نريد قصصا عايشتموها من واقعكم,,,

[nilly]

الغيرة في المسلسلات مرتبطة بالحب ان احب زوج زوجته سوف يغير عليها وان لم يحبها لن يغير واكيد الغيرة لا تظهر عنده الا ادا اهتم رجل اخر بزوجته وليس بدون سبب مثلما نرى في الواقع. لان اغلب القصص التي نشاهدها بالواقع هي شك وليست غيرة اصلا سوف احكي لك مجخموعة من القصص الواقعية التي جرت مع اشخاص اعرفهم ومن خلالهم اخدت حقيقة الغيرة.

كاين واحد راجل قريبنا عمره 60 او اكثر متزوج وعنده ولاده كبار وليده الكبير في عمره 36 سنة الله يبارك عليهم

هدا راجل يعاني من غيرة مرضية ناس حسبوها غيرة حتى مرته حسبتها غيرة بصح هي في الحقيقة شك ماشي غيرة
هدا راجل زودها بزاف منع على مرته كل الاعراس والخرجات حتى الطبيب ممنوع وصل به لحد انه كلما يسمع دوشة في برا يقول رجال لراهم جايين عند مرته وكما يسمع حركة القطط فوق البيت او سقف يقول رجال لراهم يمشيو فدار ومبعد يضرباها حتى ينقدوها ولادها من يديه واحد المرة راح لفرنسا سياحة لمدة شهر بصح بقى سمانة ورجع علاه؟؟؟؟؟؟؟

وكي رجع خاصم وتشاجر مع كل رجال ومنهم ابي قالهم بلي واحد الانسان عيطلو وقالو بلي مرتك تدخال في رجال في غيابك وقالهم لاقاربائه علاه مقلتوليش ومتصلتوش بيا وتقولولي ..............................
ودركا طلقها بصح عايشين في نفس البيت وحتى دركا وين تهنت المخلوقة لان راجلها يعاني من مرض نفسي خطير .. وهل هدا غيرة في نظركم ؟؟؟؟؟؟؟؟ ام انه شك.

وكاين قصة ثانية ثاني نتاع واحد طفلة غير كيما تزوجت وهي ديما كانت تحكيلنا بلي راجلها يحبها ويعاملها معاملة جيدة ويغار عليها بزاف وين ممنوع تخرج حتى البالكون ممنوع وانا كي بدات تحكيلي هكدا عرفت بلي يشك فيها ماشي غيرة لانه ليغير على واحدة يكون يحبها وليحب واحدة مستحيل يطلب منها متخرجش وتقعد فدار وليحب واحدة يثق فيها.
وحتى واحد الخطرة هدي طفلة ولدت ولد وكامل نسا يحسدوها على راجلها حتى وين واحد المرة رحت انا لخدمة نتاعي وتلقيت بها فطريق مع راجلها كانت مريضة بزاف متقدرش تمشي والمغبونة مكرلهاش طاكسي داها فالكار وهي متقدرش تمشي . تساؤل الاول لو كان جا يحبها كيفاش يشوفها مريضة ويديها فالكار وزيد مسكينة تمشي واحدها وتميل تقول دورك تطيح وهو كان يمشي وحدة وسباها موراه ب 10 امتار سبحان الله العظيم
ومبعد كي شفتها هكدا وقفت ليها وقلتها واش بيك واقيلا راكي مريضة تباني ماشي مليحة وقالتلي ايه راني مريضة بزاف وراني رايحة لطبيب ومبعد هداك راجلها كان يمشي وكي توقف شافها بلي وقفت وتهدر ومبعد درالها حالة بدا يسبها من بعيد ويقولها انا نمشي ونتي توقفتي انا الجايح كي جبتك لطبيب لوكان برك خليتك تموتي يا واحدة....نختصر ومنحكيش كلش لانه شمتها شتم كبير وحتى انا محشمش مني ومبعد تبعتوا وكاين واحد درج كي راح تطلعو طاحت فالارض وهو بدا يشتمها كثار ويسبها وهي بدات تبكي ومجاش ينوضها خلاها هكداك وكي شفت هكداك روحت عاونتها وقلتلها دركا نجيب طونبيل نتاعي ونوصلك لطبيب ورحت عنده هو وحكيت معاه زوج كلمات قلتله هاي طفلة قريبة راجلي ومن عيلته وهي تزوجتك باه تكون زوجتك ماشي خدامة عندك وكي قلتلوا هكداك قالي لالا كان عندي شغل على هدا كنت مزروب والحمد الله وصتهم لبيتي كان قريب من ثما وصلتها لطبيب نتاعها

وهل هدا حب ؟ البنات يغلطوا بزاف ليقولها متخرجي ولا ماتهدريش ولا متلبسيش هدا شي يحسبوها غيرة بل هدا شك وعدم ثقة وحاتقار فيها وحب سيطرة هدا مكان........

وكاينة ثاني مرت خالي الصغير كان ديما تشكيلي وتقولي راجلها يغير عليها وميحبش يخليها تخرج ولا تروح عند الجيران وانا كنت نسمع برك لانه خالي علبالي بيه . خالي ماشي شكاك بصح مايحبش تخرج مرته لانه يحشـــــــــــــم بها هدا مكان
وهو ديما يقولها لي محال نخرجها معايا لانو نحشم بيها.

وثاني كاين وين رجال يقولول بلي زوجتي تحب كي تشوفني نغير عليها وزعما يحسبها تحبه بصح لاء البنت تحب ليهتم فيها هدا مكان ....
هده هي انواع الغيرة في بلدنا يااما يكون شكاك او يحب يسيطر في المراءة ويبين روحو راجل او يحشم بيها....

اما وجهة نظري الغيرة غريزة فالانسان تولد معاه الانسان لتلقاه يغير من مرته تلقاه انسان غيور حتى من صحابه يعني الغيرة ساكنة فيه.

اما الانسان لميغيرش ومعندوش غيرة في دمه محال يغير على راجله او على مرته وانا الحمد الله عمري ماغرت على راجلي لانني لم احس بطعم الغيرة يوما انا عندي فضيلة من فضائل الله وفي نظر الاخرين اعتبر ديوثة.