لك يا رجل

[راية الاسلام1]

المشاركة الأصلية كتبت بواسطة أم عروة

حياكِ الله أخية
أعلم أنكِ لا تعممين
ولكن فقط أردت التوضيح
حتى أؤكد أن الزواج الأصح (التقليدي كما يسمى) لايزال قائما
حتى نحفز الشباب للاقبال عليه

نعم اختي انا رآني زوجي بالجللباب وليس حتى بالحجاب ولا يظهر مني الا الوجه والكفين حتى الجوارب السوداء ولبستها!!
والحمد لله تم القبول
وانا حاليا ام لطفل
وتحدثنا في قترة الخطوبة بعد العقد طبعا واطلعنا على عقلية بعضينا
والحمد لله تعالى بعد الزواج وجدته هو نفسه الذي اعرفه كما انه وجدني انا التي عرفها
يعني لا تغيير ولا شي اختي
رغم انني تزوجت صغيرة والحمد لله

و اضيف الى ان لي 3 اخوات كلهن تزوجن بهذه الطريقة لامشاكل وهن اسعد الزوجات باطفالهن والحمد لله

يعني مازال كاين اشخاص يتزوجو زواج تقليدي وفي منطقتي ثمة الكثير الملتحين وحتى عوام الناس من الشباب يفضلون هذا النوع من الزواج

اسأل الله تعالى ان يهدينا واياكم لما فيه خير وصواب

ربي يثبتك يا اختي الكريمة ويباركلك في زواااجك
أكيد مازالو الي يتزوجو زواج تقليدي لكنهم قلال وبزاااف
ورااهم في تنااقص مستمر خاااصة مع هذا الجيل الصااعد تلقاايه في المتوسط يوااعد فتاة
أنا لم انفي وجود الملتزمين لكن قلت انهم قلة وهذا هو الصح حتى لو انكرناه

المشاركة الأصلية كتبت بواسطة adnou eclypse

انا ايضا اؤكد ان هذا الزواج موجود و بكثرة خاصة في المدن الصغيرة وين مازالت الناس محافظة و فيها النية و عندي صديقي تزوج بهاد الطريقة و ايضا زوجتو من قسنطينة ، يعنيً الاخت لي قالت بلي ماش موجود هاد الزواج اي كاتبة مكان اقامتها قسنطينة و ماش علابالها بلي موجود ، ( صحيح في قسنطينة ولات عقلية فرنسواية لكن مازال الخير) ، و نزيد نقلك كاين نسبة كبيرة بزاف من الشبابً يحوسو على زواج هكا

أنا لم اقل يا اخي انو هاد الزواج غير موجود قلت أنه قليل وجدا مقاارنة بالزواج بعد العلاقات المحرمة
توجد عائلاات محاافظة والحمد لله ربي يكثرهم لكن الاغلبية يتزوجو بعد تعارف واللي ماتعرفش على الفتاة قبل الخطبة يكون حكا معها ولو في الهاتف او التقى معها على انفرااد ولو لمدة سااعة

المشاركة الأصلية كتبت بواسطة قويدر الذكي

ومن قال أن الرؤية الشرعية بالحجاب فقط؟؟؟ إطلعي هـــــــــنا :
تانيا مازال الناس تتزوج كي بكري ولازم تكوني راجل باش تعرفي تخمامنا....الأغلبية تريد زواج مباشر بلا مواعدة لكن الزواج غالي وإلا لكان الكل يفريها بكري لامواعدة ولاماضي... لكن تريح فالحرام ربي مايباركلكش
الحمد لله أنا معنديش ماضي لكن مانكدبش عليكم عرفت الطفلة يومين طلبت يدها والحمد لله ربي صلحلي فيها.. الإستنتاج كل ما تنقص مالحرام كلما خير...

لا ادري مامفهوم الحجاب عندك يا اخي
في الرؤية الشرعية لا يبدو الا الوجه والكفين اما هادي اللي تروح عند الحفاافة وتلبس لبس مكشوف وفاضح في الخطبة وغيرها من التقاليد الغربية التي لا معنى لها هادي اكيد مرفووضة
صدقني يااخي اي فتاة ملتزمة تحب يكون زواجها لعى هذه الشاكلة
انت قلت الاغلبية من الرجال يريدون زواج مبااشر قل لي اذا كيف تفسر لي ان شابا يحاادث ويوااعد 10 فتيات حتى ولو كانت نيته غير الزواج؟؟؟ ولا تقل لي هم قله هم اكثر من نصف المجتمع الا الملتزمين منهم

[قويدر الذكي]

المشاركة الأصلية كتبت بواسطة Adnou Eclypse

يا قويدر نسقسيك بارك الله فيك ، انت قلت عرفتها يومين خطبتها ، في اليومين هادوك وش درت ؟ حكيت معاها في كاش بلاصة ؟ و لا في تلفون ؟ و لا بعتلها مع صحباتها ؟ اني نسقسي فيك لاني حاير كيفاه دير كي طفلة تعجبك و تكون انت حاب تخطبها لكن لازمك يخي تشوف رايها هي تاني ، لكن ما تقدر تهدر معاها ما تقدر تبعتلها ، و ما تقوليش تروح مباشرة لانو كون ترفض هي تتحط في موقف محرج باش ترجع عايلة كاملة خائبين و حتى الخاطب قادر من عفسة هكا يحس انو طاحت قيمتو و يكره الزواج
اسئلتي موجه لكل من يريد الاجابة

ياأخي هذا لايمنع من أنك تبحث عليها وعلى سيرتها فيل اليومين هذوك. أنا درت لانكات l'enquete قبل ما نديرخطوة كيما يقول الحديث: لا ضرر ولا ضرار... صح مانحبوش لحريق... بصح يمكن تروح وحدك تهدر مع باباها وإذا قلك مرحبا بيك جيب العايلة... اليومين هذوك اللي سقسيتني نجاوبك: هدرت معاها وسط لجامعة قدام ربي وعبادو شفت إذا نرتاحلها والحمد لله كان ذلك...وممكن تقول بأنك لازم تتفاهم على أمور بعد الزواج الخدمة مثلا؟ من حقك أخي بصح دير في بالك أن المرأة كون تكون معاها راجل (ليس ذكر برك) راح تكون معاك مرأة (مش أنتى) وراح تاخدلك رايك لانك بيك صلاحها...

المشاركة الأصلية كتبت بواسطة راية الاسلام1

لا ادري مامفهوم الحجاب عندك يا اخي
في الرؤية الشرعية لا يبدو الا الوجه والكفين اما هادي اللي تروح عند الحفاافة وتلبس لبس مكشوف وفاضح في الخطبة وغيرها من التقاليد الغربية التي لا معنى لها هادي اكيد مرفووضة
صدقني يااخي اي فتاة ملتزمة تحب يكون زواجها لعى هذه الشاكلة
انت قلت الاغلبية من الرجال يريدون زواج مبااشر قل لي اذا كيف تفسر لي ان شابا يحاادث ويوااعد 10 فتيات حتى ولو كانت نيته غير الزواج؟؟؟ ولا تقل لي هم قله هم اكثر من نصف المجتمع الا الملتزمين منهم

يا ختي وعلاه نروحو من الطرف للطرف يعني من الوجه والكفين إلى اللبس الفاضح والحفافة كاين الوسط
قوله تعالى : ( وكذلك جعلناكم أمة وسطا لتكونوا شهداء على الناس ويكون الرسول عليكم شهيدا )
بخصوص الشباب والمواعدة أنت راكي تهدري على المراهقين أختى أما أن يكون شاب (معجم المنجد في اللغة العربية المعاصرة يحدد تلك الفترة من حد البلوغ إلى الثلاثين) بعد فترة التانوية يخمم هك فهذا جايح وصدقيني أنهم قلة ويعني حتى البنات مش قليلات...البعض منهمن تقول مازلت صغيرة نزهى.... المهم رأيي ان طول فترة المواعدة من دون ترسيم العلاقة هو سبب العزوف عن الزواج فلو كنت متقدم رسميا المرأة راح تطمئن وماتحوسش من جيهة أخرى ومن جيهة تجيك مشكل تحوس تحلو لأنك فالصح ماش تهرب منو وتحبس مع الطفلة. قوله تعالى : { وأخذن منكم ميثاقا غليظا } أربطو روحكم خاوتي ماتخافوش رانا قاع خايفين. المهم أختي خيري الي يخاف ربي باش يطبق شرعو اللي ما يظلمكش

إضافات:
مفهومي للحجاب هو مفهوم الشرع : منقول من هنا
أن يكون ضافياً يستر جميع جسمها عن الرجال الذين ليسوا من محارمها، ولا تكشف لمحارمها إلا ما أباحه الشرع، كوجهها وكفيها وقدميها.
أن يكون ساتراً لما رواءه، فلا يكون شفافاً يرى من ورائه لون بشرتها.
أن لا يكون ضيقاً يبين حجم أعضائها.
أن لا تتشبه بالرجال في لباسها.
أن لا يكون فيه زينة تلفت الأنظار عند خروجها من المنزل لئلا تكون من المتبرجات بالزينة.
الرؤية الشرعية فيهه إختلاف :
من أقوال العلماء في حدود النّظر إلى المخطوبة :
قال الشافعي - رحمه الله - : " وإذا أراد أن يتزوج المرأة فليس له أن ينظر إليها حاسرة ، وينظر إلى وجهها وكفيها وهي متغطية بإذنها وبغير إذنها ، قال تعالى : ( ولا يبدين زينتهن إلا ما ظهر منها ) قال : الوجه والكفين " ( الحاوي الكبير 9/34 )
وقال الإمام النووي في ( روضة الطالبين وعمدة المفتين 7/19-20 : " إذا رغب في نكاحها استحب أن ينظر إليها لئلا يندم ، وفي وجه : لا يستحب هذا النظر بل هو مباح ، والصحيح الأول للأحاديث ، ويجوز تكرير هذا النظر بإذنها وبغير إذنها ، فإن لم يتيسر النظر بعث امرأة تتأملها وتصفها له . والمرأة تنظر إلى الرجل إذا أرادت تزوجه ، فإنه يعجبها منه ما يعجبه منها .
ثم المنظور إليه الوجه والكفان ظهراً وبطناً ، ولا ينظر إلى غير ذلك .
وأجاز أبو حنيفة النظر إلى القدمين مع الوجه والكفين . بداية المجتهد ونهاية المقتصد 3/10 .
قال ابن عابدين في حاشيته ( 5/325 ) :
" يباح النظر إلى الوجه والكفين والقدمين لا يتجاوز ذلك " أ.هـ ونقله ابن رشد كما سبق .
ومن الروايات في مذهب الإمام مالك :
- : ينظر إلى الوجه والكفين فقط .
- : ينظر إلى الوجه والكفين واليدين فقط .
وعن الإمام أحمد - رحمه الله - روايات :
إحداهن : ينظر إلى وجهها ويديها .
والثانية : ينظر ما يظهر غالباً كالرقبة والساقين ونحوهما .
ونقل ذلك ابن قدامة في المغني ( 7/454 ) والإمام ابن القيم الجوزية في ( تهذيب السنن 3/25-26 ) ، والحافظ ابن حجر في فتح الباري ( 11/78 ) .. والرواية المعتمدة في كتب الحنابلة هي الرواية الثانية .
ومما تقدّم يتبيّن أن قول جمهور أهل العلم إباحة نظر الخاطب إلى وجه المخطوبة وكفّيها لدلالة الوجه على الدمامة أو الجمال ، والكفين على نحافة البدن أو خصوبته .
قال أبو الفرج المقدسي : " ولا خلاف بين أهل العلم في إباحة النظر إلى وجهها .. مجمع المحاسن ، وموضع النظر .. "

[Adnou Eclypse]

المشاركة الأصلية كتبت بواسطة قويدر الذكي

ياأخي هذا لايمنع من أنك تبحث عليها وعلى سيرتها فيل اليومين هذوك. أنا درت لانكات l'enquete قبل ما نديرخطوة كيما يقول الحديث: لا ضرر ولا ضرار... صح مانحبوش لحريق... بصح يمكن تروح وحدك تهدر مع باباها وإذا قلك مرحبا بيك جيب العايلة... اليومين هذوك اللي سقسيتني نجاوبك: هدرت معاها وسط لجامعة قدام ربي وعبادو شفت إذا نرتاحلها والحمد لله كان ذلك...وممكن تقول بأنك لازم تتفاهم على أمور بعد الزواج الخدمة مثلا؟ من حقك أخي بصح دير في بالك أن المرأة كون تكون معاها راجل (ليس ذكر برك) راح تكون معاك مرأة (مش أنتى) وراح تاخدلك رايك لانك بيك صلاحها...

.. "

l'enquéte ما فيهاش مشكل ـ عليك و على شطارتك صح ، تقدر تجيب كلشي عليها شكون هي ، ابيها ، جدها ـ قرايتها ـ اخلاقها ,,,,الخ ، لكن باش تروح لباباها مباشرة نشوف فيها شوية غالطة لانو ممكن بيها يقبل و هي لا يالتالي يكون احراج و تحطها في المشكل ـ اما انت كي قدرت تحكي معاها في الجامعة ـ ام كاين بنات حتى باش تحكي معاك 10 ثواني ما تقبلش ـ و نفرضو قدرت تحكي معاها في ظروف مافيها حتى غرام من الشبهة ، قداه الزمن لي تفاهنو فيه ، نصف ساعة ؟ ساعتين ؟ 4 ؟ و هل هاذي كافية باش تتاخذو قرار تاع حياة كاملة ؟

[قويدر الذكي]

المشاركة الأصلية كتبت بواسطة Adnou Eclypse

l'enquéte ما فيهاش مشكل ـ عليك و على شطارتك صح ، تقدر تجيب كلشي عليها شكون هي ، ابيها ، جدها ـ قرايتها ـ اخلاقها ,,,,الخ ، لكن باش تروح لباباها مباشرة نشوف فيها شوية غالطة لانو ممكن بيها يقبل و هي لا يالتالي يكون احراج و تحطها في المشكل ـ اما انت كي قدرت تحكي معاها في الجامعة ـ ام كاين بنات حتى باش تحكي معاك 10 ثواني ما تقبلش ـ و نفرضو قدرت تحكي معاها في ظروف مافيها حتى غرام من الشبهة ، قداه الزمن لي تفاهنو فيه ، نصف ساعة ؟ ساعتين ؟ 4 ؟ و هل هاذي كافية باش تتاخذو قرار تاع حياة كاملة ؟

معليش درك نرتبهملك حساب فهامتي والله أعلم :
في الحياة الوردية المتالية :
1/ تشوف الطفلة تعجبك خارجيا
2/Enquete===> ناس ملاح
3/تروح تخطب
4/الطفلة تقول إيه لأنها رضات دينك وخلقك
5/باباها يدير عليك Enquete
6/أنت ناس ملاح راح يكوف روحو وإذا العكس راح يقلك رانا بطلنا (مارانيش عليك صديقي نتكلم على العموم)

الحياة الواقعية روز ميليتار :
1/ تشوف الطفلة تعجبك خارجيا
2/Enquete===> ناس ملاح
3/تقلها راني جاي نخطب ديراكت في 5 تواني (ولأنك كنت موفق فالخطوة 2 الطفلة راح تجاوبك صراحة إيه ولا لا بعد ما ترمي عينها تشوفك خارجيا)
4/في حالة نعم تروح لباباها وحدك أو تروح ديراكت مع الوالدين تخطب
5/باباها يدير عليك Enquete
6/أنت ناس ملاح راح يكوف روحو وإذا العكس راح يقلك رانا بطلنا

يعني فالحالتين نفس الشيء حنا نصعبوها تصعاب... ويا أخي أنظر للنصف الممتلء من الكأس : إذا رفضاتك أحمد ربي لعله خير : {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]} كفاك الله القتال
كما أن أمور بعد الزواج تتفاهمو عليها بوجود محرم تحتاج صوتها يرد عليك ماتحتاجش تشوفها وانتوما تتفاهمو أصلا ماش مليحة ليك تلعبلك براسك

[قويدر الذكي]

المشاركة الأصلية كتبت بواسطة adnou eclypse

قداه الزمن لي تفاهنو فيه ، نصف ساعة ؟ ساعتين ؟ 4 ؟ و هل هاذي كافية باش تتاخذو قرار تاع حياة كاملة ؟

إضافة فقط المرأة ماراحش تفهمها حتى لو ريحت 20 سنة تتفاهمو. خير على الدين والتربية.... شوف جداتنا برك صابرات مع أنو جدودنا الوعارة والضحك ماكانش
وأنت كون قدوة ليها حتى نهار تقلها هذي حرام وهذي واجب تاخد الراي مش تقلك نتا روح صلي ومبعد أهدر على الحلال والحرام.
وصدقني أخي مهما تبين المرأة بأنها واعرة إلا ماتلقى راجل (ليس ذكر) اللي يحتويها وترجع لطبيعتها العاقلة والحنينة... ولا واش قلتو لبنات؟؟؟

[راية الاسلام1]

المشاركة الأصلية كتبت بواسطة قويدر الذكي

Enquete

صدقني والله واحد ما يعطيك الصح
غير اللي تسقسي عليه واللا عليها يقولك ناس ملاااح
هدا جارنا مدير بنك صديق ابي سرقو جارنا وهو شاااب وجبدتو الشرطة ووصلو للمحااكم المهم سمحلو و دخل السجن وكي خرج
جااء اب بنت يسال عن الشااب والتقى بمدير البنك هادا قالو ناس ملااح
وهادي اخت صديقتي خطبها رجل ماتعرف عليه والو كي سال عليه الوالد تاعها قالولو ناس ملااح ومبعد عامين زواج تطلقو وسرقوولها دهبها كااامل
وبحكم ان الجيران يحبونها لانها استااذة بعد الطلااق كاامل قالولها العائلة هادي متليقش

هذا هو الشيء اللي خلا الشباب تاعنا يلجؤوا للحرام مع انني ضده
بالنسبة للسن يا اخي انت قلتلي شااب معناها واحد من سن البلووغ الى 30 سنة
سامحني لكني هنا ضدك
هناك من عنده 14 سنة يخمم احسن من اللي عندو 40 سنة
السن لا يهمني المهم طريقة التفكير
وراهم يقولو سن المراهقة في الجزاائر امتد الى 30 سنة

[ﻟﯾﭠھَہّا-أפﻟاﻣ̝̚]

ايه يعتبروها حاجة لازمة باه يعرفوا عقلية بعضاهم ولو انها محرمة وخارج نطاق الشريعة الاسلامية

[قويدر الذكي]

المشاركة الأصلية كتبت بواسطة راية الاسلام1

صدقني والله واحد ما يعطيك الصح
غير اللي تسقسي عليه واللا عليها يقولك ناس ملاااح
هدا جارنا مدير بنك صديق ابي سرقو جارنا وهو شاااب وجبدتو الشرطة ووصلو للمحااكم المهم سمحلو و دخل السجن وكي خرج
جااء اب بنت يسال عن الشااب والتقى بمدير البنك هادا قالو ناس ملااح
وهادي اخت صديقتي خطبها رجل ماتعرف عليه والو كي سال عليه الوالد تاعها قالولو ناس ملااح ومبعد عامين زواج تطلقو وسرقوولها دهبها كااامل
وبحكم ان الجيران يحبونها لانها استااذة بعد الطلااق كاامل قالولها العائلة هادي متليقش

هذا هو الشيء اللي خلا الشباب تاعنا يلجؤوا للحرام مع انني ضده
بالنسبة للسن يا اخي انت قلتلي شااب معناها واحد من سن البلووغ الى 30 سنة
سامحني لكني هنا ضدك
هناك من عنده 14 سنة يخمم احسن من اللي عندو 40 سنة
السن لا يهمني المهم طريقة التفكير
وراهم يقولو سن المراهقة في الجزاائر امتد الى 30 سنة

هههههههه والله يا أختي وحدك أنت..غلقتيها ضربة وحدة.. وعلاه واحد مايعطيك الصح؟ نصيحتي لك حاسبي كل واحد وحدو ماتجمعيش يا البلدة تساعنا.
خطرة سقساتني وحدة عن زميلي بالدراسة (أخينا) مايسرق ما يخلي صلاتو ما ما ما...... قلتلها "أنا لأختي مانقبلوش" قالتلي بارك الله فيك وراحت (ماقبلتش)... ناس ملاح ماش دائما أفعال : المومن يقدر يسرق في حالة طيش ولا ضعف... يقدر يدير ويدير لكن العبرة بالخواتيم... وشحال من واحد كي تزوج عقال ورجع لربي.. المرأة الصالحة عماد البيت... والناس لملاح بالقلب... وممكن العايلة صح مليحة بصح السيدهذاك يخرج صوفة طايرة.. قوله تعالى: { يخرج الحي من الميت ويخرج الميت من الحي}. كما أنه كاين الإبتلاء من الله.... هذي كلها ظروف تخليك ماتحكمش من زيجة وحدة فاشلة على كل المجتمع.
بخصوص السن 14 سنة ممكن يخمم خير لكن على العموم الأكبر يكون اكثر خبرة وحكمة ورزانة... عندي أنا سن المراهقة يخلاص كي يستقر العبد مع مرتو لأنو يكون مسؤول على عايلة.... صح فطوركم

[مريم الصابرة]

السلام عليكم اختي
سؤال نقلك جوابو عند الرجال كلو هنا مرفوض وبرا من المنتدى لازم نعرف عقليتها
اختي طرحت سؤال في زمن كل امر عادي
والله عن نفسي الصراحة لا اتعرف عليه بعد الخطبة نعم اوافق لانو قبل الخطبة لا يسمى خطيب يسمى خليل وهناك إنت اضيفي إستطلاع آخر
شكرا وصحا فطورك

[النجمة الذهبية1]

[QUOTE=aymmen;3991283666]اخي الرجل اختي المرأة هل كسرت هل كسرتي ...........نظرية كما تدين تدان مهمة قبل الزواج .
ومن مفروض لا هاتف بعد مواعدة الا لا ننكر نحن نعود الى وقتنا الحالي .الف مبروك لجدي وجدتي رحمهم الله تزوجو وتوفاو بعد حفنة من اولاد وبنات وانا حفيدهم
اهلين اخي الكريم

هذه كتابتك ( واش قلتي كاين فتيات يطلبن هاتف وخاصة من رجال اصحاب سيارات وسكن مستقل لذا قلت نحن في منتدى ) !!!!! هااااذذذذ النوع ربي يسهل عليهم انا ماهدترش بصفة خاصة ...!!وبخصوص الي يطلبو من اصحاب سيارات نحن مادخلناش فيهم ومش هذا موضوعنا


كل جملة درتيلها تعليقها الخاص من طرفك ممتاز
تحياتي لك ..

[النجمة الذهبية1]

المشاركة الأصلية كتبت بواسطة knives66

انا ضد علاقة غرامة

لكن نوضحلك شيئ لان موضوعك مخلط

انا كي تعجبني وحدة منيش راح روح مباشرة لدرها كي بهلول لا يلزم نهدر معها

هيا ونتفهموا على امور قبل لا نتقدم

وممكن هذا الفتاة على علاقة مع رجل

ممكن هناك امور لن تقبل بها مثل مكوث في البت وووو

اذا هذا امور منتفهمش معها بعد خطبة انما قبل الخطبة هكذا

لكي لا اتعب نفسي بذهاب الى منزلها وووو ثم رفض

عجبتي اتحدث معها وافقت اتقدم لا اكثر ولا اقل


اما ان ادخل في علاقة غرامة طويلة هنا يحبس كلش

انا لست ملتزم لكن نعرف حدودي مع نساء صح وندردش مع بنات في افيسبوك وفي انترنت لكن لم ادخل في علاقة غرامية في حياتي رغم اني ايام ثانوية

قربت لولا انا الله اراد لي الخير والحمد الله

يااخي كاين الي يقولو لازم نتعرفو قبل باش نشوف اذا ماعندها ولا واحد في حياتها ولالا ...مثل قلت أنت ..واذا تقبل المكوث في البيت أو لا مثل قلت أنت ..وهكذا عند فئة من الرجال تطور العلاقة بلا مايفيقو وهذا نسمعه كثيرا من خلال حكايات الناس ...يعني هناك لايعرف حدوده مع النساء والا من رحم ربي.....
صح فطورك اخي

[لحن الحياة.]

انا من راي مريم يتعارفو بعد الخطبة............... مش قبلها.

[BAROUD]

خذ بنات الناس اذا ماصبت الهناء تصيب الخلاص

و البدايات الحسنة تؤدي للنهايات الحسنة

[النجمة الذهبية1]

المشاركة الأصلية كتبت بواسطة jill

انا من راي مريم يتعارفو بعد الخطبة............... مش قبلها.

:dاهلا جيل
أحسنت قولا عزيزتي

[knives66]

المشاركة الأصلية كتبت بواسطة النجمة الذهبية1

يااخي كاين الي يقولو لازم نتعرفو قبل باش نشوف اذا ماعندها ولا واحد في حياتها ولالا ...مثل قلت أنت ..واذا تقبل المكوث في البيت أو لا مثل قلت أنت ..وهكذا عند فئة من الرجال تطور العلاقة بلا مايفيقو وهذا نسمعه كثيرا من خلال حكايات الناس ...يعني هناك لايعرف حدوده مع النساء والا من رحم ربي.....
صح فطورك اخي

كل واحد ونيتوا وزيد لبنات الله يبارك واش مايرطوش والله واش راح نقولك

إنما الأعمال بالنيات وكل واحد ونيتوا وربي يعطي على قد نية إنسان والله كون يلعبها مدين

ربي كبير وراهم يخلصوا


شكرا وصح صحورك

بصح نفهم حاجة صح فطورك وفهمتها وهذي ............ وعلاه .؟؟؟