السلام عليكم البنات
راني رحت سجلت في الإقامة الجديدة وجيت
المهم هي فتحت من البارح الإثنين بداو يسجلو
واش نقول عليها ماشاء الله جديدة و نقية وشابة
جاية حد جامعة الحقوق متلاسقة فيها مي دخلة ماشي حد بعضاها
وكي رحت نسجل قالتلنا هاديك لي تسجل لازم تكونو زوج زوج يهني يفوتو صحابات تاع لاشومبر معابعض لي تكون وحدها ماتفوتش حتى تجيب وحدة معاها
و الموندا تاني لازمين مع هاديك الورقة لي يمدوها كي ترجعي المفتاح
البنات ف لاشومبر زوج و شومبرا هايلة ماعندي مانقول عليها
بخصوص الكوشاج ماهوش حاجة يلزم تدو معاكم كوفاغتور تاعهم جديدة في ساشي مي خفيفة ما دفيش تاع خريف و الوسادة من نوع هاداك طويل
و يمدولكم فراش للمطرح بيض تاني فساشي
المطعم مازال ما بداوش يطيبو مي يجيبو الماكلة سخونة للبنات لي راهم قاعدين هكا قالولنا
الخزانة كل وحدة وحدها ماشي كيما فاولاد فايت جايين متلاسقين هادوك نو و تاني فيهم المفتاح
و الحالة نقية و مسبوغة ياك تعرفو الدار كي تكون جديدة هههه
ايه و تاقة متاع ألمنيوم هادوك لي تشوف برا و هوما مايشوفوش الداخل :-p
و بخصوص القراية رحت القبة الناس خارجة و انا داخلة ههه على 12 رحت المهم شفت توقيت و لي قروب علقوهم قاع الشعب مي ماسبناهمش يقراو غير قسم واحد كانو يقراو
المهم انا سقسيت صحبتي كانت تروح قبل العيد قاتلي علقو اعلان دايرين لي تيدي و لي تيبي يبداو في 12 أكتوبر يعني نهار الاحد الاسبوع القادم
و توع السنة اولى علوم طبيعية يا رونق كاين مجموعة أ و مجموعة ب
كاين لي يقراو نهار السبت و كاين مايقراوش نهار كامل
كيما أنا طحت في تلمجموعة ب و الفوج 14 مانقراش قاع نهار السبت و الخميس الحشية عندي لي كور :-d
هاذي هي وكاش ما تسقسو راني هنا
( تقرير عن مشاركة سيئة )، و الموجودة أسفل كل مشاركة .
2014-10-07, 16:53
العرض المتطور
