واش طيبتي اليوم?الجزء92 كواليس عيد الاضحى***

[lyzzabel]

المشاركة الأصلية كتبت بواسطة بصيرة2

السلام علكم اخواتي وصحححححححححححححح عييدكم كامل
والله ايبارك في موائدكم واطباقكم راكم 444444444444444444444
حبيت نسقسيكم على العصبانة اعطيولي طريقتها لو سمحتو وباش تحشيوها انا جامي طيبتها وشكرا

و عليكم السلام و رحمة الله و بركاته و صح عيدك نتيا تاني و كل عام و انت بخير
العصبان نديرو فيه تقريبا كلشي هههه ،، الكرشة تنحي منها شوية و تخلي لي تعمريها طبعا بعدما نكرطوها و نحولها كاااامل الطبقة البنية او الرمادية ،، و الرئة و المصارين و طلاقة النسا هههههه و ووووو ،، طريقتي كالتالي :
نغلي كامل الحوايج لي ذكرتهم فالما و الملح عشر دقائق و نصفيهم و نخليهم يقطرو ،، نقطعهم بالمقص او الموس ما يهمش الحجم و نحطهم فالروبو و نرحييييهم احسن من اني نقطعهم بالمقص و ما كانش لي تشد معايا و زيد يوجعوني يديا و صباعي ،، و مشي نرحيهم حتى يولو حريرة لا ،، نحطهم في إناء و نضيفلهم بصلة مقطعة رقيق و سنات ثوم رابي و راس الحانوت و فلفل اسود و فلفل احمر حلو و شوية كمون راه يمد بنة سحرية للخليط و شوية روز مشي بزاف و قصبر و معدنوس مقطعين رقيق و نخلط كلشي مليح و نعمر الكرشة نخلي مساحة فارغة خاطرش غادي تتكمش فالطياب و الروز تاني ينتفخ لازم تطلعي حسابهم و نخيطهم ،، نطيبو بيهم المرقة تاع الطعام و البركوكس يجي روووووووووعة و نديروهم تاني مع الجواز ،، بالتوفيق حبيبتي

[بصيرة2]

المشاركة الأصلية كتبت بواسطة lyzzabel

و عليكم السلام و رحمة الله و بركاته و صح عيدك نتيا تاني و كل عام و انت بخير
العصبان نديرو فيه تقريبا كلشي هههه ،، الكرشة تنحي منها شوية و تخلي لي تعمريها طبعا بعدما نكرطوها و نحولها كاااامل الطبقة البنية او الرمادية ،، و الرئة و المصارين و طلاقة النسا هههههه و ووووو ،، طريقتي كالتالي :
نغلي كامل الحوايج لي ذكرتهم فالما و الملح عشر دقائق و نصفيهم و نخليهم يقطرو ،، نقطعهم بالمقص او الموس ما يهمش الحجم و نحطهم فالروبو و نرحييييهم احسن من اني نقطعهم بالمقص و ما كانش لي تشد معايا و زيد يوجعوني يديا و صباعي ،، و مشي نرحيهم حتى يولو حريرة لا ،، نحطهم في إناء و نضيفلهم بصلة مقطعة رقيق و سنات ثوم رابي و راس الحانوت و فلفل اسود و فلفل احمر حلو و شوية كمون راه يمد بنة سحرية للخليط و شوية روز مشي بزاف و قصبر و معدنوس مقطعين رقيق و نخلط كلشي مليح و نعمر الكرشة نخلي مساحة فارغة خاطرش غادي تتكمش فالطياب و الروز تاني ينتفخ لازم تطلعي حسابهم و نخيطهم ،، نطيبو بيهم المرقة تاع الطعام و البركوكس يجي روووووووووعة و نديرو
هم تاني مع الجواز ،، بالتوفيق حبيبتي

ربي يعيشك حبيتي ليزابال جاري التطبيق وياربي يخرج