خلاهم لباس عليهم(أعتذر العنوان كتبته بالعامية )

[رحيق الروح]

السلام عليكم..صح عيدك بصمة كل عام و انتي بالف الف خير انتي و العايلة..........
الموت رجع اخر حاجة نخممو فيها يا بصمة مع انو رانا يوميا نسمعو بيها و راهم يروحو غير الصغار باه نتكاكاو وحنا والله والو تقول رانا ضامنين الجنة.........ربي يهدينا ان شاء الله قبل مايدي امانتو ............يا بنتي الناس راهي تروح للموت باه تبكي على روحها ماشي باه تتفكر الموت
نرجعو للموضوع يا بصمة ......صح نسمعو هذا الكلمة بزاف كيما قلتي انتي سوغتو لما يموتو الوالدين ويكونو ولادهم كامل كبار و متزوجين ..او ممكن يموت الوالد و يكون بخير عليه و ولادو صغار يقولو للام الحمد الله مات مهني من جهتكم .و ماتسالي حتى على واحد و راح تربي ولادو بدراهمو و مايحتاجو حتى واحد ......ممكن نقولوها كنوع من انواع المواسات لاولاد الميت ...مع انو مال الدنيا كامل مايعوضهمش .....تخيلي يا بصمة لو مات واحد وخلى ولادو بلا سكنة و لا بلا دخل و لا خلى مشاكل في دارو والله يموت و هو ماشي مرتاح من جهتهم .....كيما نقولو يموت و هو مشطون عليهم .....هي صح كل حاجة بيد ربي سبحانو و الي خلق مايضيع ........هذا الكلام نقولوه لاصحاب الميت اما الميت ضروك راه بين يدين مولاه .....و ان شاء الله كل واحد يخدم لهذاك النهار .........و اذا الواحد خلى ذراري مربيين و ملاح رايحين يكونو ليه صدقة جارية .....حتى الوالدين و تسمعيها منهم يقلك اذا ربي ادا امانتو ان شاء الله يكونو كل واحد من ولادي في دارو و مهني باه نروح و انا مهني عليهم........
بصمة انتي قلتي العنوان راه بالعامية خيتك راهي الرد كامل عامية هههههههه..