتاع العجين باتجاهات معاكسة وندهنهم بصفار بيض مخلط مع شوي قهوة طايبة
اذا مفهمتيش اي حاجة قوليلي الاشرطة ديريهم كيما لي في الصورة نتاع حياتي كلها امل

بارك الله فيك
اما على العائلة النباتية لالا ذبحنا الحمد لله بالصح منين داك نديرلهم اللحم ومانطيبش بزاف صدقتو ولله الحمد قريب كامل ومازال ماخلاصش
وحتى الدجاج ماعندهم حاجة بيه ادا محمر ممكن اما طواجن ولا ؟؟؟؟؟؟؟؟؟؟؟ عياونى

ام سراج وملاك · 2014-10-15, 22:19

اقتباس:

المشاركة الأصلية كتبت بواسطة nari21

اخواتي في الله من فضلكم اطلعو على موضوعي فانا في غبينة كبيرة والله قريب نهبل ارجو منكم المساعدة ولو بشيء بسيط من فضلكم انا اترجكم والله عييت وملقيتش لي يساعدني ربي يخليكم واجركم على ربي
عنون موضوعي بعد تردد كبير في قسم المشاكل الاجتماعية

اختي مشفتش سؤالك من قبل ممكن الرابط بلاكش نقدرو نعاونوك

ام سهام 02 · 2014-10-15, 22:22

البركوكس :
قطع لحم + حبة بصل كبيرة مرابية . ديريها تتقلا ثم ضفي الملح و الفلفل الاسود و فلفل عكري و قرفة و ديريهم يتقلاو + حوالي 5 حبات طماطم مرابية + 2 مك طماطم مصبرة + 3 حبات جزر+ 1 لفت + 1 كورجات + كمشة حمص + كمشة جلبانة + ربطة قصبر (الدبشة) و مرقي بالماء حتى تتغطى كامل الخضر و غلقي عليها و خليها تطيب كتشوفي اللحم تاعك طاب انزعي الكورجات و اللفت و الجزر و اطحنيهم و رجعيهم للمرقة و انزعي الربطة القصبر و قطع اللحم و غرفية مرقة و زيدي للكوكوت الماء و الملح (حسب الذوق) و راس الحانوت و كيتشوفي المرقة تغلي ضفي البركوكس ليكون مشلل و مدهون بالزيت و خليه يطيب و مرة على مرة خلطي حتى تشوفيه طاب . رجعي اللحم و المرقة