Mh47 الجزء الــــ84 من واش طيبتي اليوم

[ladymillion]

صح عشاكم لبنات بعدوا خليولي بلاصة نقعد شوي
واش راكم حبيباتي لاباس ؟ اليوم فطرنا همبرgـــر داراتو طومة وانا كنت نحسب دارت بيتزا بصح هي طيبت الخبيزات هههه

يعطيكم الصحة كامل

~~~~~~~~~~~

توتة الحتوتة الحلوة شوفي هاذ القاطو مكانش لي ياكلو ومايموتش عليه لازم تقتليهم كامل خخخخخ الوصفة نتاعي

قـــــــــــــاطو Les dômes


اولا لازملك moule silicone شكل حباته نصف كرة

و تحتاجي المقادير التالية:

• شكولاطة بيضاء
• كاوكاو محمص و مرجوش ( مرحي مدشش )
• حليب محلى caramélisé

اما بالنسبة لبسكوي الوردات بالكاكاو هو sablé كالاتي:

• 125g زبدة او مارغرين بحرارة الغرفة
• 50غ كاكاو اسود
• صفار بيضة
• رشة ملح
• 70 g سكر ناعم
• 150غ فرينة

نضرب الزبدة و السكر حتى البياض ثم نضيف صفار البيض ثم الكاكاو
و شيحي بالفرينة اذا امكن زيدي الفرينة حتى الحصول على عجينة
خليها ترتاح نص ساعة و حايها بالحلال بارتفاع نصف سنتمتر و اطبعي وردات و طيبيهم في فرن حرارته 180°

نرجعو للكاوكاو لميه و nestlet caramélisé كيما حشوة سنيكرز
ذوبي الشكولاطة في حمام مائي و حطي كمية ملعقة صغير في كل نصف كرة من المول و ادهنيها بال pinceau و حطي المول في congélateur L مدة 5د تجمد وخرجيها أحشيها بحشوة الكاوكاوو الكراميل و الصقي حبة البيسكوي فوق الكرة او تقدري تلصقيها بشوي شوكولا

ملاحظة: حبة البسكوي تكون اكبر من نصف الكرة كيما في الصورة
اخرجي الحبات من المول و زينيهم بالشكولاطة السوداءديريها خطوط