واش طيبتي اليوم?الجزء92 كواليس عيد الاضحى*** - الصفحة 69

لينا11 · 2014-10-10, 10:05

اقتباس:

المشاركة الأصلية كتبت بواسطة x ام رحاب x

لينا شميت ريحتك ادخلت واش راكي يالعزيزة وكواليسك هايلين وبصحتك وعلاش تحرمينا من شوفتك والله رانا نتوحشوك عزيزتي

ياحنونتي ام رحابو العزيزة واش راكي وواش صحتك ان شاء الله رتحتي
حنونة الله غالب راني مع كردي يفهم في كل شيء مع يشوف ميكرو يلصق فيه وروحي انتي وزحزحيه من ثم
درت كل شيء والو الكردي حسب روحو انفورماتيسيان كل يوم يفسد فيه حاجة
ضرك نكتب ولاصق فيا ننوض يخدم فيه خخخخخ نهار يسهل ربي ونشري واحد ليا وحدي وماهيش مضمونة ليا وحدي خخخخخ

لينا11 · 2014-10-10, 10:10

حقا ام رياحين هاوليك طلبك
المهم هاكي قستهالك

ام نوردين · 2014-10-10, 10:14

اسمحولى لبنات راجعت خفيف كون نكمل يروح الحال المهم شفت حلوييات ام ريمة وام ساجد روعة الله يبارك عصبانة ام ماجد تتهناي حنونة كواليس لينا احلى كواليس وربي يشافيك ان شاء الله
جيادا ربي يقدرك على فعل الخير خليك بحداها ووالماكلة ديريلها من الى طيبتى عادى لانو في مثل هادى المواقف كي تشوفك جنبها اكثر شئ راح ريحها لانو الغربة صعيبة وزيد فقدان الاخ صعيبة بزاف ربي يكون معاها ويصبرها مسكينة
ام رحاب صبحك الله بانوار النبي ويسقسى عليك الخير رانا كيما حب ربي تعيشى حنونة

ام نوردين · 2014-10-10, 10:18

اقتباس:

المشاركة الأصلية كتبت بواسطة om wassim

لينا رووعة شهيتينا بصحتكم
انا فطوري اليوم حوت و سردين بالدرسة سي سيد صيدهم و قالي لازم نفطرو بيهم
اللهم ادمها نعمة و احفظها من الزوال

مرحبا بيك معانا حنونة وبصحتك الحوت والسردين بدلى اليوم الريحة من ريحة اللحم لريحة الحوت بصحتك

chez biba · 2014-10-10, 10:18

ام وسيم بصحتكم الحوت frais تاكلوه بالصحة صوري وخبي كي تلحقي عدد المشاركات حطيلنا تصاورك

غدانا اليوم لوبيا راهي طابت والحمد لله

chez biba · 2014-10-10, 10:22

اقتباس:

المشاركة الأصلية كتبت بواسطة لينا11

ياحنونتي ام رحابو العزيزة واش راكي وواش صحتك ان شاء الله رتحتي
حنونة الله غالب راني مع كردي يفهم في كل شيء مع يشوف ميكرو يلصق فيه وروحي انتي وزحزحيه من ثم
درت كل شيء والو الكردي حسب روحو انفورماتيسيان كل يوم يفسد فيه حاجة
ضرك نكتب ولاصق فيا ننوض يخدم فيه خخخخخ نهار يسهل ربي ونشري واحد ليا وحدي وماهيش مضمونة ليا وحدي خخخخخ

لينا رانا كامل كيف كيف

انا ثاني بنتي كي تحكم الطابلات غير ننسى ولا حتى نكلحها بحاجة وإذا ماهيش هي باباها نلقى راحتي غير كي ما يكونو ش في الدار

ام سراج وملاك · 2014-10-10, 10:32

صباح الانوار حبيباتي ليكم وحشة وجمعة مباركة للجميع حبيت نطل عليكم اليوم قبل منروح راني معروضة عند عجوزتي نقلكم صح غداكم كامل وكي نجي راني نراجع دروسي هههههههههههه ضك لازم نشفى على رقم الصفحة

om wassim · 2014-10-10, 10:34

اقتباس:

المشاركة الأصلية كتبت بواسطة ام نوردين

مرحبا بيك معانا حنونة وبصحتك الحوت والسردين بدلى اليوم الريحة من ريحة اللحم لريحة الحوت بصحتك

الله يسلمك ام نوردين صح انا مع الوحم كرهت ريحة اللحم نبدلو شويه:d

أم ماجد · 2014-10-10, 10:34

اقتباس:

المشاركة الأصلية كتبت بواسطة ام سراج وملاك

صباح الانوار حبيباتي ليكم وحشة وجمعة مباركة للجميع حبيت نطل عليكم اليوم قبل منروح راني معروضة عند عجوزتي نقلكم صح غداكم كامل وكي نجي راني نراجع دروسي هههههههههههه ضك لازم نشفى على رقم الصفحة

بصحتك وماننسايش الصور :d:d:d

أم ضياء عبد الرحيم · 2014-10-10, 10:36

ام وسيم ام هديل ام رحاب ام ماجد بيبا ام نور الدين شكرا ليكم حبيباتي على النصائح ان اشاء الله ربي يقدرنا على فعل الخير
ام ماجد نصور قبل ما نروح لازم نحط الكواليس:d
المبتدئة عيد ميلاد سعيد كل عام و انت بخير
لينا ما شاء الله كلش فوووووووووور تسلم الايادي
نروح نجيب ولدي من المدرسة من بعد ان شاء الله سلام

om wassim · 2014-10-10, 10:37

اقتباس:

المشاركة الأصلية كتبت بواسطة chez biba

ام وسيم بصحتكم الحوت frais تاكلوه بالصحة صوري وخبي كي تلحقي عدد المشاركات حطيلنا تصاورك

غدانا اليوم لوبيا راهي طابت والحمد لله

الله سلمك يجي بريحة بحر مممم
بصحتكم بيبا اللوبيا نموت عليها

السيدة كرمين · 2014-10-10, 10:43

صباح الخيرات ياحراير

جمعه مباركة

ام نوردين · 2014-10-10, 10:49

غيرتونى لبنات كامل معروضين غير انا ماعرضنى حتى واحد واش رايك دائمة الحمد تعرضينى لعرس بنت خوك ولا تدينى ام ماجد معاها ولا انجيكم وحدة وحدةههههههه رانى غير نضحك انا بعيدة على دارنا وعندى واحد من اواتى الدكور يسكن قريب ليا وجامى عرضنى العكس هو يجب مرتو واولادو وكل مرة يجو ينحو عندى الضيقة وانا لا لا حتى يوم امس عرض زوجى للعشا وانا ماعرضنيش قالو زوجى العرضة ليا وليهل قالو انت برك مافهمت والو بلاك بعض الاخوات يقولو ان مانيش مليحة مع مرتو بالعكس هى بنت عمى وماكنش حاجة ماعلمتهالهاش وماكانش حاجة مخدمتها سيرتو من المنتدى ومابعثتلهاش منها ووريتهالها على العموم كى تحصل تلقانى انا المهم طولت وخرجت على الموضوع بصحتكم العرضات واللهم لاحسد ربي يهنيكم
هادى حرقة في قلبي منين توفى بابا الله يرحمو العام الي فات ماعد طل عليا حت واحد مع انى عندى خاوتى عندى عمامى واخوالى ولا واحد تفكرنى بالمناسبة هادا الشعور قلتولكم غير ليكم قدام زوجى وابنائى نتصرف عادى ودايما نخاق اعذار لعدم زيارتهم لي بصح كاينة حاجة يتفكرونى غير في الصيف علجال البحى ويبعثولى اولادهم المهم الحكاية طوياة واسمحواى قلقتكم وخرجت على الموضوح
حسبي الله ونعم الوكيل

chez biba · 2014-10-10, 11:04

ام نوردين حبيبتي ربي يعوضلك خير في اولادك ان شاء الله، الانسان الطيب دايما هو اللي يصر ابو هكذا مبصح كوني انتي دايما خير منهم وما تقطعيش صلة الرحم واجرك عند ربي هو خير من كلش، تلقاي في البراني وما تلقايش في الأقارب ربي يفرج عليك وعلى كل المؤمنين يارب

السيدة كرمين · 2014-10-10, 11:08

بكيتيني ام نوردين

تعيشي ماديري شئ في بالك الدنيا راهي فانية
لعيب فيهم وديري في بالك انه معضم العايلات لكل ولات هك فسدتها النسا ولحسابات المادية
هات المصلحة وين تكون يكونوا ديري لقيمة لروحك وماتهبطي نيفك وماتبرري لحتى واحد
لي يقصدك ماتغلقي لباب في وجهوا واعرفي كيف تتصرفي برك

ربي وقلبي معاك