واش طيبتي اليوم?الجزء92 كواليس عيد الاضحى*** - الصفحة 85

باسم وبيسان · 2014-10-11, 15:55

اقتباس:

المشاركة الأصلية كتبت بواسطة lyzzabel

ام باسم سقسيتك هنا فالكوزينة مي ماعليش يحسن عونك واقيلا كنتي مريضة عليها ما شفتيش سؤالي

ايماااان ذاكرتي خطرات تلعبها بيا و ما نعقلش حتى نبدأ نكتب بالرد و نعاود نراجع و ندير تعديلات خخخخخخ و لوكان جات تتسلف لوكان سلفت لك منها شوية هههههه ،، اصبري عليا شوية درك نكتبلك الوصفة من عيووووني

بيبة اوكي تكرمي شوية و نحطلك الوصفة حبيبتي

سمحيلى حبيبتى والله ماشفتها كنت مريضة ما قريتش الصفحات بوكل لقيتهم بزاف :d

فانيسا · 2014-10-11, 15:56

السلام عليكم ممكن اخواتي تفيدوني بطريقة تحضير كريمة الموز لاني نحب الكريمات الباردة ونحب نوع فيها وعندي موز وحابة ندير بيه ديسار كريمة باردة

أم ماجد · 2014-10-11, 16:07

اقتباس:

المشاركة الأصلية كتبت بواسطة أم أنيس تاج

ام ماجد مساء الواش جابها للادب خير قبيل شفت بنتى تكتب فى موضوع ادبى ومكتوب فيه ام ماجد ومافهمت فيها والو قلت لها هدى ام ماجد انتاع الطبخ واش جابها للادب ولحد الان ماني فاهمة والو

lyzzabel · 2014-10-11, 16:11

بيبة تفضلي حبيبتي وصفة قاتو الطبقات بالنواة كوكو ساهل و بنين

كاين مرحلتين
مقادير الطبقة الاولى : 4 حبات بيض كبار ،، 200 غ سكر عادي او ما يعادل كاس تاع ماء ،، فانيلا ،، 250 غ مارغرين ذايبة و باردة ،، كيس خميرة الحلويات و فرينة مغربلة حسب الحاجة ،، علبة معجون المشمش تاع 500 غ
نخلط المقادير بالترتيب و نضيف الفرينة غير بالشوية حتى نتحصل على قوام كيما تاع الموسكوتشو او البيسكوي يعني تكون العجينة جارية شوية ،، نفرغها في صينية مدهونة و مرشوشة بالفرينة قطرها 40 سم و نسويها بالملعقة و ندخلها للفرن على درجة 170 و نطيبها نص طياب يعني لازم تبقى بيضا
في هداك الوقت نحضر الطبقة الثانية لي فيها : 4 حبات بيض ،، 200 غ سكر ،، فانيلا ،، 250 غ مارغرين ذايبة و باردة ،، كيس خميرة الحلويات و 250 غ نواة كوكو
نحضر الخليط بنفس طريقة الطبقة الاولى فقط نعوض الفرينة بالنواة كوكو و نخلط جيدا
لما نخرج الصينية مالفرن نفرغ المعجون تاع المشمش على الطبقة الاولى و نغطيها كامل ،، راح نستعمل تقريبا العلبة كاملة و نزيد نفرغ على المعجون خليط الطبق الثانية و نغطي كامل الوجه و نرجعها للفرن على نفس درجة الحرارة و نخليها تطيب حتى نشوفها حمارت من فوق نعرفها بلي طابت ،، نخرجها و نخليها تبرد شوية و نرشها بطبقة سخية من السكر الرطب و نخلي القاتو يبرد ملييييح و نقطعه مقروظات صغار شوية او مربعات ،، هاد القاتو لذييييييذ و خفييييف و يقطع بزاف ،، و لي تبغي تدير في صينية صغيرة تدير نصف المقادير و شهية طيبة مممممممم

ladymillion · 2014-10-11, 16:16

ليزا حنونة بارك الله فييييييييييييييييك وربي يجعلها في ميزان حسناتك أكيييييييييييد نجربو ان شاء الله

صح قهوتكم حبيباتي راني نشرب في قهوة برك شكون تجيبلي قاطو خخخخ

lyzzabel · 2014-10-11, 16:23

ايمان و فيك بارك الله حبيبتي ،، راه باقيلي الكروكي ارواحي تتقهوي معايا

و عليكم السلام و رحمة الله و بركاته ،، مرحبا بك اختي فانسيا ،، واش من كريمة تقصدي و ولاش بغيتي تستعمليها باش نقدرو نساعدوك حبيبة

biba04 · 2014-10-11, 16:23

بارك الله فيك ليزا استناي تطبيقي في اقرب وقت نجربو باين هايل
ليدي راني خليت مسكوتشو فالصفحة لي فاتت روحي هزي قبل لاتخلص هههههه

باسم وبيسان · 2014-10-11, 16:24

اقتباس:

المشاركة الأصلية كتبت بواسطة أم ماجد

ام ماجد انا تانى مافهمت والوووو

lyzzabel · 2014-10-11, 16:27

خلاص بيبة نستنى تطبيقاتكم نتيا و ايمان ردو بالكم راهم كاينين الشهود ههههههههه و فيك بارك الله حبيبتي

Aya69 · 2014-10-11, 16:32

السلام عليكم من فضلكم حبيباتي أدعو للغالية ام اناس راهي مريضة وتعبانة ومبقالهاش باع تولد ربي يشفيها ويعطيها وقفة ساهلة ان شاء الله

باسم وبيسان · 2014-10-11, 16:34

اقتباس:

المشاركة الأصلية كتبت بواسطة lyzzabel

طير الرحمة فعلا حلويات راءعة لكن للأسف ما عنديش الوصفة لي راكي تحوسي عليها

داءمة الحمد يا عمريييييي على هاذيك العمر ناكلها مشي نبوسها بسم الله ما شاء الله راهي تكبر يا عمري ربي يحفظها و يخليها لماماها و جداتها و بصحتها عيدها الاول ،، و لي قاتو روووعة يعطيك الصحة انا اكثر حاجة نبغيها الغريبية مممممم

المبتدءة واااااو صابلي البيضة فييييييييلم الله يبارك و قاع لي قاتو تحفة يعطيك الصحة و عيدك مبروووووك

باسم و بيسان راني على شي بيبا نقوللها بيبا ههه ،، و بيبا مولات الكوزينة علابالي بلي زيدت عندها مدة كنت نتبع أخبارها هي و الحوامل وحد الوقت ،، هههه تشابه في الأسماء و شكرا حبيبتي على الاهتمام ،، حقا قوليلي شكون لي ربح فالمسابقة تاع الصبيان انشالله ولدك خاطرش يهبل الله يبارك ،، ربي يحفظه ،، اييييه و ما قلتيليش لاكان وصلاتك رسالتي هداك النهار :d

انى حوست لقيتووو اخيييرا:d:d:d:d:d للاسف مادهاش باسم داتها الطفلة ملك لاكان مزلت تشفاى عليها بصح بق حتى لنهائى

lyzzabel · 2014-10-11, 16:36

و عليكم السلام و رحمة الله حبيبتي أية ،، ام انوستي غير الصباح تواصلت معاها و كانت لاباس عليها ،، ربي يشفيها و يسهل عليها الولادة و يقومها بالسلامة اللهم اميييين ياااارب العالميييين

Aya69 · 2014-10-11, 16:36

لبنات من فضلكم رايحة ندير بسكوي رولي لاول مرة كاش نصائح
وش عشاكم انا راني روبوا تهنيت زوج معروض غير بني نديرلوا حاجة خفيفة وخلاص

lyzzabel · 2014-10-11, 16:38

اقتباس:

المشاركة الأصلية كتبت بواسطة باسم وبيسان

انى حوست لقيتووو اخيييرا:d:d:d:d:d للاسف مادهاش باسم داتها الطفلة ملك لاكان مزلت تشفاى عليها بصح بق حتى لنهائى

كنت حاسبة البنات وحدهم و الاولاد وحدهم ،، ماعليش ربي يحفظهم كامل و يخليهم لوالديهم و يخليلنا وليداتنا و يبعد عليهم كل سوء امييييين

لبنات قولولي واش عشاكم انا راني هاك و ما نبغيش نديرلهم اللحم فالفطور و العشا حفاظا على الصحة

Aya69 · 2014-10-11, 16:39

ليزا حبيبتي قاتلي راهي تعبانة وبلاك حساب مفهمت راهي مقريبية ربي يشفيها ويسلكها على خير ان شاء الله