اقتباس:
المشاركة الأصلية كتبت بواسطة أم محمد ريان
الله ينور مجلسك بالايمان ويعمر قلبك بالايمان ويخليلك ما عزيز عليك يا ريت الرد عليا
فهادي قصتي بين يديك مع العلم بزاف حوايج ما حكيتهم
السلام عليكم والله ماجيت نكتب الموضوع غير بالسيف وما لقيت اللي يعاوني غيركم
انا مرآة متزوجة عمري لا يناهز 22 سنة عندي ولد عندهم 4شهور
ملي تزوجت وانا في العذاب الاكبر مع زوج لا حنانة لا قلب يحس بيه
هو ميليتار سكني مع امه وكل مرة يقولي نكريلك ونديك انا كرهت العيشة المرة هادي وامه سباب العداب
مع العلم كان يضربني غير وحدو منين يتقلق ولا يجي يضربني تقول مجنون حتى وانا حاملة والمرة الاخيرة كان ولدي في حجري وضربني واداني لدارنا وشرب مهدئات وقالي اعطيني اسبوع ونجي نديك
ماشي خطرة ماشي زوج والله
بابا الله يخليه هو ولدني هو اداني للسبيطار ولحتى دوك عايشة معاهم
قصة طويلة والله كرهت نحكي ونبكي
دخلت باش نقولكم عاونوني شا ندير
اليوم جا لدار وجاب باباه معاه قاله بابا انا في بلاصتها مليت وانا اللي راني مغبون
نروح نجيبها من دارها انت منين تروح للخدمة /نخمم عليها /نخاف عليها
قاله بابا انا زوجتها مع عائلة مجنونة
قاله انا بنتي ما تولي لهاديك الدار تكريلها وتديها معاك وين راك خدام في الصحراء هادي كلمتي
قاله هو انا ماعندي دراهم ما نكريلها ما نديها
قاله بابا وين الحل
قاله هو تولي مع يما
قاله بابا هادي المرة بزاف البنت ولات تخاف منكم وقاله انت هادا الاسبوع ولدك مرض عيطتلك قالت لك ولدك مريض قلتلها اللي راكي عندهم يعيشوه ويدوه يداووه مع العلم من رمضان راها عندي وانا اللي ننفق عليها وماعمري الا لمتك علاش وماعلاباليش بلي ضربتها وجبتها هنا وهي خافت ما حكاتش لينا حرام عليك وتقي الله وزيد جيت في داري وعايرتها وقلتلها راكي مطلقة قدام ماماها يعني خرجت منك انت ماشي من بنتي ماخمتت في الولد يحتاج مصروف حليب وملابس والحمد لله انا راني موفر له كل شئ
قاله هو انا ماعندي ما ندير تولي ولا طلاق بالتراضي
يقول فيها وماشي حشمان
والمشكل دوك ولا يحكي مع اخي الصغير قاله قولها بلي كون تتطلقي مني الفيلا راكي عايشة فيها نتاع والديك ما تقومك للطلاق يهدد فيا زعما
انا ما راني عارفة والو هو طلب طلاق انا ما خرجتش من فمي
قولولي شا ندير راني راح نهبل ونهبل عايلتي معايا
قالولي ديري موحامي وارفعي قضية اهمال عائلي
يا ريت اللي مطلقة تحن قلبها وتحكيلي الاجراءات اللي دارتهم
وشعال يطلب مصروف
وكيفاه يتربا ولدي الناس تبكي على الدرية وهادا ولد الحرام غدر بيا وخلاني الله لا تربحو طاح مع عائلة شريفة وبابا حشام وما يعرف والو انا وراسكم عاونوني
واش هي قوانين الطلاق وكيفاه
انا ما بغيت نعيش مع امه
بغيت نبني حياتي معاه وهو باغي الحرام والسهرات والدخان وووووووووو
الله يهديه ويديه نتهنا منه كيما حرمني من حياتي
والله ما راجل نتاع دين عمري ما شفت عيلة كيفهم
ربي ينتقم منهم
|
الاخت اذا اردت رفع دعوى اهمال عائلي عليك ان تمر شهرين من يوم الذي تركك فيه حتى يمكن لك التعويض وادانته
لا ترفعي دعوى الطلاق اتركيه هو يرفعها حتى تستفيدي من تعويض وعلى حساب قصتك باذن الله الحكم في صالحك لانك كثير مضرورة
مفهمتش كي قالك الفيلا .....؟
الاخت لا تقنطي هذا نصيب وعسى خير اذا قدر ربي وطلقتي فعلمي هي حكمة من الله وكما نقولو هكذا ولا اكثر ممكن استمرارية الزواج نتعكم ليست في صالحك
نحن باللخدمة
( تقرير عن مشاركة سيئة )، و الموجودة أسفل كل مشاركة .
2014-08-31, 20:09
العرض المتطور
