الملازمين أوائل شرطة 2014 أخر أجل لإستلام الملفات 21/08/2014

[fatbhl]

المشاركة الأصلية كتبت بواسطة حمامة السلام48

درنا الفحص الطبي قياس الوزن و الطول و قياس حدة النظر و كذا الكشف عن بعض الأمراض الصدرية و الجلدية
وبعدها فوتنا البسيكو كان أصعب بكثير ولكن الحمد لله جاهدنا قال لينا الحضرات اللي حرسنا في القاعة أن أحنا أردنا حب الوطن
و أوفيسي ماشي ساهلة لازم نتعبوا باش ننجحوا
فوتنا 6 تاع لي تاست في ضربة وحدة من ال 9 حتى 4 تاع العشية
كملنا لا فيزيت من 7ونص حتى ال 9
وبدينا ديراكت قسمو عليا كتب فيها 300 سؤال و أعطاونا أوراق الإجابات و أعطاونا ساعة و نصف
تطفر غير في اللي ميكملش قدام الوقت مين يخلاص لازم التركيز في الإجابات هي عبارة عن أسئلة شخصيتك (( الجواب بنعم أو لا ))
وبعدها جمعوا الأوراق بعد إنتهاء الوقت و أعادوا تقسيم كتب أخرى و قسموا أوراق إجابات أخرى ثانية و أعطاونا العاب تاع الأشكال لازم تنتهي قبل 45 دقيقة
و جمعوا الأوراق و بعدها عاودوا قسمو الكتب مرة ثالثة و أعطاونا أوراق الإجابات أعطاونا أشكال أخرى نديرو الشكل في المكان المناسب هنا هذي ساهلة بزاف كيتكمل ال 10 دقائق خلاو الأوراق بقى جزء ثاني من الإمتحان مدته 45 دقيقة هو نفس هذا تاع الأشكال اللي مدته 10 دقائق بصح أصعب بكثير منه و لما كملنا 45 دقيقة جمعوا كلشي علينا و قالولنا أخرجوا بع ساعة إستراحة و رجعنا زادولنا 3 تاع ليتاست معنتها التاست الرابع كان عبارة عن الدومينو مليحة شوية ساهلة و صعيبة في نفس الوقت بصح مستحيل يفينا الوقت مكملناش أعطاونا 45 دقيقة و زادوا قسموا عليا أوراق أخرى معنتها التاست الخامس مدته 10 دقائق هو عبارة عن أسئلة تخص إلى ماذا تميل أثناء الظغط عطاونا اكث من 40 جملة و أحنا نحطوا رغبتنا لكل وحدة نديروا دائرة على إما رقم 1 اللي يعني إطلاقا ولا 2 3 4 ولا 5 اللي تعني كثيرا
بعدها كان آخر تاست رقمه 6
عبارة عن أسئلة عددها 568 سؤال لازم نجاوبوا ب v أو f يعني بصحيح أو خطئ لكل سؤال



مدة التاست ساعتان والله في هذا البنات معايا كاين اللي مقدروش يتحملوا وصلوا لل 200 وحدة مسكينة بغات تبكي
راا درنا اللي علينا
يا رب حتى توفقنا هذا مكان
والله ماهي ساهلة
بصح اللي يكون واثق من نفسه ربي يسهل عليه كلشي و يتوكل على ربي و الباقي يجيب الخير
بالتوفيق للجميع

سلام عليييكم فههموننا يااك بدااو يفووتوو ولا كييفااه

[حمامة السلام48]

المشاركة الأصلية كتبت بواسطة fatbhl

سلام عليييكم فههموننا يااك بدااو يفووتوو ولا كييفااه

وعليكم السلام أحنا دفعنا الدوسي مع الأوائل كان في شه رمضان و نهار 17 أوت فوتنا كلشي في نهار في بلعباس
نهار 17 أوت أنا كان عندي شهر ملي حطيت الدوسي علابيها عيطولي مع الأوائل في البرتابل و رحت جبت الإستدعاء و فوت الفحوصات و أسئلة البسيكو
باقيلنا الرياضة مرانيش عارفة وينتا يعيطولنا
اللي عنده كاش خبر يقوللنا
أسكو يعلطولنا للسبور كيننجحوا في الإمتحانات تاع الفحوصات و أسئلة البسيكو ؟؟؟؟
ولا حتى نديروا الرياضة باش يعطولنا النتيجة النهائية
وشكرا

[doudouess2007]

السلام عليكم اخواني
اخي اليوم الاول تم تقسيمنا الى مجموعات لنقوم بالفحص الطبي
توجهنا الى العيادة بالمدرسة تم قياس الطول وحدة النظر والوزن ومن بعد توجهنا الى غرفة اخرى
ان قمنا بنزع ملابسنا وتم فحصنا ما اذا كان هناك عمليات جراحية اوجروح او شي من هذا القبيل
وهناك من المترشحين من تم فحص حتى العضو الذكري
ومن بعد الانتهاء قمنا بالتبرع بالدم مع اخذ قنينتين صغيرتين من اجل فحص المخدرات والخمور وغيرها وقد سالنا الطبيب هناك اسئلة شخصية مثل هل تتعاطى الحشيش هل مارست الجنس وغيرها

انتهى اليوم الاول
اليوم الثاني كل واحد و مجموعته دخلنا الى القاعة وبدان الاختبار البسيكو تقني
الاختبار الاول كان عبارة سؤال واحد وهو اذا كنت في حالة ضغط
هل تتسوق تايتك الاجابات في نفس السطر 12345 رقم واحد وهو كثيرا ورقم 5 اطلاقا المهم اخواني تجنبو الرقم 3 بتاتا لان الطبيب سيجد غموض من المستحسن اختيار الرقم 1 او 5

بعد ذلك اعطونا الاختبار الثاني الذي عبارة عن 527 سؤال على ما اظن او اكثر
المهم ورقم الاسئلة في جهة وورقة الاجابة في جهة
الاسئلة مرقمين 1.2.3 اما ورقة الاجابة فهي عبارة عن جداول كل رقم امامه v اي انا كانت العبارة مثلا رقم 1 صحيحة بالنسبة لشخصيتك فتضع x على v اي vrais اما اذا كانت لا تنطبق على شخصيتك فتضع X على f اي faux
نصحيتي لكم اخواني ان لا تقلقوا لان الاختبار طويل جدا وهناك من لم يكمل في الوقت وهذا ما قد يساهم في تنحيتك

انتهينا من هذا الاختبار واعطونا مجدادا اختيار الدومينو والله اخواني سهل جدا حسابات خفيفة فقط بعض الاخوة قامو باعطائها اهمية كبيرة لداعي للخوف بتاتا لعبة الدومينو سهلة جدا سيعطوكم اربعة اسئلة في الدومينو تحلونها مع بعض حتى تفهم كيفية الحل لا يهم ان تكملها جميعا المهم ان تكون صحيح اي تاكد من انك صحيح و لابد من الانتهاء في الوقت المحدد
بعد ذلك تم اعطائنا اختبار الاشكال الذي هو الاخر سهل جدا فقط قليل من التركيز وفقط
فقط انظر الى الاشكال عموديا و افقيا وستفهم مباشرة المنطق الذي تعمل به

بعد الانتهاء اعطونا فترة 10 دقائق او 15 راحة
عاودنا الدخول وهذا المرة ورقة تحتوي على 300 سؤال ورقة الاسئلة في جهة والاجابة في جهة اخرى
لكن هذه المرة الاجابة ب oui او non او ?
علامة الاستفهام معناها انك غير متاكد ونصحيتي لكم لا تختاروها ابدا اختر يا نعم او لا وذلك بدائرة على الاجابة
مثلا: -1- كثيرا ما اشعر بدوار -1- oui. ? non
هنا تضع دائرة على نعم اذا كانت الجملة صحيحة بالنسبة لك او دائرة على لا اذا كانت غير ذلك
وحذاري ثم حذاري اختيار علامة الاستفهام هكذا تم تنبيهنا اكثر من مرة من قبل بعض الاخوة جزاهم الله خيرا وحتى الطبيب النفسي هناك

وعند الانتهاء خرجنا والحمد للله
اي تسائل انا هنا للمساعدة
بالتوفيق للجميع

[الصقر3]

من فظلكم بانسبة لنا متى يتم إستداء البقية للمشاركة في المسابقة

[الصقر3]

متا سيتم إستداء البقية للمشاركة في المسابقة

[mojos2]

????Hna winta Jma3a

[FOUAD91]

المشاركة الأصلية كتبت بواسطة حمامة السلام48

وعليكم السلام أحنا دفعنا الدوسي مع الأوائل كان في شه رمضان و نهار 17 أوت فوتنا كلشي في نهار في بلعباس
نهار 17 أوت أنا كان عندي شهر ملي حطيت الدوسي علابيها عيطولي مع الأوائل في البرتابل و رحت جبت الإستدعاء و فوت الفحوصات و أسئلة البسيكو
باقيلنا الرياضة مرانيش عارفة وينتا يعيطولنا
اللي عنده كاش خبر يقوللنا
أسكو يعلطولنا للسبور كيننجحوا في الإمتحانات تاع الفحوصات و أسئلة البسيكو ؟؟؟؟
ولا حتى نديروا الرياضة باش يعطولنا النتيجة النهائية
وشكرا

حمامة السلام48
esq fawatti f belabbes !!!winta tban résultats
mm ana fawtt f belabbess
hada facb diali
https://www.facebk.com/milaini.koufi
ba3tili invitation c possible nefiidou ba3dana
mrc