مرحبا بكن في ** الجزء90 ** من مطبخ واش طيبتي اليوم - الصفحة 31

om kamilia · 2014-09-22, 14:03

مبروووك ليزا الكوزينة سمحولي ما جبت والو كي نبرا ان شاء الله ندير حالة في الطياب

مرام 1987 · 2014-09-22, 14:05

إيمااان أهلا وصح غداك واش راكي ça va ؟؟؟ وواش راها طومة الهرابة قولها تدخل قبل العيد هي وكواليسها
الوصفة تاع الكروكي زي تاعي تقريبا ماعدا ندير 4 بيضات والسكر ندير كاس غير صبع وندهنو في الأخير بالمربى ونذرذر النواد كوكو اممممممم
تاعك يعني كاس ونص سكر موش بزاف

malek nour hane · 2014-09-22, 14:05

ريتاجووو صح غداك يالمكشردة ...وشيهيا هذيك الدشيشة ماعرفتهاش و جابلي ربي مانعرفهاش؟حللي و ناقشي

طالبة الجامعة · 2014-09-22, 14:07

اقتباس:

المشاركة الأصلية كتبت بواسطة malek nour hane

وعليكم السلاام ام هاديل
اهلين و مرحبتين شاوية حرة
جيادا حبوبة بصحتكم الملوخية والمطلوع..انا هاتيلي المطلوع الملوخية خاطيتني
حلي الباب طالبة راني وصلت
ام تاجووو اني عرضت روحي خخخ مابغيتيش تفهمي روحك ههه ماعليش نجيب لحبيبتي كثريلي لحميس تاع الكوكوط و حطيلي الارنوبة ليا وحدي
مراام يعطيها الصحة ختك ان شاء الله ربي يرزقكم بالزوج الصالح عاجلا غير عاجل لاختك و تاني لعزيزة ليك...هاتيلي شوي مقرقشات هايلييين....قلتي تموتي عالقطوط الصغار ساهلة اخطبي من عند ام تاجو تولي عندك زردة قطوط صغار...نهار تم الخطبة حطولنا الكواليس

او ديجا لحقتي هذا قاع علاجال الارنوب هههههههههههه

ريتاج تيارتية · 2014-09-22, 14:08

خدووووووج بالنسبة للكروكي انا دايما يجيني هشيش جربت شحال من وصفة شاهو يلاق تطيبيه مليح وماتيبسيش العجينة بزاف باش يجيك مليح
وقاطو الرخامي تاع ام اماني هو تقريبا نفس الوصفة اللي عطيتهالك تاع ميمي شاهو تاع ام اماني دايرة الزبدة وعلى مااظن يجي هايل انا ماجربتوش بصح وصفات ام اماني كلها ناجحة جربي وانت مغمضة عينيك هههههههههههه مش تغمضي عينيك وتكرفسيها وتقولي مانجحتليش

ام سراج وملاك · 2014-09-22, 14:08

مساء الخير لبنات كامل يعطيكم الصحة هاذا غدايا اليوم

وهاذا ليقيتو في عمي قوقل لي حبت تديه في العيد تعيد بيه تقلي نعطيهولها هههههههههه يبان بنين بزاف

malek nour hane · 2014-09-22, 14:09

اهلييين ام كاميليا حنا تاني توحشناك رتحتي شوي يالحبيبة...اسمحيلي عييت ندخل ضرك علابالك لحشير بزاااف كاين وحد سمينة دخلت ضرك خلاتنا مدايرين لاشان....مانعرف وش تغدات

طالبة الجامعة · 2014-09-22, 14:10

اقتباس:

المشاركة الأصلية كتبت بواسطة om kamilia

السلام عليكم ورحمة الله وبركاته
لبنات توحشتكم

وعليكم السلام ورحمة الله تعالى وبركاته اهلا هذي غيبة

ladymillion · 2014-09-22, 14:10

كاميلياااااااااااا حنونة واش راكي لاباس شوي رتحتي ؟ طمنينا عليك

مرام راني الحمد لله يسقسي عليك الخييييير حنونة طومة ماتقعدش خلاص ماتقدرش تدخل لكروكي راني صححت الوصفة ههههههه ندير كاس سكر ولي مايحبش لحلاوة ينقص

malek nour hane · 2014-09-22, 14:11

يابن عمي طالبة جامعية هكاااا وصلت وحاوزتيني هكا يستقبلو الضياف على جال ارنوب وصلتي بكري...اني عاودت درت راح نتغدا عند ام سراااج اممممممممممممممممم بصحتك ام سراج يمي يمي

طالبة الجامعة · 2014-09-22, 14:12

اقتباس:

المشاركة الأصلية كتبت بواسطة مرام 1987

أنا اليوم واقيلا بالعة كاسيطة وععععععععععع

راني نشوف بلي بلعتي ماشي غير كاسيطة برك راهم عرام هههههههه

malek nour hane · 2014-09-22, 14:14

ان شاء الله مرومتي ربي يفرحك....وش وجدتولنا للقهوة خخخ
ليزا اجرييي كوزينتك راهي فوضى خخخ القطوط الصحونة و و و ...و دودودو و الناموس خخخ

awladi · 2014-09-22, 14:14

ليزا مبروك عليك الكوزينة واطباقك في قمة الروعة ربي يبارك وازيدك من نعيمو
عطورا يعطيك الصحة على المقروض امممممممممممممممم شهيتيني فيه
ام سهام يعطيك الصحة على الوصفة ربي يحفظلك ولادك يارب
دائمة الحمد ربي يهنيها بنت خوك ويعطيك الصحة على الارشيف حلويات رائعة
بصحتكم الي راهم اعيدو الله غالب ماتلوموش الرجال والله الوقت الي رانا فيه صعيب الواحد تاع المعيشة مكا اقولي لازم مرة في ثلاث سنين كادو عندكم بزاف اعياد ونضن كلمة حلوة ولو من غير هدية والله غير تكفي وتوفي
رياحين يارب اثبتولك مواضيعك لان فعلا تستحق التثبيت بارك الله فيك وبصحتك الزيت
ملوكا راهي تضحكي العام الجاي تلقاي كادو تاعك سميد واقولك كامل شخشوخة
مرام يعطيها الصحة اختك وربي يجيبلك الشفاء حنونة
ام امنية بالشفاء عليك والمعجون راه لحق وبردت قلبي فيه يعطيك الصحة ولا الشربة اممممممممممممممممممممم تقتل
ام تاجو واععععععععععععع القطوط مانحبهمش
ام اناس زعما ماطيبيش في كاش مطعم روعععععععععععععععععة طيباتك
ام رحاب يعطيك الصحة على اطباقك وعلى الوصفة حنا ثاني نديروها للنافسة والزوج اموت عليها
جيادا صحة فطورك والملوخية عمري ولا كليتها ومانغامرش ناكلها واش معلقيش على المطلوع
ريتاج بصحتكم واش كليتو بصح مافهمتش واش هو الاول

ريتاج تيارتية · 2014-09-22, 14:16

اقتباس:

المشاركة الأصلية كتبت بواسطة مرام 1987

ايييييييه يا أم تاجو حتى ذهبية تاعك تكبر وتولي برونزية هههههههه حتى هي تولي مسوفجة وتقولك نزوج ههههههه ساعتها احكميها ههههههه
شاوية حرة بصحتك الغدا والكروكي شوفي كاينين وصفات بزاف هنا في المنتدى والكروكي باه يجي هشوش حطبلو النشا وكي يطيب ويخلص ادهنيه بالمربى هكذا أنا كت نديرو
والحلوى الرخامية ما جربنهاش إن شاء الله يفيدوك البنات
جيادا بصحتك الملوخية والخبز وعععععععععع ما نحبش الملوخية في حياتي ذقتها هههههههه
أم هديل بصحتك العدس ووووووو نموووووووت على العنب منين يحطولي الماكلة قدامي نقولهم والعنب وينو ههههههههه
طالبة الجامعة بالاك ماكانش لي جربو حلوة الطربوش تبانلي شوي مكلفة والعيد جاي ووووووو راكي تعرفي
إذا خدمتيه وريهولنا
ريتاج تيارتية امممممممم هذيك الدشيشة تشهييييييي يااااااي الذوق تاعها جانب في فمي وزيد بالزبدة يمييييييي
قوليلي هذي مسقية بالمرقة ولا غير بالزبدة

هههههه تهبل
الله يسلمك حبيبة ربي يخليك
لا طيبتها غير في الماء وشوي ملح وزيت كي طابت درت الزبدة من فوق وهي سخونة يميم ههههههه

اقتباس:

المشاركة الأصلية كتبت بواسطة malek nour hane

ريتاجووو صح غداك يالمكشردة ...وشيهيا هذيك الدشيشة ماعرفتهاش و جابلي ربي مانعرفهاش؟حللي و ناقشي

اهلا بيك حبيبتي ملووكة واش راكي مازلتي دوري هنا مازل ماهبطتي للبلاد
الدشيشة ياسيدي هي قمح مرحي خشين يعني الحبة على ثنين هههههه ونطبيوها في الما ونديرولها الزبدة ولا المن وناكلوها بالصحة والراحة هههههههه هايلة وصحية
صاي فهمتي المقال ولا نزيد نوضح

اقتباس:

المشاركة الأصلية كتبت بواسطة شاوية حرة 05

بصحتك رتووووووووووووووووووووجة

يسلمك حبيبة

طالبة الجامعة · 2014-09-22, 14:18

اقتباس:

المشاركة الأصلية كتبت بواسطة malek nour hane

يابن عمي طالبة جامعية هكاااا وصلت وحاوزتيني هكا يستقبلو الضياف على جال ارنوب وصلتي بكري...اني عاودت درت راح نتغدا عند ام سراااج اممممممممممممممممم بصحتك ام سراج يمي يمي

لا لا حاشا نحاوزك مشي من عادتي نحاوز الضياف واذا لم تسعك الارض في بيتنا تسعك عيوني وماتزعفيش مشي غير نحطلك الارنوب ماتستاهلي غير الغالي والنفيس
وزيد قلت كي تسكني في باتنة طولي باش توصلي هذاماكان مشي قصدي حاجة وحدو اخرى.